Jɔ-cua 5:6 - RUAC KUƆTH IN RƐL RƆ

⁶ kɛ ɣöö ci gaat I-thɛ-rɛl däär dɔaar luk kɛ run ti jiɛn ŋuaan, cu pëk nɛɛni diaal tëë bëë raar kä I-jëp kä ji̱ wäth ko̱o̱r thuɔ̱k kɛ lia̱a̱, kɛ ɣöö cikɛ ruac Kuɔth Nhial dhɔt. Kɛn nɛy tɔ̱tɔ̱ ci Kuoth Nhial ɛ dhil lar i̱ /cikɛ mun in cɛ la̱r gua̱ndɔɔŋnikiɛn i̱ ba dhil ka̱m gaatkiɛn bi nɛn, jɛn mun in la mun caak kɛnɛ lith tuar.

Jɔ-cua 5:6 Iomraidhean Croise

Diit 107:4

Kä cu tha̱a̱ŋ nath yi̱i̱c där dɔaar mi luɔ̱t, kä /ca duɔ̱ɔ̱p mi wee kɛ wec mi deekɛ cieŋ thi̱n jek,

Ɣöth 3:17

Kä cä car ɛn ɣöö bä yɛ kuëk raar yaakä I-jëp kä bä yɛ no̱o̱ŋ muun ji̱ Kɛ-naan, kɛ ji̱ ɣɛ̈th, kɛ ji̱ Ɛ-mor, kɛ ji̱ Pɛ-rii-dhi, kɛ ji̱ Iwi kɛnɛ ji̱ Yɛ-buth, mun caak kɛnɛ liɛɛth tuar.’

Ɣöth 3:8

Kä cä ben piny kɛ ɣöö bä kɛ ben naŋ raar te̱tni ji̱ rööl I-jëp, kä bä kɛ naŋ raar ɛn muun ɛmɔ, kä bä kɛ naŋ muun mi gɔaa, mun mi di̱i̱t, jɛn mun caak kɛnɛ tuaar. Jɛn ro̱l ji̱ Kɛ-naan, kɛ ji̱ ɣɛ̈th, kɛ ji̱ Ɛ-mor, kɛ ji̱ Pɛ-rii-dhi, kɛ ji̱ Iwi kɛnɛ ji̱ Yɛ-buth.

Bok Go̱kä ni Yir-mɛ-yaa 2:2

“Wër lät ni ruac ɛmɛ ji̱ Jɛ-ru-tha-lɛm, laar Kuoth Nhial jɛ i̱, ‘Ɣän cä ŋa̱th ŋuɛɛtädu tim, kɛnɛ nhök kaathädu, kɛ guur ëë guuri ni ɣä däärdɔaar mi luɔ̱t mi /ca dee pith.

Yɛdh 20:15

Wi̱i̱kä ti̱ti̱ diaal, ɣän cua̱ rɔɔdä ya̱ckɛ däärdɔaar ɛn ɣöö ɣän /cäkɛ bi naŋ muun ëë cä ka̱mkɛ, min la mun caak kɛnɛ liɛɛth tuar, mun mi gɔaa ni jɛn kä muɔ̱n diaal,

Yɛdh 20:6

Ɛn cäŋ ɛmɔ cua̱ rɔɔdä yac ɛn ɣöö ɣän bäkɛ nööŋ raar muun I-jëp, naŋä kɛ muun in cä go̱r kɛ kui̱diɛn, mun caak kɛnɛ liɛɛth tuar, mun mi gɔaa ni jɛn kä muɔn diaal.

Yo-el 3:18

Ɛn cäŋ ɛmɔ bi pääm diaal wuɔ̱th kɛ kɔaŋ mi kɛc kɛc, kä bikɛ lo̱o̱ny kɛ cak, kä bi wäŋ Juda diaal tekɛ pi̱ ti ŋuan, kä bi waŋ pi̱kɛ ben ni luaak Kuɔth Nhial, lonykɛ rɛy lo̱o̱lä Ci-tim.

