Jɔ-cua 7:9 - RUAC KUƆTH IN RƐL RƆ

⁹ Täämɛ bi ji̱ rööl Kɛ-naan amäni pëk rööl in dɔ̱ŋ kɛɛliw ɛ liŋ, kä bikɛ kɔ go̱l kä ba kɔ cu näk kɔn diaal. Ɛn guäth ɛmɔ, ji̱n bi kɛ̈kdu kulɛ yiath kä ŋu?”

Jɔ-cua 7:9 Iomraidhean Croise

Diit 115:1

/Ciɛ kui̱da lö Kuoth Nhial, /ciɛ kui̱da, duundɛ ɣöö ɛ ciötdu ɛ nin ba ka̱m guëth, kɛ kui̱ nho̱kädu mi thil pek kɛnɛ gɔɔydu.

Diit 48:10

Kä ciötdu lö Kuoth, Kä ci liakdɛ cop wi̱i̱ muɔ̱ɔ̱n kɛɛliw. Kä buɔ̱mdu puɔ̱tdi jɛ ni naath.

Diit 79:9

Luäkɔ lö Kuoth känäda, kä kɛ kui̱ gɔɔyä cio̱tädu, känkɔ kä pälikɔ dueerkɔ, kɛ kui̱ cio̱tädu.

Diit 83:4

Kä ruackɛ wäkɛ i̱, “Bia na̱knɛ kɛ ɛ bikɛ thuuk /cikɛ bi la do̱r, kä ɛ ciöt I-thɛ-rɛl /ca lɛ nyɔk kɛ ti̱em amäni cäŋ kɛl.”

Diit 83:5

Kɛn cikɛ ca̱r kɛl mat kɛɛl, cikɛ mat ruac la̱t kɛ lo̱kdu,

Ɣöth 32:12

Ɛŋu dëë ji̱ I-jëp ɛ laar ɔ i̱, ci Kuothdiɛn kɛ no̱o̱ŋ raar kɛ ca̱p, kɛ ɣöö bɛ kɛ ben nor wi̱i̱ pa̱a̱m kä bɛ kɛ cu puɔ̱k wi̱i̱ muɔ̱ɔ̱n? Päl waaŋ lɔaacdu mɔ di̱i̱t ɛmɔ, kä nyɔk wi̱cdu kɛ ca̱r kɛ mi jiääk ɛ dëë ben kä nɛɛku mi.

Yɛdh 20:9

Duundɛ ɣöö /ka̱nɛ la̱t kɛ kui̱ cio̱tädä, derɛ ciötdä moc kɛ pöc nhiam dööri tëë cieŋkɛ rɛydiɛn, kä kɛ kɛn nɛy tëë cä rɔɔdä nyuɔ̱thkɛ kɛ no̱o̱ŋ ji̱ I-thɛ-rɛl raar muun I-jëp.

Yo-el 2:17

Kä ɛ bööth palä, tin la ji̱ la̱t Kuɔth Nhial pal kɛ wiee kam yi̱kä kɛnɛ thok luaak Kuɔth. Wäkɛ i̱, “Aɣ Kuoth Nhial päli nɛɛku ikä, /cu kɔ lɛn jak kä yakɛ, kä dɔal kɛ kɔ ɛ nɛy kɔ̱kiɛn, ɛ lar kɛnɛ i̱, ‘Kuothdiɛn a ni kä?’ ”

Mikaa 7:10

Kä bi gua̱n tɛ̈rä jɛ cu nɛn, kä bɛ cu pöc ɛn ram in ci ɣä jiök i̱, “Kuoth Nhial Kuothdu a nikä?” Bä cu guic ala mi caanyä, kä bä cu dɔny kä piny ce̱tkɛ tuäk duɔ̱p.

Kuen 14:13

Kä cu Muthɛ Kuoth Nhial jiök i̱, “Kä bi ji̱ I-jëp ɛ liŋ, nɛy tëë kämi kɛ raar rɛydiɛn kɛ buɔ̱mdu.

Jɔ̱ɔ̱n 12:28

Gua̱di̱n, liak ciötdu.” Kä cu jɔw ben ni nhial wëë i̱, “Cä jɛ liak, kä bä jɛ nyɔk kɛ liak bä.”

Ŋuɔ̱t 9:28

kɛ ɣöö ci nɛy tëë nööŋi kɔ rɛydiɛn ɛ bi lar i̱, “/Ci Kuoth Nhial kɛ luäŋ kɛ mi bɛ kɛ naŋ muun ëë cɛ guɔ̱k kɛ, kɛnɛ ɣöö lökɛ kɛ, ɛ jɛn cɛ kɛ naŋ raar ɔ kɛ ɣöö bɛ kɛ wä näk däär dɔaar.”

Jɔ-cua 7:10

Cu Kuoth Nhial Jɔ-cua loc i̱, “Ɛŋu mi lätdi tɔ̱ɔ̱cä? Jiɛc rɔ.

Jɔ-cua 7:8

Aɣ, Kuäär, bä jɛ lɛl i̱ di, mi ci ji̱ I-thɛ-rɛl jɔkdiɛn riet ji̱ tɛ̈riɛn ɛ!

1 Tham 12:22

Kɛ kui̱ ciötdä Kuɔth Nhial, /Cɛ nɛɛkɛ bi lo̱k, kɛ ɣöö nhɔk Kuoth Nhial ɛ bɛ yɛ jak kä ji̱ pua̱a̱nydɛ.