Liib 24:16 - RUAC KUƆTH IN RƐL RƆ

¹⁶ Kä ram ɔ bi ciöt Kuɔth ya̱r ɔ ba näk, ɛ raan I-thɛ-rɛl kiɛ ram mi cieŋ rɛydiɛn, ba bo̱k ɛ ji̱ dolä diaal mäni lia̱a̱dɛ.

Liib 24:16 Iomraidhean Croise

Mɛ̈t 12:31

Kɛ kui̱ ɛmɔ ɣän la̱rä jɛ yɛ, dueer diaal kɛnɛ kueth ni Kuɔth ba naath pälikä thi̱n, kä ram mi kueth ni Yiëë Kuɔth /ca jɛ bi pälikä.

Je-mɛth 2:7

/Cikɛ kɛn nɛy tin kuëthkɛ ciöt in gɔaa min cɔalkɛ ni yɛ?

1 Tim 1:13

A cäŋ ni mëë jɛ kɔŋ kuëth, kä cä jɛ moc riɛk, kä ɛ ɣän ram mi gua̱n köör. Kä duundɛ ɣöö cä kɔ̱a̱c lɔaac jek kɛ ɣöö cä lät ala ram mi kui̱c ŋu kɛ thil ŋäthä.

Lät Jaakni Yecu 26:11

Kä gua̱thni ti ŋuan cäkɛ jak kä dua̱ckɛ gua̱thni palä ji̱ Juudh diaal, kä cua̱ jɛ ɣɔ̱n ɛn ɣöö bikɛ ruac jiäk kɛ Yecu. Kä kɛ kɛ̈c lɔaac mi di̱i̱t kä kɛ, cua wä wi̱i̱ni ti kɔ̱kiɛn kɛ ɣöö bäkɛ wä duäc.”

Mɛ̈t 26:66

Ɛŋu mi caar yɛn ɛ?” Cukɛ wee i̱, “Jɛn ro̱ŋɛ kɛ lia̱a̱.”

Diit 139:20

kɛn nɛy tin la ruac ɛ jiäk kɛ kui̱du, nɛy tin liakɛ rɔ kɛ mi jiäk kɛ kui̱du!

Diit 74:18

Car mɛmɛ lö Kuoth Nhial ɛn ɣöö ji̱ tɛ̈ru dɔalkɛ ji̱, kɛn nɛy ti dɔa̱a̱r ɛ ti dɔalkɛ ciötdu.

Diit 74:10

Kä bɛ kulɛ ɛ mäni nɛy lö Kuoth bi gua̱n tɛ̈r ji̱ dɔlɔ? Ɛ bi kɛn ji̱ ku kuëth amäni cäŋ kɛl?

Ɣöth 20:7

“/Cu ciötdä la cɔɔli baaŋ ɣän Kuoth Nhial Kuothdu. Kɛ ɣöö ɣän Kuoth ram mi cɔɔl ciötdä baaŋ ba duäc.

Mak 14:64

Cia kuethnidɛ kɛ Kuoth liŋ! Ɛŋu mi caar yɛn ɛ?” Cu kɛn diaal ɛ kuɛth i̱ ro̱ŋɛ kɛ lia̱a̱.

Jɔ̱ɔ̱n 19:7

Cu ji̱ Juudh ɛ loc i̱, “Kɔn ta̱kɔ kɛ ŋut, kä kɛ kui̱ ŋutdä ɛmɔ bɛ li̱w, kɛ ɣöö cɔlɛ rɔɔdɛ Gat Kuɔth.”

Lät Jaakni Yecu 7:58

Kä cukɛ jɛ yɔ̱a̱c raar rɛy wec, kä cukɛ jɛ bök, kä cu nëën bieynikiɛn la̱th nhiam ŋuɛtdä mi cɔal i̱ Thɔɔl.

Ɣöth 22:28

“/Cuɔrɛ ɣä yɔ̱r kä /cuɔrɛ rui̱i̱c mi ruaac nɛɛkun lam.

2 Tham 6:2

Kä cuɛ kɛ böth kä Baale-juda, kɛ ɣöö ba thanduk matdä ruac Kuɔth wä nööŋ, min cɔalkɛ kɛ ciöt Kuɔth Nhial in la Ruey Ɣɔaa min te kɔm kuäärädɛ wi̱i̱ pua̱nyni ti̱n cäät kɛ pua̱ny jaakni.

Liib 20:2

“Jiök ni ji̱ I-thɛ-rɛl i̱, pëkdɛ raan I-thɛ-rɛl kiɛ nɛy tɔ̱ cieŋ rɛydiɛn tɔ, mi wee gaatkɛ wä ka̱m kuoth Mo-lɛk ba jɛ näk. Bi ji̱ dolä jɛ bo̱k.