Jɔ-cua 8:1 - RUAC KUƆTH IN RƐL RƆ

¹ Ɛ jɛ inɔ, cu Kuoth Nhial Jɔ-cua ku jiök i̱, “/Cu lɛ dual täämɛ, ɛ ŋa̱a̱th ni ji̱n kä naŋni ji̱ ko̱o̱r diaal Aay wër käpni jɛ ko̱r. Ɣän cä ji̱ jak kä bi kuäär in di̱i̱t kä Aay tiam, bi nɛɛkɛ diaal amäni wecdɛ kɛnɛ pëk wecdɛ kɛɛliw a nyinku pa̱ny.

Jɔ-cua 8:1 Iomraidhean Croise

Diit 27:1

Kuoth ɛ buaydä kä ɛ käändä, ɛŋa mi bä dual kɛ jɛ? Kuoth Nhial ɛ gääŋ yieynikä, kuɛ la ŋa bä dual kɛ jɛ mɔ?

Diit 44:3

Kä /ciɛ mutdiɛn ɛ nëë kän kɛnɛ ni mun, kä /ciɛ buɔ̱mdiɛn ɛn nëë juɔckɛ naath. Duundɛ ɣöö ɛ buɔ̱m tetädu kɛnɛ ta̱a̱du kɛɛl kɛ kɛ kɛ ɣöö nhɔki kɛ.

Diit 46:11

Te Kuoth Nhial in la Ruey Ɣɔaa kɛɛl kɛ kɔ, Kuoth Je-kɔb ɛ gääŋda.

I-ca-yaa 12:2

“Kɛ thuɔ̱k Kuoth ɛ käändä, bä ŋäth ni jɛ /cä bi dual, kɛ ɣöö Kuoth Nhial ɛ buɔ̱mdä kä ɛ ditdä, kä ɛ jɛn la ka̱ndä mɔ.”

I-ca-yaa 43:2

Mi wä yɛn pi̱w wä jiɛth, ɣän bä te kɛɛl kɛ yɛ, mi jiathɛ kiɛr /ci yɛn bi mua, kä mi ja̱lɛ rɛy maac /cɛ yɛ bi waŋ, /cɛ yɛ bi pɛt ɛn bo̱l maac.

Bok Go̱kä ni Yir-mɛ-yaa 46:27

“/Cu dual lö ja̱ŋdä ni Je-kɔb, kä cu bath lö I-thɛ-rɛl. Ɣän bä ji̱ luäk ni guäth mi nɔ̱a̱n, amäni kuayku ni muun in caakɛ pɛ̈c thi̱n. Kä bi Je-kɔb luny jɔk kɛ mal kä bɛ ti̱i̱l. Kä thilɛ mi bi jɛ jak kä dual.

Bok Go̱kä ni Yir-mɛ-yaa 49:3

“Ku wiee lö Ɛc-bon, kɛ ɣöö bi Aay duɔth ni baaŋ! Wiee ɛ lö nyiee Rɛ̈-baa! Muɔcɛ pua̱nykun bieyni cuali, pa̱rɛ, riɛŋɛ jɔk kä riɛŋɛ nhiam amäni gëëk bä wiaa thi̱n. Kɛ ɣöö bi kuothdun ni Mil-kom wä ni pecä, kɛɛl kɛ bööth palädɛ kɛnɛ ruëëckɛ.

Bok Go̱kä ni Da-ni-yel 2:21

Jɛn la gɛɛrɛ thaakni kɛnɛ dääkni runi, la wocɛ kua̱r tɔ̱ kä bɛ kua̱r ti kɔ̱ŋ gua̱l gua̱thnikiɛn, kä jɛn kämɛ nɛy tin pɛl ŋäc ŋɔaani, kä kämɛ nɛy tin ŋa̱ckɛ ŋɔak tiit.

Bok Go̱kä ni Da-ni-yel 4:25

Kä ji̱n ba ji̱ woc rɛy nath, kä bi wä cieŋ kɛɛl nikɛ ley dɔaar. Kä ba ji̱ jakä laaki ni wal ce̱tkɛ ɣɔ̱k, kä bi puaak nikɛ thäc puɔ̱ɔ̱rä, kä bi run da̱ŋ bärɔw thuk ni dɔɔr, amäni mi ci jɛ ŋa̱c ɛn ɣöö Kuoth in Di̱t ni Jɛn ɛ jɛn la rueec kuäärä nath ɔ, kä la kämɛ kuäär ram min go̱o̱rɛ.

