Liib 18:5 - RUAC KUƆTH IN RƐL RƆ

⁵ Tiɛtdɛ ŋuɔ̱tkä kä ka̱pɛ laatkä, kɛ ɣöö ram mi bikɛ tit, bɛ tëk kɛ kɛ. Ɛ ɣän Kuoth Nhial.

Liib 18:5 Iomraidhean Croise

Nɛ-ɣɛm-yaa 9:29

Curi kɛ luek kɛ ɣöö bikɛ loc kä ŋuɔ̱tku. Kä cukɛ ŋot kɛ mi liakɛ ni rɔ̱ kä /ca luëëku luth, kä cua la̱t ni duer kä ŋuɔ̱tku tin dëë raan jak kä tëk, cikɛ riet ni ji̱ jɔkdiɛn kɛ buɔ̱m wecdiɛn lökɛ ɣöö liɛŋkɛ ruac.

Ɣöth 6:2

Cu Kuoth ruac kɛ Muthɛ kä cuɛ jɛ jiök i̱, “Ɛ ɣän Kuoth Nhial.

Ɣöth 6:29

“Ɛ ɣän Kuoth Nhial, läri Pɛro kuäär I-jëp ti diaal tëë cä la̱rä ji̱.”

Ɣöth 6:6

Kɛ kui̱c ɛmɔ, yɛn jiökɛ ji̱ I-thɛ-rɛl i̱, ‘Ɛ ɣän Kuoth Nhial, ɣän bä yɛ kuëk raar lätni ji̱ I-jëp ti bɛ̈c bɛ̈ɛ̈c. Ɣän bä yɛ dhi̱eel raar yie̱e̱nädiɛn in bɛc bɛc, kä bä yɛ kän kɛ tet mi bumbum kɛnɛ luk mi di̱i̱t.

I-ca-yaa 55:3

Päli ji̱thdu piny, kä bër kä ɣä, liŋ ɣä, dɔ̱ŋ bi ti̱eydu tëk, kä ɣän bä mat ruac mi thil pek la̱t kɛ ji̱, kɛnɛ nhökdä min do̱raar mëë cä la̱r Dee-bid.

Yɛdh 18:9

kä guurɛ ni ŋuɔ̱tkä, kä kääpɛ luëëkä agɔaa, kä lätdɛ kɛ ŋa̱th mi thuɔ̱k, jɛn ram ɛmɔ ɛ gua̱n cuŋni. Ɛ puc, jɛn ram ɛmɔ bɛ tëk, ruac ni ɣän Kuäär ni Kuoth Nhial.

Yɛdh 20:11

Cua̱kɛ ka̱m ŋuɔ̱tkä, kä cua̱kɛ nyuɔ̱th luëëkä, kɛ ɣöö mi wä kɛn kɛ luɔ̱th bikɛn diaal tëk.

Yɛdh 20:13

Duundɛ ɣöö cu ji̱ thuɔk duëël I-thɛ-rɛl rɔ̱ luɔ̱c ɣä däärdɔaar. /Kenkɛ ŋuɔ̱tkä luɔ̱th, kä cukɛ lo̱k ni luëëkä, kɛ ɣöö mi ci kɛn kɛ luɔ̱th dëë kɛn diaal tëk, kä cukɛ ca̱ŋ lɔ̱ŋnikä ya̱r ɛlɔ̱ŋ. “ ‘Kä cua̱ car ni ɣöö dëë ŋɛ̈ɛ̈nydä wuɔ̱ckɛ däärdɔaar ɛ bɛ cua̱ guutdiɛn.

Yɛdh 20:21

Duundɛ ɣöö cu gaat luɔ̱c ni rɔ̱ ɣä. /Kenkɛ ŋuɔ̱tkä guɔ̱ɔ̱r, kä /kenkɛ luëëkä tit agɔaa tin dee luthdiɛn kɛn diaal jakä tëk, kä cukɛ ca̱ŋ lɔ̱ŋnikä ya̱r. “ ‘Kä cua̱ car ni ɣöö dëë ŋɛ̈ɛ̈nydä wuɔ̱ckɛ kä dëë waŋ lɔaacdä thuɔ̱kɛ däärdɔaar.

Liib 18:6

“ ‘A thil ram mi bi rɔ thieek kɛ gua̱n maarädɛ i̱ bɛ jɛ ka̱n. Ɛ ɣän Kuoth Nhial.

Mɛ̈l 3:6

“Kɛ ɣöö ɣän Kuoth Nhial, /cä rɔ gɛr. Kɛ kui̱c ɛ mɔ, yɛn gaat Je-kɔb /ka̱nɛ thuɔ̱k yɛn diaal.

Mɛ̈t 19:17

Cuɛ jɛ loc i̱, “Ɛŋu mi thieci ɣä kɛ kui̱ kä mi gɔaa? Ɛ ram kɛl kärɔa gɔaa ɔ. Mi go̱o̱ri ɣöö bi te rɛy tee kä, käp ni luëëk.”

Luk 10:28

Cu Yecu jɛ jiök i̱, “Ci jɛ loc kɛ thuɔ̱k, lätni mɛmɛ kä bi tëk.”

Ji̱ Röm 10:5

Muthɛ cɛ gɔ̱a̱r kɛ kui̱ cuŋni tin jëkɛ kɛ ŋuɔ̱t i̱, “Ram mi wä ŋuɔ̱t ti̱ti̱ wä luɔ̱th bɛ tëk kɛ kɛ.”

Ji̱ Röm 7:10

kä cua̱ cu li̱w, kɛ jɛn ŋuɔ̱t ɛmɔ pa̱ny, min dee ŋun ni tëk, cɛ nööŋ ni lia̱a̱ kä ɣä.

Ji̱ Gä-lëë-cia 3:12

Kä duundɛ ɣöö ŋut /cɛ cuŋ wi̱i̱ ŋäthä, kɛ ɣöö ca gɔ̱r i̱, “Ram mi lät tin go̱o̱r ŋuɔ̱tkɛ bɛ tëk kɛ kɛ.”

Ŋuɔ̱t 30:20

nhɔk Kuoth Nhial Kuothdu, kä luthni jɔwdɛ, käp ni rɔ jɛ. Kɛ ɣöö ɛ ja̱ny teekä kä ji̱, bi cu cieŋ muun ëë cɛ la̱r guuri, A-bɛ-ram kɛnɛ Ay-dhɛk, kɛ Je-kɔb i̱ bɛ ka̱m kɛ.”

Ŋuɔ̱t 30:6

Kä bi Kuoth Nhial Kuothdu lɔcdu jak kä gɔaa kɛnɛ lɔc ganku, kɛ ɣöö bia Kuoth Nhial Kuothdun cu nhɔk kɛ lɔcdun kɛɛliw kɛnɛ ca̱run, kä bia cu tëk.

Ŋuɔ̱t 4:1

“Ɛn täämɛ, lö ji̱ I-thɛ-rɛl, liɛŋɛ ŋuɔ̱t kɛnɛ luëëk tin cä ŋi̱i̱c ni yɛ, la̱tdɛ kɛ, kä dɔ̱ɔ̱ bia tëk, ɛ bia mun ëë ci Kuoth Nhial Kuoth guurikun ɛ ka̱m yɛ wä ciɛŋ.