Jɔ-cua 6:4 - RUAC KUƆTH IN RƐL RƆ

⁴ Kä bi bööth palä da̱ŋ bärɔw rɔ̱ moc tuɔ̱ŋ ruaath rɔmä da̱ŋ bärɔw kä bikɛ kɛ kuoth nhiam thanduɔ̱k matdä, kä kɛ cäŋ in bärɔwdiɛn bia rɛk gul ni kä bärɔw, kuɔthkɛ kaaŋni ɛ bööth palä.

Jɔ-cua 6:4 Iomraidhean Croise

Tuk Cäkä Ɣɔaa 2:3

Inɔ cu Kuoth bärɔw ni̱ni poth kä cuɛ lɛy, kɛ ɣöö ɛn cäŋ ɛmɔ cu Kuoth lɔ̱ɔ̱ŋ kä lät diaal tëë cɛ la̱t.

1 Kua̱r 18:43

Kä cuɛ kuanydɛ jiök i̱, “Wër nhial ɛn täämɛ, wër guic yier.” Cuɛ jɛ wä guic kä cuɛ wëë, “Thilɛ ŋu.” Kä cuɛ jiök i̱, “Nyɔk rɔ kɛ wä ni kä bärɔw.”

2 Kua̱r 5:10

Kä cu Ɛ-li-cä jɛ jäk kä raan jio̱kɛ jɛ i̱, “Wër lak rɔ ni kä bärɔw kä Jɔr-dɛn, kä bi cu gɔaa.”

2 Kua̱r 5:14

Kä cuɛ wä cuɛ rɔ wä buɔny ni kä bärɔw kä Jɔr-dɛn, ce̱tnikɛ ruac ran Kuɔth. Kä cu puɔ̱nydɛ gɔaa a bɛ ce̱tnikɛ puɔ̱ny gatdä mi tɔt.

2 Kuɛ̈n 13:12

Kä nɛ̈nɛ jɛ Kuoth ɛ jɛn la bo̱o̱thda mɔ kä bööth palädɛ tin kɛ kaaŋnikiɛn kɛ ɣöö ba kaaŋ ko̱o̱r Kuoth kɛ yɛ. Kä yɛn lö gaat thuk duëli kuec caam, /cuarɛ nyiëëny kɛ Kuoth Nhial, Kuoth guuri. /Cia bi luäŋ.”

2 Kuɛ̈n 20:17

Kä ɛn ko̱r ɛmɛ /cia bi tɛr, cuɔ̱ŋɛ gua̱thnikun, kä guɛcɛ Kuoth Nhial lö ji̱ Juda kɛ ji̱ Jɛ-ru-tha-lɛm, bɛ kɛ joc i̱di kɛ gua̱a̱thdun.’ /Cuarɛ dual kä /cuarɛ rɔ̱ luär. Iruun wiaa makɛ kɛ, bi Kuoth Nhial te kɛɛl kɛ yɛ.”

2 Kuɛ̈n 20:19

Kä cu ji̱ Lii-bay gaat Kora kɛnɛ gaat Kora rɔ̱ jiɛc puanykɛ Kuoth Nhial, Kuoth I-thɛ-rɛl kɛ jɔw mi di̱i̱t.

2 Kuɛ̈n 20:21

Kä min cɛ thuɔ̱k kɛ cuɔ̱m nath, cuɛ naath kuany ti ba Kuoth Nhial kët diit puɔnyä, a ca bieyni tin rɛl gɔɔydiɛn rɔ la̱th, kä cukɛ wä nhiam rɛ̈m, wäkɛ i̱, “La̱rɛ Kuoth Nhial tɛ̈th lɔaac, kɛ ɣöö thilɛ nhökdɛ pëk, amäni cäŋ kɛl.”

I-yob 42:8

Täämɛ yɛn naŋɛ thääk ɣɔ̱ɔ̱k da̱ŋ bärɔw kɛnɛ thääk deet da̱ŋ bärɔw wiaa kä ja̱ŋdä ni I-yob kä thöpɛ kɛ ala muc ti waŋkɛ kɛ kui̱dun. Kä bi ja̱ŋdä ni I-yob pal kɛ kui̱dun kɛ ɣöö bä palɛ nhɔk, kä /cä bi lät kɛ yɛ ce̱tkɛ ciaaŋ dɔ̱ɔ̱rädun. Kɛ ɣöö /ken yɛn lat ni min la thuɔ̱k kɛ kui̱dä ce̱tkɛ mëë ca lat ɛ ja̱ŋdä ni I-yob.”

I-ca-yaa 27:13

Kä ɛn cäŋ ɛmɔ ba kaaŋ mi di̱i̱t koth, kɛ ɣöö bi nɛy tin ci bath muun A-thi-ri-ya kɛnɛ tin ca naŋ muun I-jëp ben, ba Kuoth Nhial ben pal pääm in rɛl gɔɔydɛ rɔ kä Jɛ-ru-tha-lɛm.

Liib 14:16

bɛ yiat cueecdɛ cua̱th rɛy liɛɛth in te tëtdä caamdɛ, kɛ yiat cueecdɛ, bɛ tha̱a̱ŋ liɛɛth cu kiɛth kä bärɔw nhiam Kuɔth Nhial.

Liib 4:6

Kä bɛ yiatdɛ cua̱th rɛy riɛm ɛmɔ kä bɛ jɛ ben kiɛth ni kä bärɔw nhiam ge̱e̱lä min rɛlrɔ.