Bok Go̱kä ni Da-ni-yel 4:35

Kä nɛy diaal tin cieŋ rɛy ɣɔaa ce̱tkɛ kɛ lɔar, kä la lätdɛ ni min go̱o̱rɛ kɛ ja̱a̱k nhial kɛnɛ nɛy tin cieŋ wi̱i̱ muɔ̱ɔ̱n. Kä thilɛ ram mi dee jɛ gak, kiɛ dee jɛ thiec i̱, “Ɛŋu mi lätdi?”

Mɛ̈t 8:26

Kä cuɛ kɛ jiök i̱, “Yɛn nɛy ti kuiy ŋa̱thdun, ɛŋu mi dual kɛ yɛ?” Kä cuɛ rɔ jiɛc, cuɛ jiɔam kɛnɛ muaŋ baar luek. Kä cuɛ tekɛ kääp mi di̱i̱t.

Ŋuɔ̱t 1:21

Kä nɛ̈nɛ jɛ, ci Kuoth Nhial Kuothdun yɛ ka̱m mun, wiaa muɔcɛ rɔ gua̱th ce̱tkɛ min ci Kuoth Nhial Kuoth guuri jɛ la̱r yɛ. /Cuarɛ dual kä a yɛ /cɛ la̱th.’

Ŋuɔ̱t 31:8

Te Kuoth Nhial kɛɛl kɛ ji̱. Bɛ wä kɛɛl kɛ ji̱ /cɛ ji̱ bi päl. Cu rɔ päl nyua̱n.”

Ŋuɔ̱t 7:18

Car mëë ci Kuoth Nhial Kuothdun ɛ lät kä Pɛro kɛnɛ ji̱ I-jëp diaal. Cu dual kɛ kɛ.

Ŋuɔ̱t 7:21

/Cuarɛ dual kɛ kɛ Kuoth Nhial ɛ rɛydun. Ɛ Kuoth mi dual naath kɛ jɛ.

Jɔ-cua 1:9

Ɛ niɛ min cä la̱r ji̱ i̱ kämni lɔcdu buɔ̱m, kä /cu bath, kɛ ɣöö bä te kɛɛl kɛ ji̱ gua̱thni diaal ɣän Kuothdu ni Kuoth Nhial.”

Jɔ-cua 10:7

Ɛ jɛn cu puɔ̱nydɛ Jɔ-cua kɛnɛ ji̱ köörɛ diaal amäni wäthkiɛn jiɛn ni kä Gil-gal.

Jɔ-cua 10:8

Kä cu Kuoth Nhial Jɔ-cua jiök i̱, “/Cu jak kä bi nɛy ɛ tɔ̱ luɔ̱th, cä ji̱ ku thuŋ ka̱m ti̱emdiɛn, thilɛ ram kɛl rɛydiɛn mi bi ji̱ luäŋ kɛ liɛp.”

Jɔ-cua 2:24

Kɛ jɔak cukɛ jɛ ku jiök i̱, “Ɛpuc, ci Kuoth Nhial ro̱l ɛmɔ dhil ka̱m kɔn. Kä min te wi̱i̱ kä nɛmɛ kɛɛliw ɛ ɣöö niɛ kɛn ji̱ wec pua̱nykiɛn laathɛ kɛ ni kɛn diaal kɛ kui̱dan.”

Jɔ-cua 6:2

Ɛ jɛn, cu Kuoth Nhial Jɔ-cua lɛni jiök i̱, “Ɣän täämɛ ka̱mä Jɛ-ri-ko ji̱ kɛɛl nikɛ rue̱e̱cdɛ amäni lathkeerikɛ tin buɔ̱m buɔ̱ɔ̱m.

Jɔ-cua 7:9

Täämɛ bi ji̱ rööl Kɛ-naan amäni pëk rööl in dɔ̱ŋ kɛɛliw ɛ liŋ, kä bikɛ kɔ go̱l kä ba kɔ cu näk kɔn diaal. Ɛn guäth ɛmɔ, ji̱n bi kɛ̈kdu kulɛ yiath kä ŋu?”