Jɔ-cua 7:5 - RUAC KUƆTH IN RƐL RƆ

⁵ Cukɛ kɛ joc ni thok rɛ̈ɛ̈k kä Aay, cua kɛ ben päl ni guäth mi cɔal i̱ Cɛ-ba-rim a cukɛ ji̱ I-thɛ-rɛl ti jiɛn da̱ŋ diɔ̱k wi̱cdɛ bäkɛl näk benädiɛn piny wi̱i̱ bi̱lä. Kä cu nɛy diaal lo̱ckiɛn jiɛ̈th ɛlɔ̱ŋ a cukɛ lua̱a̱ny kɛ mer.

Jɔ-cua 7:5 Iomraidhean Croise

Diit 22:14

Ca ɣä cu kiɛth raar ce̱tnikɛ pi̱w, ci cɔ̱wkä diaal ben raar wäŋkurikiɛn. Ci lɔcdä cu ce̱tnikɛ kɔl mi ci lëër.

Diit 58:7

Ku kɛ bath ce̱tnikɛ pi̱w ti ci lo̱ny jɔ̱ɔ̱r. Ɛ kɛ nuɔɔr ce̱tnikɛ juaac ti ca dɔany.

I-ca-yaa 13:7

Kɛ kui̱c ɛmɔ bi tet diaal töl, kä bi lo̱c nɛɛni diaal baath,

Yɛdh 21:7

Kä mi wä kɛn ji̱ wä thi̱ec i̱, ‘Ɛŋu mɔ päri mɔ?’ Bikɛ jiök i̱, ‘Ɛ ɣöö tëë kɛ ruac mi ci ben. Mi laar jɛ ɛn ɣöö bi lo̱c diaal ŋɛ̈ɛ̈r, kä bɛ tet diaal nuäŋ. Bi naath lo̱ckiɛn baath, kä bi mua̱a̱l kɔ̱c ce̱tnikɛ pi̱. Nɛ̈nɛ jɛ ja bëëni, kä bɛ dhil tuɔɔk ɛ puc, ruac ni ɣän Kuäär ni Kuoth Nhial.’ ”

Liib 26:36

Kä kɛ kui̱ nɛɛni tin ci duɔth kä yɛ, bä dual jäk kä lo̱cnikiɛn rɛy muɔn ji̱ tɛ̈riɛn, kä bi ji̱th jiaath kɛ jak kä dual a bikɛ rɔ bar ce̱tkɛ ram bar rɔ kɛ ko̱r, kä bikɛ tëth kä thilɛ mi joc kɛ.

Nɛ̈m 2:10

Jɛn cɛ da̱k! Kä ca päl! Ɛ ca luɔ̱t! Ci lo̱c nath baath kä lathɛ kɛ, kä cɛ nhiam nath yɔm!

Ŋuɔ̱t 1:44

Inɔ cu ji̱ Ɛ-mor tëë cieŋ wi̱i̱ni päämni ben kä yɛ cua yɛ joc ce̱tkɛ min la tuaar naath a jooc, cua yɛ näk ni kä The-ir cu mäni Ɣɔr-ma.

Jɔ-cua 2:11

Kä ɛ niɛ mëë cakɔ ti̱ti̱ liŋ, ci lo̱ckɔ cu jiɛ̈th, kä cakɔ cu baath ɛlɔ̱ŋ kɛ kui̱dun, kɛ ɣöö Kuothdun ni Kuoth Nhial jɛn ɛ Kuoth in waŋ cieŋ nhial kɛnɛ piny.

Jɔ-cua 2:9

kä cuɛ kɛ jiök i̱, “Ŋa̱cä jɛ ɛn ɣöö ci Kuoth Nhial ro̱l ɛmɛ ka̱m yɛ, kä ɛn ro̱l ɛmɛ ni kɛɛliw dualɛ kɛ kui̱dun diaal,

Jɔ-cua 5:1

Täämɛ mëë ci kua̱r tin di̱t ro̱o̱l ji̱ Ɛ-mor kä kony cäŋ Jɔr-dɛn, kɛnɛ kua̱r tin di̱t ro̱o̱l ji̱ Kɛ-naan jɔk Bar in Bo̱r in te kam wi̱i̱ni, ji̱th ji̱ I-thɛ-rɛl liŋ, kɛnɛ ɣöö ci Kuoth Nhial yi̱er Jɔr-dɛn jak kä kööt amäni gua̱a̱th ëë ci ji̱ I-thɛ-rɛl käny kui̱c ni kɛn diaal, cukɛ dual ɛlɔ̱ŋ, kä cukɛ ŋɛ̈ɛ̈r kɛ kui̱ ji̱ I-thɛ-rɛl.