Liib 20:3 - RUAC KUƆTH IN RƐL RƆ

³ Kä bä wi̱cdä ciaŋ jɔ̱ɔ̱r kä jɛn ram ɛ mɔ, kä bä jɛ tuɔ̱k raar kä nɛɛkɛ. Kɛ ɣöö cɛ gatdɛ kɛl kä gaatkɛ ka̱m kuoth Mo-lɛk, cɛ luaakdä jak kä jiäk kä cɛ ciötdä ya̱r.

Liib 20:3 Iomraidhean Croise

Ɣöth 30:33

Kä mi wä raan mi ce̱tkɛ jɛ wä la̱t kɛnɛ mi wee tekɛ ram mi bi jɛ la̱th puɔ̱ɔ̱ny jurä dɔ̱diɛn, ram ɔ lät mi ce̱tkɛ nɔ mɔ ba tuɔ̱k raar rɛy nɛɛnikɛ.’ ”

Yɛdh 20:39

“Kä kɛ kui̱dun lö ji̱ thuɔk duëël I-thɛ-rɛl, mɛmɛ larɛ Kuäär ni Kuoth Nhial ɛn ɣöö yɛn wiaa la̱tdɛ kuth guäynikun ikä ramɔ kä yɛ, duundɛ ɣöö kɛ kɔrɛ bi yɛn ɣä liŋ, kä /ci yɛn ciötdä bi lɛ nyɔk kɛ yäri, kɛ muckun kɛnɛ kuth guäynikun.

Yɛdh 5:11

Kɛ kui̱ ɛmɔ, ce̱tnikɛ ɣän Kuäär ni Kuoth Nhial in tëk, nɛmɛ ɛ ruac Kuɔth, ɛ puc kɛ ɣöö ci yɛn luak ya̱r kɛ nyinkun tin jiäk. Ɣän bä gɔɔydä woc, /cä yɛ bi kän, kä /cä yɛ bi pälikä.

Liib 15:31

“Bia gaat I-thɛ-rɛl nɔ̱an kɛ tin la kɛ a jak kä jiääk, kɛ ɣöö /cikɛ bi li̱w kɛ jiääkdiɛn, kɛ yäridiɛn kɛ kɛmɛkä ro̱mädä min te rɛydiɛn.”

Liib 17:10

“Kä mi wee tekɛ raan I-thɛ-rɛl kiɛ juɔ̱r mi wä riɛm cam, bä wi̱cdä luɔ̱c ɛn raam ɔ ci riɛm camɔ, kä bä jɛ tuɔ̱k raar kä nɛɛkɛ.

Liib 18:21

Kä /cu gat thöp kuoth Mo-lɛk kä gaatku, kɛ ɣöö /ci ciöt Kuɔthdu bi jiääk. Ɛ ɣän Kuoth Nhial.

Liib 19:12

/Cu rɔ yac kɛ ciötdä kɛ kac bi ciöt Kuɔthdu yär. Ɛ ɣän Kuoth Nhial.

Liib 20:4

Kä mi ci ji̱ dolä jɛ dhɔt ɛn ram ɛ mɔ min thöpɛ gatdɛ kɛl kä gaatkɛ kuoth Mo-lɛk kä /ken kɛn ɛ näk.

Liib 21:6

Kä bikɛn a nɛy ti gɔw kɛ ɣän Kuothdiɛn kä /ca ciöt Kuɔthdiɛn bi jak kä thil luɔt, kɛ ɣöö käm kɛn ɣä muc bɛɛl. Kɛ kui̱ ɛmɔ bikɛ gɔw.

Liib 7:20

Kä mi wä raan ri̱ŋ wä cam kä ri̱ŋ tin jiäk, kä luur in ka̱mkɛ Kuoth Nhial ba jɛ koc rɛy nɛɛnikɛ.

Liib 7:21

Kä mi wä raan puɔ̱nydɛ ya̱r kɛ thiëp kä mi jiäk, raan kiɛ le̱y kiɛ kɛl kä tin canykɛ, kä cɛ mi̱th kɛ ri̱ŋ luurä maarä Kuɔth Nhial, jɛn badääk raar rɛy nɛɛnikɛ.”

Kuen 19:13

Kä ramɔ bi puɔ̱ny raam mi ci li̱w thiap ɔ, kä /kenɛ rɔ puɔk cɛ kɛmɛkä ro̱mä kɛ Kuoth Nhial ya̱r. Ɛn ram ɛmɔ ba tuɔ̱k raar rɛy I-thɛ-rɛl. Kɛ ɣöö /ka̱nɛ kith kɛ pi̱ la̱k, /cɛ bi gɔaa, ŋot jiääkdɛ thi̱n.

Kuen 19:20

“Kä ɛn ram in /ci gɔaa, kä /kenɛ rɔ jak kä gɔaa, ɛn raamɔ ba jɛ tuɔ̱k raar rɛy dolä, kɛ ɣöö cɛ kɛmɛkä ro̱mä kɛ Kuoth Nhial ya̱r. Kä /ka̱n pi̱ la̱k kiɛth puɔ̱nydɛ, cɛ jiääk.

2 Kor 6:16

Ɛ mat ruac ŋukä te kam luaak Kuɔth kɛnɛ kuth guäyni mɔ? Kɛ ɣöö lapnɛ luaak Kuɔth in tëk, kä ce̱tkɛ min ca lar ɛ Kuoth i̱, “Bi ɣän cieŋ rɛydiɛn, kä bä ja̱l kamdiɛn, kä bi ɣän a Kuothdiɛn, kä bikɛ a nɛɛkä.

1 Pit 3:12

Kɛ ɣöö waŋ Kua̱r ni Kuoth guɛcɛ ni ji̱ cuŋni, kä la ji̱thkɛ a lɛpɛ kɛ ɣöö bɛ paliɛn liŋ. Kä duundɛ ɣöö gak Kua̱r ni Kuoth kɛ nɛy tin la̱tkɛ jiäk.”