Jɔ-cua 8:2 - RUAC KUƆTH IN RƐL RƆ

² Yɛn latdɛ Aay kɛnɛ kuäärɛ mëë cia la̱t Jɛ-ri-ko kɛnɛ kuäärɛ, duundɛ ɣöö ɛn kɛɛl ɛ bia kuak kɛnɛ ɣɔ̱k ka̱n ala nyinkun. Rialɛ rɔ̱ ikä kä makɛ rɛk piny kä dhɔaamɛ jɛ kɛ jɔkdɛ.”

Jɔ-cua 8:2 Iomraidhean Croise

2 Kuɛ̈n 13:13

Kä cu Ya-rɔ-baam naath ja̱k kɛ ɣöö bakɛ penikä kɛ jɔkɔ. Kä te tha̱a̱ŋ rɛ̈mdɛ nhiam ji̱ Juda.

2 Kuɛ̈n 20:22

Kä min took kɛn kët din puɔnyä. Cu Kuoth Nhial ji̱ Am-on kɛnɛ ji̱ Mo-ab kɛ ji̱ päämni Ɛ-dɔm, tëë ba Juda ben mak, nyurikä joc.

Diit 39:6

Ɛ puc raan ce̱tdɛ nikɛ ti̱ep, ɛ puc, lät ran diaal kɛ lɔar. La dol kɛn ti ŋuan kä /kueckɛ ram in bikɛ cam.

Ruac Pɛli 13:22

Kä ram mi gɔaa bänyɛ gaat gankɛ ria̱ŋ, kä ria̱ŋ raam mi jiääk dothɛ kɛ nɛy tin gɔw.

Ruac Pɛli 28:20

Kä ram mi gɔaa bɛ puɔ̱th jek, kä ram mi pɛ̈th kɛ ɣöö bɛ ria̱ŋ jek, ba duäc.

Bok Go̱kä ni Yir-mɛ-yaa 17:11

Kä ram mi jek ria̱ŋ kɛ duɔ̱ɔ̱p mi duer, ce̱tdɛ nikɛ dit mi kuɛm toŋ ti /ci tɔ̱a̱ toŋkɛ, kɛ där ni̱ni teekädɛ bikɛ jiɛn kä jɛ, kä kɛ thuɔ̱kdɛ bɛ jɔɔc ɛn ɣöö ɛ dɔ̱a̱r.

Bok Go̱kä ni Yir-mɛ-yaa 51:12

La̱tdɛ nyuuth kɛ kui̱ makädun kɛ Bɛ̈-bi-lɔn. Jakɛ gueec kä bum, kuanyɛ nɛy ti la ga̱a̱ŋ, nyuɔ̱rɛ kɛ ikä, kɛ ɣöö bi Kuoth Nhial min cɛ car la̱t mëë cɛ lar kɛ kui̱ ji̱ Bɛ̈-bi-lɔn.

Ŋuɔ̱t 2:35

Ɛ ni ɣɔ̱k kä rɔ kɛn tëë cua̱kɔ ka̱n ala nyinkɔ, kɛnɛ kuak wi̱i̱ni tëë cakɔ käp.

Ŋuɔ̱t 20:14

bia män kɛnɛ gaat kɛ ɣɔ̱k, kɛ nyin wec diaal ka̱n ala nyinkun. Kä bia kɛ cu ka̱n kɛn nyin ji̱ tɛ̈run tin ci Kuoth Nhial Kuothdun kɛ ka̱m yɛ.

Ŋuɔ̱t 3:2

Ɛ ni ɣöö ci Kuoth Nhial ɣä jiök i̱, ‘Cu dual kɛ jɛ. Kɛ ɣöö cä ka̱m ji̱ kɛnɛ nɛɛkɛ diaal nikɛ wecdɛ. Bikɛ däk ce̱tnikɛ däk ëë däki Thi-yon kuäär ji̱ Ɛ-mor tëë cieŋ kä Ɛc-bon.’

Jɔ-cua 10:1

Täämɛ mëë ci kuäär Jɛ-ru-tha-lɛm ni Ä-do-ni-dhɛ-dɛk ɛ liŋ ɛn ɣöö ci Jɔ-cua Aay ka̱n kä cɛ jɛ nor ni kɛɛl kɛ kuäärɛ ce̱tnikɛ mëë cɛ lät kä Jɛ-ri-ko kɛnɛ kuäärɛ, kä cɛ lɛni liŋ bä ɛn ɣöö ci ji̱ Gib-yon maariɛn lat kɛ ji̱ I-thɛ-rɛl kä cieŋkɛ kɛɛl,

Jɔ-cua 10:28

Ɛ jɛn, ɛn cäŋ ɛmɔ pa̱ny cu Jɔ-cua Ma-ke-da käp kä cuɛ jɛ däk kɛɛl amäni kuäärɛ kɛ mut. Kɛn nɛy diaal tëë te wi̱c cuɛ kɛ näk a thil rue̱y. Inɔ, cuɛ kuäär Ma-ke-da lät kä mëë cɛ lät kä kuäär Jɛ-ri-ko.

