Jɔ-cua 9:10 - RUAC KUƆTH IN RƐL RƆ

¹⁰ amäni duŋ di̱i̱t ëë cɛ lät kä kua̱r da̱ŋ rɛw tin di̱t ro̱o̱l ji̱ Ɛ-mor tëë ciaŋkɛ ni kui̱c yiëër Jɔr-dɛn, kuäär Ɛc-bon ni Thi-yon kɛnɛ kuäär Ba-can ni Ög mëë te kä Ac-ta-roth.

Jɔ-cua 9:10 Iomraidhean Croise

Tuk Cäkä Ɣɔaa 14:5

Kä mëë cikɛ rɔ̱ luɔ̱c jɛ inɔ, jɛn cuɛ jiɛɛn kɛ ruɔ̱n in wäl ŋuaandiɛn, jɛn kɛnɛ kua̱r pëëkdɛ, kä cukɛ ji̱ Rɛpa kä A-cɛ-roth-ka-ra-nim kɛ ji̱ Dhudh kä Ɣam, kɛ ji̱ Eem kä Ca-we-kir-ya-tha-yim,

1 Kuɛ̈n 6:71

Kä cua gaat Ger-com ka̱m wi̱i̱ ti̱ti̱ kä wi̱i̱ tha̱a̱ŋ thuɔk duëël Ma-na-thɛ tin cieŋ kä käny ca̱ŋ. Go-lan kä Ba-can kɛ Ac-ta-roth kɛɛl kɛ tɔ̱a̱rikiɛn.

Kuen 20:14

Kä cu Muthɛ naath ja̱k kä Ka-dɛc jäkɛ kɛ kä kuäär Ɛ-dɔm wee i̱, “Nɛmɛ ɛ min laar dämuɔɔr ni I-thɛ-rɛl ɛ. Ji̱n ŋäci bɛ̈c bɛ̈ɛ̈c diaal tëë ca nɛy jek.

Ŋuɔ̱t 1:4

Kä kɛ kɔr kä mëë cɛ Thi-yon joc kuäär ji̱ Ɛ-mor mëë cieŋ kä Ɛc-bon, kɛnɛ Ög kuäär Ba-can min cieŋ kä Ac-ta-roth kɛnɛ Ɛ-dhɛ-ri.

Ŋuɔ̱t 2:30

“Duundɛ ɣöö /ken Thi-yon kuäär Ɛc-bon ɛ nhök nɛy i̱ ba̱kɔ kɛ wecdɛ. Kɛ ɣöö ci Kuoth Nhial Kuothdun locdɛ jak kä bum, kɛ ɣöö bɛ jɛ ka̱m yɛ, ce̱tkɛ mi cɛ la̱t ɛ.

Jɔ-cua 12:4

Rɛwdɛ ɛ Ög kuäär Ba-can, min mɔ kɛl kä kuay tëë ci duɔth kä ji̱ Rɛpa kä la ciɛɛŋɛ ni Ac-ta-roth kɛnɛ Ɛ-dhɛ-ri.

Jɔ-cua 13:31

amäni tha̱a̱ŋ rööl Gil-yad, kɛɛl kɛ Ac-ta-roth kɛnɛ Ɛ-dhɛ-ri tin la rɛ̈k kuäärä kua̱r ni Ög. Ca tɔ̱tɔ̱ ka̱m ji̱ Ma-kir in la gat Ma-na-thɛ kɛ kui̱ tha̱a̱ŋ gan Ma-kir nikɛ pëk thukni duëlikiɛn.

Jɔ-cua 2:10

kɛ ɣöö cakɔ liŋ ɛn ɣöö mëë ka̱nyɛ raar kä I-jëp, cu Kuoth Nhial yi̱er Bar Gutdä jak kä kööt nhiamdun, kɛnɛ ɣöö cia Thi-yon kɛnɛ Ög tin la kua̱r tin di̱t rɛy rööl ji̱ Ɛ-mor kui̱c Jɔr-dɛn dup.

Jɔ-cua 2:9

kä cuɛ kɛ jiök i̱, “Ŋa̱cä jɛ ɛn ɣöö ci Kuoth Nhial ro̱l ɛmɛ ka̱m yɛ, kä ɛn ro̱l ɛmɛ ni kɛɛliw dualɛ kɛ kui̱dun diaal,

Jɔ-cua 9:11

Täämɛ ci di̱tkɔ kɛnɛ ji̱ rööla diaal kɔ jiök i̱, ‘Bakɔ rɔ̱ go̱r mi̱th ti bakɔ cam lɛɛr, kä bakɔ ben kä yɛ kä bakɔ yɛ ben jiök i̱, “Kɔn lapkɔ kuaanykun, kuanɛ maar gök kamädan täämɛ.” ’

Jɔ-cua 9:9

Cukɛ jɛ loc i̱, “Kɔn ja̱a̱ŋku, bakɔ ni ro̱o̱l mi nɔ̱a̱n kɛ ɣöö cakɔ kɛ̈k kuɔthdu ni Kuoth Nhial liŋ, kɛ ɣöö cakɔ kɛ̈kdɛ liŋ, kɛnɛ tëë diaal tëë cɛ la̱t kä I-jëp,