Liib 1:9 - RUAC KUƆTH IN RƐL RƆ

⁹ Kä ɛn ram min thöp muc bɛ jia̱cdɛ kɛ kockɛ lak, kä bi bööth palä kɛ waŋ kɛn diaal wi̱i̱ yi̱kä ala muc mi waŋ, bi ŋuänydɛ cua mi gɔaa kä Kuoth Nhial.

Liib 1:9 Iomraidhean Croise

Tuk Cäkä Ɣɔaa 8:21

Kä cu ŋuänydiɛn lɔc Kuɔth jak kä tɛth, kä cuɛ jɛ lar kɛ lɔcdɛ, “/Cä piny bi me̱t nyɔk kɛ däk kɛ kui̱ nath, kɛ ɣöö ca̱r wuɔ̱thnikiɛn ɛ mi jiääk ni kuɛɛkädiɛn, kä thilɛ yi̱ey kä tin diaal tin cä cak ti bä lɛ nyɔk kɛ ba̱th ce̱tkɛ mi cä la̱t ɛ.

1 Kuɛ̈n 6:34

gat Ɛl-ka-na, Yɛ-ro-ɣaam, Ɛ-li-el gat Towa,

2 Kuɛ̈n 4:6

Kä cuɛ took da̱ŋ wäl täth bä kɛ kui̱ la̱k, cuɛ dhieec la̱th kui̱c caam luaak kä cuɛ dhieec tin kɔ̱ŋ la̱th kui̱c cuëëc luaak. Kɛn tɔ̱tɔ̱ la muc in waŋkɛ a lakɛ thi̱n, kä ɛn dhaar la bööth palä rɔ̱ a lak thi̱n.

Diit 51:6

Ji̱n go̱o̱ri ni thuɔ̱k, kɛ kui̱ ɛmɔ moc ɣä kɛ pɛl rɛy lɔaacdä.

Diit 66:15

Ɣän bä ji̱ thöp muc ti cuath cuaath ti waŋkɛ, kɛɛl kɛ muc thääk deet rɔɔmni. Kä bä muc thääkni kɛnɛ böwni thöp ji̱.

Ɣöth 12:9

/Cuɔrɛ ri̱ŋ mi tëk kiɛ mi ca thal kɛ pi̱ cam. Buɔ̱lɛ jɛ kɛ ruɔlɛ, kɛ wi̱cdɛ kɛnɛ ciökɛ amäni nyin jiɛcdɛ diaal.

Ɣöth 29:18

Bi ruath dɛ̈ɛ̈l ɛmɔ waŋ kɛɛliw wi̱i̱ yi̱kä. Ɛ luur mi wa̱ŋkɛ ɣä, ɣän Kuoth Nhial, ɛ miɛl mi kur kur mi tɛɛth lɔc. Ɛ luur maac kä Kuoth Nhial.

Ɣöth 29:25

Bi kɛ cu ka̱n te̱tnikiɛn, bi kɛ waŋ wi̱i̱ yi̱kä. Mati kɛ kɛɛl kɛ luur in la waŋkɛ ala miɛl tɛthkä lɔaac mi kur kur kä ɣä. Min mɔ luur maac kä jɛ.

Bok Go̱kä ni Yir-mɛ-yaa 4:14

Kä ji̱n lö Jɛ-ru-tha-lɛm lak lɔcdu kä dueerku, kä dɔ̱ŋ deri kään. Bi ku mäni nɛy bi cär lɔaacdu kɛ ti jiäk te rɛydu mɔ?

Yɛdh 20:28

Kɛ ɣöö mëë cäkɛ nööŋ muun ëë cä ya̱ckɛ, mɔ cikɛ päm nɛnɔ kɛnɛ jiɛn tin tɔ̱ɔ̱c, la kɛn muckiɛn cua tho̱p ɛn wi̱ni, la kɛn muckiɛn tin jakɛ ɣä kä ŋɛ̈ɛ̈ny cua̱ tho̱p. Ɛn wi̱ni waŋ kɛn wal tin kuɔ̱r kuɔ̱ɔ̱r kuthkiɛn, kä lät kɛn kɛ kä kɔaaŋ ti muɔckɛ kɛ.

