Liib 26:1 - RUAC KUƆTH IN RƐL RƆ

¹ “/Cuarɛ rɔ täth kuth ti jiäk kiɛ ri̱ekni kiɛ yi̱kni ti cia cuɔ̱ŋ, kä /cuarɛ rɔ moc pääm ti palɛ, kɛ ɣöö ɛ ɣän Kuoth Nhial Kuothdun.

Liib 26:1 Iomraidhean Croise

2 Kua̱r 17:10

Kä cikɛ rɔ lät kä riäkni kɛnɛ kuth Ac-tar-te wuɔ̱thni päämni diaal kɛnɛ thär jiɛn diaal tin tɔ̱ɔ̱c.

2 Kua̱r 17:16

Kä cukɛ lueek Kuɔth Nhial Kuothdiɛn diaal lo̱k, kä cukɛ rɔ̱ la̱th ti ce̱tkɛ thääk da̱ŋ rɛw. Kä cukɛ rɔ ta̱th Ac-tar-te, kä cukɛ nyin nhial diaal pal, kä cukɛ kuoth Baal pal bä.

2 Kua̱r 17:8

Kä cukɛ wä guɔ̱ɔ̱r ni ciɛŋ dööri tëë ci Kuoth Nhial kɛ joc nhiam ji̱ I-thɛ-rɛl, kɛnɛ ciɛŋ tëë ca cak ɛ kua̱r I-thɛ-rɛl.

Diit 78:58

Cukɛ jakni Kuoth kä gak kɛ gua̱th palikiɛn, cikɛ jɛ jak kä tekɛ tiɛɛl kɛ kui̱ kuthni jiɛnkiɛn.

Diit 97:7

Kä ca nɛy diaal tin palkɛ ni kuth jiɛn moc kɛ pöc, kɛn nɛy tin liakɛ rɔ̱ kɛ kuth jiɛn ti thil luɔt, palɛ jɛ yɛn kuth diaal.

Ɣöth 20:2

“Ɛ ɣän Kuoth Nhial Kuothdun ëë käm yɛ raar muun I-jëp, due̱e̱l yie̱e̱nä.

Ɣöth 20:23

/Cuɔrɛ kuth yieethä täth rɔ̱, kä /cuɔrɛ rɔ̱ täth kuth da̱a̱pni.

Ɣöth 23:24

Tit ɛ, i̱ /ci rɔ̱ bi goŋ kɛ kuthkiɛn, kä /ci kɛ bi pal a bi kɛ lät kä lät, kä /ci lätkiɛn bi guɔ̱ɔ̱r. Kä bia kɛ däk a bia yi̱knikiɛn thia̱y piny.

Ɣöth 34:17

/Cuarɛ rɔ̱ lät kuth.

I-ca-yaa 2:20

Ɛn cäŋ ɛmɔ bi naath kuthkiɛn tin ca täth kɛ ciɛk in bo̱r kɛnɛ da̱a̱p tin palkɛn kɛ. Bikɛ kɛ yuɔ̱r li̱kli̱kni kɛnɛ ŋaprɔ̱kɛdhɔ̱tni.

Liib 19:4

Kä /cuarɛ rɔ rit kuth guäyni kä /cuarɛ rɔ täth kuth ciikni. Ɛ ɣän Kuoth Nhial Kuothdun.

Liib 25:55

Kɛ ɣöö ji̱ I-thɛ-rɛl kɛ ja̱a̱ŋ kä, kɛ ja̱a̱ŋ kä tëë ka̱mä raar rööl I-jëp. Ɛ ɣän Kuoth Nhial Kuothdun.”

Liib 7:33

kä ram kɛl kä gaat Ä-ron min thöp riɛm kɛnɛ thiɔl mucä maarä mɔmɔ bɛ ciök ɛmɔ ka̱n ala cuɔ̱ɔ̱ŋdɛ.

Kuen 33:52

Juɔcɛ nɛy diaal tin cieŋ thi̱n raar nhiamdun, kä da̱kɛ päämkiɛn diaal tin ca la̱t, kɛnɛ kuth baaŋ tin ca täth, kä da̱kɛ gua̱th pali diaal.

Lät Jaakni Yecu 17:29

Kä ɛnɔ min lapnɛ gaat Kuɔth, /canɛ jɛ dee car i̱ ce̱t ta̱a̱ Kuoth kɛ da̱a̱p kiɛ ciɛk in bo̱r kiɛ päm mi ca la̱t kɛ tet raam mi kuur.

Ŋuɔ̱t 27:15

“ ‘Kueth akɛ ram in bi kuth baaŋ täth, tin lo̱k Kuoth Nhial kɛ, tin ta̱thkɛ kɛ tet beli.’ Kä bi nɛy diaal ɛ loc i̱, ‘Inɔnɔ.’

Ŋuɔ̱t 5:6

“Ɛ ɣän Kuoth Nhial Kuothdu, mëë käm ji̱ raar muun I-jëp, duëël yieenä.

Nyuuth 22:15

Kä te ni jio̱o̱k kɛnɛ ti̱t, kɛ lëër kɛnɛ na̱a̱k nath, kɛ ji̱ palä kuthni jiɛn, kɛ nɛy diaal tin nhɔakɛ ciaŋ kacä raar wec.

Ruëëc 18:30

Kä cu ji̱ Daan kuth tin ca la̱t kɛ jiɛn cuɔ̱ŋ rɔ. Kä cu Jo-na-than gat Ger-com gat Muthɛ, kɛnɛ gaatkɛ a bööth palä kä ji̱ Daan amäni mëë pɛ̈ckɛ naath.