Kuen 14:23

/Ca mun ëë cä la̱r gua̱ni bi nɛn. Kɛn tin diaal tin yɔaŋkɛ ɣä.

Kuen 26:63

Cu tɔ̱tɔ̱ a kɛn nɛy tin ca kuɛn ɛ Muthɛ kɛnɛ Ɛl-a-dhar bo̱o̱th palä, mëë kuɛɛn ji̱ I-thɛ-rɛl dɛɛkä Mo-ab kui̱ yiëër Jɔr-dɛn kä Jɛ-ri-ko.

Ŋuɔ̱t 1:3

Kɛ cäŋ in jio̱liɛn kä pay wäl kɛl kä ruɔ̱n jiɛɛn ŋuaan kɛ kɔr kä mëë cikɛ jiɛɛn kä I-jëp, cu Muthɛ ruac kɛ ji̱ I-thɛ-rɛl diaal kɛ tëë diaal tëë ca la̱t jɛ ɛ Kuoth Nhial kɛ kui̱diɛn.

Ŋuɔ̱t 2:14

Kä pëk ëë jiɛc kɛ kɔ ni kä Ka-dɛc-bar-ni-ya mäni mëë cakɔ lööl Dha-rɛd jiɛth. Cua run ti jiɛɛn diɔ̱k wi̱cdɛ bädäk, mäni mëë cu wutni ko̱o̱r ri̱cä nɔmɔ li̱w rɛy wi̱i̱ni, ce̱tnikɛ mëë ci Kuoth Nhial ɛ la̱rkɛ.

Ŋuɔ̱t 2:7

Kɛ ɣöö ci Kuoth Nhial Kuothdun yɛ poth rɛy lätnikun diaal. Ni mëë jäl yɛn rɛy dɔaar ŋäcɛ jɛ. Kɛ run ti jiɛɛn ŋuaan te Kuoth Nhial Kuothdu kɛɛl kɛ ji̱, ŋäcɛ jɛ i̱ thilɛ mi dak kä ji̱.’

Ŋuɔ̱t 8:4

Kɛ run ti jiɛɛn ŋuan /ken bieynikun rɛ̈t kä /kenɛ ciökun pua̱a̱t.

Ji̱ Ɣi-bɛ-ru 3:11

Kä kɛ gakdä cä rɔ yac i̱, ‘/Cikɛ bi wä guäth lɔ̱ŋädä.’ ”

Jɔ-cua 1:6

A bum ni ji̱n, kä /cu dual kɛ ɣöö bi nɛy ɛ ti böth muun ëë cä guɔ̱k gua̱ndɔɔŋnikiɛn i̱ bi a duundiɛn.

Jɔ-cua 24:7

Kä mëë cikɛ Kuoth Nhial loŋ, cuɛ ti̱k la̱th kamädun kɛ ji̱ rööl I-jëp, kä cuɛ bar jak kä muɔɔy kɛ. Kä cia jɛ nɛn kɛ nyinkun ɛn ëë cä lät kä I-jëp. Kä cia ciɛŋ däär dɔaar kɛ gua̱a̱th mi bäär.

Jɔ-cua 5:5

Cäŋɛ mëë ca ri̱c diaal tëë bëë raar kä I-jëp cuɛ̈l ni kɛn diaal bä, ɛ ni ɣöö ni mëë cikɛ jiɛn kä I-jëp, kɛn gaat tëë dhɔɔl tëë ca di̱eth lɛɛr jäl, /ka̱n kɛ cuɛ̈l,

Jɔ-cua 5:7

Kä kɛn gaatkiɛn tëë cɛ jak kä ŋua̱lkɛ gua̱th gua̱ni, kɛ kɛn tëë cu Jɔ-cua kɛ cuɛ̈l, kɛ ɣöö ŋot kɛ /ka̱n kɛ cuɛ̈l, thilɛ ram mi cikɛ cuɛl mëë tekɛ dup.