Dhɛk 4:2

Kä cuɛ ɣä jiök i̱, “Ɛŋu nɛɛni mɔ?” Kä cua̱ jɛ loc i̱, “Nɛ̈ɛ̈nä cuuŋ lɛmbärä mi da̱a̱p kɛɛliw, a te liɛɛrɛ wi̱i̱dɛ, kä te lɛmbärni bärɔw rɛydɛ, kɛ dup bärɔw ti wä kä lɛmbär.

Dhɛk 4:6

Kä cuɛ ɣä jiök i̱, “Nɛmɛ ɛ ruac Kuɔth Nhial kɛ kui̱ Dhɛ-ru-ba-bɛl. Kä ciɛ lua̱ŋ kiɛ buɔ̱m, ɛ yiëëdä, ruac ni ɣän Kuoth Nhial in la Ruey Ɣɔaa.

Kuen 23:1

Kä cu Bil-am Ba-lak jiök i̱, “Lätni ɣä kä yi̱kni da̱ŋ bärɔw ɛn wa̱nɛ mi, kä mocä kɛ thääk bärɔw kɛnɛ rueeth rɔɔmni da̱ŋ bärɔw.”

Jɔ-cua 6:13

Kä cu bööth palä da̱ŋ bärɔw tin rɔamkɛ kaaŋni tuɔ̱ŋni deet nhiam Kuɔth Nhial wä nhiam, kuɔthkɛ kaaŋni a thil cuɔ̱ŋ. Kä cu wutni köör wä nhiamdiɛn, kä cu ga̱a̱ŋ jɔak thanduk matdä ruac Kuɔth Nhial guɔ̱ɔ̱r, kä kuɔthkɛ kaaŋ a thil cuɔ̱ŋ.

Jɔ-cua 6:3

Kɛ pëk ni̱ni da̱ŋ bäkɛl yɛn bia jɔk rɛ̈ɛ̈k dhil gul kɛ luɔc kɛl kɛ cäŋ, yɛnɛ rɛm kööru.

Jɔ-cua 6:5

Kä mi wiaa kɛ wä liŋ kuɔthkɛ tuɔ̱ŋ ɛ tɔ̱ kɛ jɔw kɛl mi bäär, ɛn wa̱nɔ a nɛy diaal wak kɛɛl kɛ jɔw mi di̱i̱t, kä bi pa̱nyni rɛ̈ɛ̈k tɛɛth, kä bi rɛm kɛɛliw cu coth rɛy wec, wir ram ɔ ni nhiamdɛ.”

Nyuuth 1:20

Mɛmɛ ɛ jɛn luɔt kä min dhal ji̱ kɛ kui̱ kuɛli da̱ŋ bärɔw tin ci nɛn tetdä cuëëcdä, kɛnɛ cuuŋni lɛmbärni dääpä da̱ŋ bärɔw. Kä kɛn kuɛl da̱ŋ bärɔw kɛ ja̱a̱k nhial duëli Kuɔth da̱ŋ bärɔw, kä cuuŋni lɛmbärni da̱ŋ bärɔw kɛ kɛn duël Kuɔth da̱ŋ bärɔw.

Nyuuth 1:4

Jɔ̱ɔ̱n gɔ̱rɛ mɛmɛ duël Kuɔth da̱ŋ bärɔw tin te kä E-cia. A puɔ̱th kɛnɛ mal tekɛ yɛ, min bëë kä ram in te thi̱n, kä ci kɔŋ te thi̱n, kä bi ben. Min bä kä yiey da̱ŋ bärɔw tin te nhiam kɔam kuäärädɛ,

Nyuuth 10:3

Kä cuɛ ciöt kɛ jɔw mi diit, mi ce̱tkɛ bur luɔny. Kä mëë cɛ ciöt, cu ma̱a̱r da̱ŋ bärɔw ma̱a̱r.

Nyuuth 15:1

Kä cua nyuuth dɔ̱diɛn mi di̱i̱t mi gääy naath nɛn nhial, tëëkɛ ja̱a̱k nhial da̱ŋ bärɔw kɛ rik da̱ŋ bärɔw, tin la rik tin jɔak, kä bi waŋ lɔaac Kuɔth thuuk kɛ kɛ.

Nyuuth 15:7

Kä cu ley kɛl kä ley da̱ŋ ŋuan tin tëk ja̱a̱k nhial da̱ŋ bärɔw ka̱m thääk dääpä da̱ŋ bärɔw ti thiäŋ kɛ waŋ lɔaac Kuɔth, min tëk kɛ tëk mi do̱raar.

Nyuuth 16:1

Kä cua jɔw mi di̱i̱t liŋ rɛy luaak Kuɔth, jio̱kɛ ja̱a̱k nhial da̱ŋ bärɔw i̱, “Wiaa, wuɔcɛ thääk waŋä lɔaac Kuɔth da̱ŋ bärɔw wi̱i̱ muɔ̱ɔ̱n.”

Nyuuth 5:1

Kä tet cuëëc raam in nyuur kɔam kuäärä, cua ko̱l gɔ̱rä mi ca rɛydɛ kɛnɛ jɔkdɛ gɔ̱r nɛn, kä ca dil kɛ di̱i̱li bärɔw.

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 8:2

Kä cua ja̱a̱k nhial da̱ŋ bärɔw nɛn cuŋä nhiam Kuɔth, kä ca kɛ moc kaaŋni da̱ŋ bärɔw.

Nyuuth 8:6

Täämɛ cu ja̱a̱k nhial da̱ŋ bärɔw ti tekɛ kaaŋni da̱ŋ bärɔw rɔ rialikä kɛ kuɔ̱thdiɛn.