Jɔ-cua 7:7 - RUAC KUƆTH IN RƐL RƆ

⁷ Kä cu Jɔ-cua la̱ŋ, cuɛ wee i̱, “Aɣ, Kuäärä ni Kuoth Nhial. Ɛŋu mëë curi kɔ nyäk kɛ nooŋ kui̱c Jɔr-dɛn ɛmɛ kä bi kɔ cu ben thöp ji̱ Ɛ-mor, kɛ ɣöö ba kɔ cu nor? /Ci dëë gɔaa ni mi cakɔ cu te kui̱c in dɔ̱ŋ kä Jɔr-dɛn?

Jɔ-cua 7:7 Iomraidhean Croise

2 Kua̱r 3:10

Kä cu kuäär I-thɛ-rɛl wee, “Aɣ! Ci Kuoth Nhial kua̱r da̱ŋ diɔ̱k ti̱ti̱ cɔl kɛ ɣöö bɛ kɛ la̱th tetdä Mo-ab.”

Diit 116:11

Rɛy gääyädä cua̱ wee i̱, “Nɛy diaal kɛ ji̱ kacä.”

Ɣöth 16:3

cukɛ kɛ jiök i̱, “Görkɔ ni mi ci Kuoth Nhial kɔ näk mëëdan, mëë ta̱kɔ kä I-jëp guäth ëë la nyuɔ̱ɔ̱rkɔ gëëkni cuɔ̱ɔ̱knikɔ tin te gɔɔl, kä ro̱ŋ ri̱ŋda kɛnɛ kuända, a bakɔ mi̱th a bi nɛy ria̱ŋ ɛlɔ̱ŋ, ɛnɔ no̱o̱ŋɛ ni kɔ raar kɛ jɛ mɔ, kɛ ɣöö bi buɔth nɛy ben näk rɛy dɔaar mi ce̱tkɛ nɛ, bia lar.”

Ɣöth 17:3

Cua naath näk ɛ rɛw ɛn wan i̱ kɛ ɣöö thilɛ pi̱, kä cukɛ göny kä Muthɛ, cukɛ wee i̱, “Ɛŋu ɛ nëë kämi ni kɔ raar kä I-jëp ɛ bi kɔ ben näk kɛ rɛw kɛɛl kɛ gaatkɔ, kɛ ɣɔ̱ɔ̱kɔ?”

Kuen 14:16

‘Cɛ jɛ luäŋ ɛn Kuoth Nhial kɛ mi bɛ kɛn nɛy tɔ̱tɔ̱ naŋ muun ëë cɛ yac i̱ bɛ ka̱m kɛ, ɛ jɛn cɛ näk nikɛ rɛy dɔaar ɔ.’

Kuen 14:3

Ɛŋu mi no̱o̱ŋ Kuoth Nhial nɛy ɛn muun ɛ mi, ɛ ɣöö bakɔ li̱w kɛ mut? Kä bi mänkɔ kɛnɛ nyintiɛnikɔ a pɛ̈ɛ̈c. Ci dëë gɔaa ni ɣöö bakɔ loc kä I-jëp?”

Mɛ̈t 17:17

Kä cu Yecu ɛ loc i̱, “Yɛn, ri̱c mi thil ŋa̱th kä ca̱a̱p jiäkni, ɣän bä te kɛɛl kɛ yɛ kɛ gua̱a̱th mi ni̱n di? Kä ɛ gua̱a̱th mi ni̱n di mi bä rut ni yɛ? Nöŋɛ jɛ ɣä wanɛ mɛ.”

Mɛ̈t 17:20

Kä cuɛ kɛ jiök i̱, “Ɛ ɣöö kuiy ŋa̱thdun. Kä ɛpuc ɣän la̱rä jɛ yɛ, mi te yɛn kɛ ŋa̱th mi ce̱tkɛ kuɛ̈ɛ̈ mi tɔt, dërɛ päm ɛmɛ jiök i̱, ‘Woc rɔ wanɛ mɛ, kä wër wi̱ni mi,’ kä bɛ wä, kɛ ɣöö thilɛ mi bi yɛ dhal. [

Ji̱ Ɣi-bɛ-ru 12:5

Cia rieet comä tin cɔɔl yɛ gaatkɛ pa̱l ruëëc tin wee i̱, “Gatdä, /cu luek Kua̱r ni Kuoth car ala mi tɔt, kä a lɔcdu /ci bath, mi cɛ ji̱ duäc.

Jɔ-cua 7:6

Ɛ jɛn, cu Jɔ-cua kɛnɛ di̱t I-thɛ-rɛl bieynikiɛn rɛ̈t kɛ jiɛ̈th lɔaay, kä cukɛ rɔ̱ yuɔr piny buupä nhiam thandukä matdä Kuɔth Nhial. Cukɛ te thi̱n amäni kony ca̱ŋ a cikɛ wuɔ̱thkiɛn buk kɛ ŋɛ̈th.

Jɔ-cua 7:8

Aɣ, Kuäär, bä jɛ lɛl i̱ di, mi ci ji̱ I-thɛ-rɛl jɔkdiɛn riet ji̱ tɛ̈riɛn ɛ!

Ruëëc 20:23

Kä cu ji̱ I-thɛ-rɛl wä wiee nhiam Kuɔth Nhial amäni thiaŋ. Kä cukɛ Kuoth Nhial thiec i̱, “Ba̱kɔ rɔ nyɔk kɛ wä ko̱o̱r kä gaatmanikɔ ni ji̱ Ben-ya-min?” Kä cu Kuoth Nhial kɛ loc i̱, “Wiaa nyiëënyɛ kɛ kɛ.”

1 Tham 4:3

Kä mëë ci ji̱ ko̱o̱r ben wi̱c, cu bööth I-thɛ-rɛl wee i̱, “Ɛŋu ci Kuoth Nhial kɔn lɛ jak kä juɔckɛ mɔ ɛ ji̱ Pi-li-thɛt ɛn walɛ? Wanɛ Thanduk matdä ruaacni Kuɔth Nhial nööŋ wa̱nɛ mi kä Cilo, kɛ ɣöö bɛ kɔn ben gaŋ kɛ gua̱n tɛ̈ran.”