Yɛdh 20:41

Ɣän bä yɛ nhɔk ce̱tnikɛ ŋuäny mucni ti waŋkɛ, mi wa̱a̱ yɛ wä nööŋ raar rɛy dööri tëë cä yɛ riaw kä thi̱n, bä yɛ ruɔ̱ɔ̱l wi̱i̱ni diaal tin ca yɛ kiɛth thi̱n. Kä ɣän bä gɔɔydä cu nyoth rɛydun nhiam dööri.

Yɛdh 40:38

Kä tëë kɛ duel mi ci nhiamdɛ luɔc thok kal in te kui̱c caam, mi ba muc tin waŋkɛ lak thi̱n.

Liib 1:13

Kä bɛ jia̱c kɛnɛ koc dɛ̈ɛ̈l lak, kä bi bööth palä jɛ thöp Kuoth Nhial, kä bɛ jɛ cu waŋ kɛ li̱w wi̱i̱ yi̱kä, kä bi ŋuänydɛ cua̱ mi gɔaa kä Kuoth Nhial.

Liib 1:17

Kä a bak jɛ däär, kä a /ci jɛ bak piny, kä bɛ cu waŋ kɛ li̱w wi̱i̱ yi̱kä ala muc mi waŋkɛ. Kä bi ŋuänydɛ cua̱ mi gɔaa kä Kuoth Nhial.”

Liib 2:16

Kä bi bööth palä tha̱a̱ŋ mi̱eth ɛ mɔ waŋ, kɛ kɛ liɛɛth amäni wäl in ŋuäny kur, ala mi tiɛm, ɛ mi̱eth mi ca ka̱m Kuoth Nhial.”

Liib 2:2

Kä a nöŋɛ gaat Ä-ron tin la bööth palä, kä bi bööth palä min lät la̱t tëtdɛ thiäŋ kä nup ɛmɔ kɛnɛ liɛɛthdɛ amäni wälɛ kɛɛliw, kä bɛ jɛ waŋ wi̱i̱ yi̱kä, kä bä muc tiɛm kɛ ɣöö ca kɔn wa̱ŋ Kuoth Nhial. Kä ɛn miɛl mi̱eth ɛmɛ ba ŋuäny mi gɔaa mi tɛth lɔc Kuoth Nhial.

Liib 2:9

Kä bi bööth palä tha̱a̱ŋ mucä mɔmɔ ka̱n, kä bɛ jɛ waŋ wi̱i̱ yi̱kä a tiimɛ jɛ i̱ ɛ mi ca kɔn ka̱m Kuoth Nhial kɛ lidɛ, kä ɛn miɛl mi̱eth ɛ waŋ ɛmɛ, ba mi tɛth lɔc Kuɔth Nhial.

Liib 3:11

Kä bi bööth palä kɛ waŋ wi̱i̱ yi̱kä ala luur mi̱eth Kuɔth Nhial.

Liib 3:5

Kä bi bööth palä kɛ waŋ wi̱i̱ yi̱kä, kɛ kɛ muc tin waŋ, kä bi miɛl luurä mi̱eth ɛmɛ a mi tɛth lɔc Kuɔth Nhial.

Liib 4:31

Kä bɛ kɔalikɛ koc, ce̱tkɛ min la kuɔckɛ kɔali luuri nyuaakä. Kä bi bööth palä jɛ waŋ wi̱i̱ yi̱kä ɛla ŋuäny mi gɔaa kä Kuoth Nhial. Kä inɔ bi bööth palä jɛ cu luɛl kɛ jɛn luur ɛmɔ, kä ba jɛ cu pälikä.

Liib 6:14

“Ti̱ti̱ kɛ ŋuɔ̱t kɛ kui̱ mucä bɛɛl bi gaat Ä-ron ɛ nööŋ nhiam Kuɔth Nhial kä bikɛ jɛ ben thöp nhiam yi̱kä.

