Liib 16:4 - RUAC KUƆTH IN RƐL RƆ

⁴ Kä a ŋot Ä-ron a /kenɛ ni wä rɛy, guäth in rɛl gɔɔydɛ rɔ, a jɛ puaak kä bɛ bieyni bööthä palä bat, bi̱i̱ in bäär kɛnɛ thuruaalikɛ, kä bɛ kɛ yian kɛ yieynikiɛn, kä bɛ kum biey cu la̱th.

Liib 16:4 Iomraidhean Croise

Ɣöth 28:2

Kä bi̱i̱ bieyni palä ti gɔw ti ɣɛ̈lkɛ rɔ̱ la̱t kɛ kui̱ dämuɔɔr ni Ä-ron kɛ ɣöö bɛ tekɛ luth kä bɛ waŋ nath riaw kɛ maan bieynikɛ.

Ɣöth 29:4

Bi̱i̱ Ä-ron kɛnɛ gaatkɛ no̱o̱ŋ thok duëël ro̱mä nath kɛ Kuoth Nhial, bi kɛ cu puɔk kɛ pi̱.

Ɣöth 30:20

Bikɛ te̱tkiɛn kɛnɛ ciökiɛn a lakkɛ thi̱n guäth in wäkɛ rɛy duëël ro̱mä kɛnɛ gua̱a̱th in bäkɛ gekä yi̱kä kɛ ɣöö bikɛ ben lät, kɛ min waŋkɛ muc in la wa̱ŋkɛ ɣän Kuoth Nhial. Inɔ /cikɛ bi lɛ li̱w.

Ɣöth 40:12

Kä bi̱i̱ Ä-ron kɛnɛ gaatkɛ ku no̱o̱ŋ thok duëël ro̱mä rɛc i̱, bi kɛ lak kɛ pi̱,

I-ca-yaa 53:2

Kɛ ɣöö ci ja̱ŋdɛ piith nhiamdɛ ce̱tnikɛ juac, ce̱tnikɛ piɛth jiaath mi piɛɛr ko̱o̱tdä, thilɛ jɛ ta̱a̱ kiɛ gɔɔy mi dënɛ guic ɛ, kä thilɛ mi dënɛ bɛc kä nëndɛ.

Yɛdh 44:19

Kä mi wäkɛ wä kä naath rɛy kal in te raar, bikɛ bieyni tin lätkɛ kɛ ka̱m raar, bikɛn kɛ la̱th duëli tin rɛl gɔɔydiɛn rɔ̱. Kä bikɛ bieyni ti kɔ̱ŋ cu la̱th, kɛ ɣöö /ci ciaŋ bieyni in rɛl rɔ bi cop kä naath.

Yɛdh 9:2

Kä cu wutni da̱ŋ bäkɛl käny raar kɛ thok in te nhial min lot ni kui̱c caam, a te ram ɔ yio̱w köörɛ tin buɔ̱m buɔ̱ɔ̱m tetädɛ. Kä te rɛydiɛn kɛ wut mi ciɛŋ bi̱i̱ mi ca tak agɔaa kä te duŋ gɔ̱rä gekädɛ. Cukɛ wä rɛc kä cukɛ wä cuɔ̱ŋ gekä yi̱kä cikä min yian.

Liib 16:23

“Ɛ jɛn bi Ä-ron cu luny kɛmɛkä ro̱mä kɛ Kuoth Nhial, bɛ bieyni bööthä palä ben ka̱m raar tin cɛ bat guäth in wee gua̱a̱th in rɛl gɔɔydɛ rɔ, bɛ kɛ cu ba̱ny ɛn wi̱ni.

Liib 16:24

Kä bɛ rɔ puɔk guäth mi rɛl gɔɔydɛ rɔ, kä bɛ bieynikɛ cu la̱th, kä bɛ cu ben raar bɛ muc mi waŋ ben thöp kɛ kui̱dɛ, kɛ luur mi waŋ kɛ kui̱ nath bɛ rɔ cu luɛl kɛnɛ naath.

Liib 16:32

Kä ɛn bööth palä mɔ yi̱r kɛ mɔ kä lɛ̈ykɛ, kɛ ɣöö bɛ gua̱a̱th gua̱n ka̱n ala bööth palä in di̱i̱t, a jɛ luel kä a jɛ läth bieyni bööthä palä.

Liib 6:10

Bi bööth palä bi̱i̱dɛ mi bäär la̱th kɛnɛ thuruaalikɛ. Kä bɛ ŋɛ̈th in ci mac ɛ pɛt wi̱i̱ yi̱kä puɔc piny, kä bɛ jɛ duɔl thaar yi̱kä.

Liib 6:3

kiɛ cɛ mëë ci bath jëk kä cɛ kac kac kɛ kui̱dɛ. Kä cɛ rɔ yac kɛ kac, kɛ ga̱kdɛ kɛ jɛ i̱ /kenɛ jɛ nɛn.

Luk 1:35

Cu jääk nhial jɛ jiök i̱, “Bi Yiëë in Gɔaa in Rɛl Rɔ ben kä ji̱, kä bi buɔ̱m Kuɔth in Di̱t ni jɛn ji̱ kum. Kɛ kui̱c ɛmɔ bi gat mi in ba dap a mi rɛl rɔ, kä ba jɛ cɔl i̱ Gat Kuɔth.

Ji̱ Pi-li-pi 2:7

Kä cuɛ rɔ jakä thil luɔt, kä cuɛ ka̱n ni ta̱a̱ kuanyä, kä cua jɛ dap ce̱tkɛ raan. Kä cua jɛ jek jɔcɛ kɛ ta̱a̱ ran,

Ji̱ Ɣi-bɛ-ru 10:22

Kɛ kui̱ ti̱ecnɛ rɔ̱ thiäkä kɛ lo̱c ti thuɔ̱ɔ̱k, kɛnɛ ŋa̱th mi ro̱ŋ, kɛ lo̱ckɔn ti ca jakä puɔth kä mi jiääk, kɛnɛ pua̱nykɔn ti ca lak kɛ pi̱ ti wi̱er wi̱eer.

Ji̱ Ɣi-bɛ-ru 2:14

Kä kɛ ɣöö te gaat kɛ ri̱ŋ kɛnɛ riɛm, jɛn Yecu bä tëëkɛ puɔ̱ny mi ce̱tkɛ puɔ̱nydiɛn, kɛ ɣöö kɛ lia̱a̱dɛ derɛ ram in tekɛ buɔ̱m li̱eth min la gua̱n jiäkni däk.

Ji̱ Ɣi-bɛ-ru 7:26

Kɛ ɣöö ro̱ŋɛ ɛn ɣöö dënɛ tekɛ bo̱o̱th palä in di̱i̱t mi ce̱tkɛ nɔ, mi rɛl gɔɔydɛ rɔ, mi thil bɛ̈l, kä thil mɛ̈ɛ̈ny, mi ca lɛy kä ji̱ dueeri, kä ca kap nhiam kä nyin nhial diaal.