Jɔ-cua 11:14

Kä cu gaat I-thɛ-rɛl kuak rɛ̈kni tɔ̱tɔ̱ ka̱p rɔ̱ amäni ɣɔ̱kiɛn, ɛ ni min cɔal i̱ raan kɛɛliw cukɛ näk kɛ mut amäni mëë cuɛ thil ram mi ŋot kɛ tɛ̈k.

Jɔ-cua 6:21

Cukɛ nɛy diaal näk rɛy rɛ̈ɛ̈k, wutni kɛnɛ män, gaat amäni dɔŋ, cukɛ kɛ näk bä amäni ɣɔ̱k kɛnɛ det kɛ muɔ̱li.

Jɔ-cua 8:12

Cuɛ nɛy ti bathdɔɔri da̱ŋ dhieec ka̱n, kä cuɛ kɛ jak kä wa ji̱ rɛ̈ɛ̈k tɔ̱c ikä kui̱c rɛ̈ɛ̈k kä kony cäŋ, kamä rɛ̈ɛ̈k ɛmɔ kɛnɛ rɛk in cɔal i̱ Beth-ɛl.

Jɔ-cua 8:14

Mëë ci kuäär in di̱i̱t kä Aay nën, cuɛ jiɛn kɛɛl kɛ nɛɛkɛ diaal, kä cukɛ riŋ kɛ pɛ̈th kɛ ɣöö bikɛ ko̱r wä röm kɛ ji̱ I-thɛ-rɛl guäth ëë kɔn kɛ ko̱r röm thi̱n rɛy täpä min lot rɔ kɛ pan Ä-ra-ba, kueckɛ ɣöö ca kɛ tɔ̱c ikä jɔk rɛ̈ɛ̈k.

Jɔ-cua 8:19

Kä ɛ niɛ min kapɛ tetdɛ nhial, cu nɛy tin ca wec tɔ̱c ikä rɔ̱ jiɛc kä riŋkɛ rɛɛk kɛ pɛ̈th kä cukɛ jɛ ka̱n kä cukɛ jɛ pɛ̈th kɛ cuäth.

Jɔ-cua 8:24

Cu ji̱ I-thɛ-rɛl ji̱ tɛ̈r diaal näk däär dɔaar guäth ëë ca kɛ juɔ̱ɔ̱c thi̱n ɛ ji̱ tɛ̈riɛn. Kɛ kɔrɛ cukɛ ben Aay kä cukɛ nɛy diaal tin ŋot thi̱n ben ŋɛ̈r piny kɛ thɛp.

Jɔ-cua 8:3

Ɛ jɛn inɔ, cu Jɔ-cua rɔ rial ikä kɛ ɣöö bɛ wä Aay kɛnɛ rɛm köörɛ diaal. Cuɛ nɛy ti bathdɔɔri ti jiɛn diɔ̱k kuany kä lathkeerikɛ tin buɔ̱m buɔ̱ɔ̱m, kä cuɛ kɛ däk kä piny kɛ wäär.

Jɔ-cua 8:7

Kɔɔrɛ, bia cu ri̱i̱ŋ guäth in cia rɔ̱ tɛ̱̈ɛ̱̈ thi̱n kä bia rɛk cu mac. Bi Kuoth Nhial in la Kuothdun ɛ ka̱m yɛ.

Jɔ-cua 8:8

Mi wiaa rɛk ku ka̱n, kuɛ̈ɛ̈ jɛ cua̱th nikɛ ruac ëë ci Kuoth Nhial ɛ lat. Yɛn liɛŋɛ laat ɛ tɔ̱ agɔaa.”

Jɔ-cua 8:9

Ɛ jɛn, cu Jɔ-cua kɛ ja̱k, kä cukɛ wä guäth in wa rɔ̱ tɛ̱̈ɛ̱̈ thi̱n, kä cukɛ liɛp thi̱n tɔ̱ɔ̱cä kamä Beth-ɛl kɛnɛ Aay kui̱c konyä ca̱ŋ Aay. Kä ɛn Jɔ-cua cuɛ niɛɛn wi̱c ɛn wäär ɔ.

Jɔ-cua 9:3

Ɛn guäth ɛmɔ, mëë ci ji̱ rööl Gib-yon tëë ci Jɔ-cua kɛ lät kä Jɛ-ri-ko kɛnɛ Aay liŋ,