Liib 8:21

Kä min ca nyin jiɛcdɛ diaal lak kɛnɛ kockɛ cu Muthɛ ɛ cu waŋ ɛn thäk dɛ̈ɛ̈l rɔɔmä kɛ lidɛ wi̱i̱ yi̱kä ce̱tnikɛ mëë cɛ la̱t jɛ, ala muc mi waŋ, kä cu ŋuänydɛ cua̱ mi gɔaa kä Kuoth Nhial.

Liib 8:28

Ɛn wa̱nɔ cu Muthɛ kɛ ka̱n tetnikiɛn kä cuɛ kɛ waŋ wi̱i̱ yi̱kä kɛ kɛ luur in waŋ ala muc lëyä mi tɛɛth ŋuänydɛ lɔc Kuɔth Nhial.

Liib 9:14

Cuɛ jia̱cdɛ kɛnɛ kockɛ lak, kä cuɛ kɛ waŋ wi̱i̱ yi̱kä kɛ kɛ muc in waŋ.

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Kuen 15:3

kä bia muc thöp Kuoth Nhial rɛy ɣɔ̱ɔ̱kun kiɛ deetkun, mi bia thöp ala muc mi waŋkɛ kiɛ luur, mi thuki ya̱c kiɛ ɛ muc cärä lɔacdu kiɛ muc ca̱ŋ ti̱mädu mi la duŋ tɛthkä lɔaac Kuɔth Nhial.

Kuen 28:11

“Kɛ tuk päthniku lap ni Kuoth Nhial a tho̱pi muc in waŋkɛ. Thääk da̱ŋ rɛw, ruath dɛ̈ɛ̈l böwä kɛl, rueeth rɔɔmni da̱ŋ bärɔw ti gur kɛli kä thil diw.

Kuen 28:7

Kä bi ruath rɔɔmä min dɔ̱ŋ thöp kɛ thiaŋ. Kä ce̱tnikɛ muc bɛɛl ruɔ̱nwaaŋ, kɛ kɔaŋdɛ, bikɛ thöp kɛ mac, ala ŋuäny mi gɔaa kä Kuoth Nhial.

Kuen 28:8

Thäk dɛ̈ɛ̈l in dɔ̱ŋ bi jɛ thöp kɛ thiaŋ kɛɛl kɛ muc bɛɛl kɛ muc kɔŋä ce̱tnikɛ muc ruɔ̱nwaaŋ. Bi jɛ thöp ɛla muc mi waŋkɛ mi la ŋuäny mi gɔaa kä Kuoth Nhial.”

2 Kor 2:15

Kɛ ɣöö lapnɛ wäl mi waŋkɛ kɛ Kritho kɛ kui̱ Kuɔth rɛy nɛɛni tin ca kän kɛnɛ rɛy nɛɛni tin ci bath.

Ji̱ Ɛ-pɛ-thäth 5:2

Kä ciëŋɛ rɛy nho̱kä, ce̱tkɛ min ci Kritho kɔn nhɔk, kä cɛ tëkdɛ thöp kɛ kui̱dan, ala ŋuäny mi gɔaa kä muc mi tɛɛth lɔc Kuɔth.

Ŋuɔ̱t 12:27

bi mucku tin waŋkɛ wä thöp thi̱n, riŋ kɛnɛ riɛm, wi̱i̱ yi̱kä Kuɔth Nhial Kuothdu. Bi riɛm luuriku wuɔ̱th wi̱i̱ yi̱kä Kuɔth Nhial Kuothdu, kä bi riŋdiɛn cam.

Ji̱ Pi-li-pi 4:18

Kä ɣän ca ɣä ka̱m ti diaal, a cä tekɛ ti ŋuan. Cä ria̱ŋ kɛ muckun tin cia jäkä ɣä kɛ Ɛ-pa-pro-day-täth, ce̱tdɛ kɛ muc mi tekɛ ŋuäny mi gɔaa, mi ca thöp Kuoth mi cɛ nhɔk, kä tɛɛthɛ lɔcdɛ.