Jɔ-cua 4:10 - RUAC KUƆTH IN RƐL RƆ

¹⁰ Ɛn wa̱nɔ, ŋot bööth palä tin kapkɛ thanduk matdä cuŋä däär yiëër Jɔr-dɛn, amäni mëë wa tëë ca la̱t Jɔ-cua ɛ Kuoth Nhial kɛ thok Muthɛ thuk kɛ läth gua̱thnikiɛn. Cu naath rɔ̱ ku thuɔl kui̱c kɛ pɛ̈th.

Jɔ-cua 4:10 Iomraidhean Croise

Diit 119:60

Ɣän bä pɛ̈th /cä bi gaal, kɛ ti̱et luëëkniku.

Ɣöth 12:39

Kä cukɛ jurayni ti pat paat ti thil thuɔp bul nuɔ̱p jurayni mëë no̱o̱ŋkɛ kä I-jëp, kɛ ɣöö /kenɛ rɔ kɔ̱p, kɛ mëë tuɔ̱kɛ kɛ raar kä I-jëp, cikɛ cu thil gua̱a̱th mi dëë liep kɛ kɛ, kä thilɛ mi̱th ja̱l ti ca rial ikä kɛ kui̱diɛn.

Ruac Pɛli 27:1

/Cu rɔ liak kɛ cäŋ ɛ ruɔ̱n ɔ, kɛ ɣöö kui̱ci mɔ bi tuɔɔk iruun ɔ.

Ŋi̱i̱c 9:10

Kä lät ni mɔ deri luäŋ kɛ lät ni mɔ kɛ buɔ̱mdu. Kɛ ɣöö thilɛ ca̱r kiɛ la̱t kiɛ pɛl ɛn muun ɔ bi wä thi̱n ɔ.

I-ca-yaa 28:16

Kɛ kui̱c ɛmɔ cu Kuäär ni Kuoth wee i̱, “Nɛnɛ, ɣän la̱thä päm kä Dha-yɔn ala tuk, päm mi ca ɣɔ̱ɔ̱nä, ɛ päm gɔŋtɔtdä mi gɔaa mi la duŋ tukä mi lɛy lɛy. ‘Kä ram ɔ bi jɛ ŋäth ɔ /cɛ bi ga̱a̱c.’

2 Kor 6:2

Kɛ ɣöö cɛ lar i̱, “Kɛ gua̱a̱th mi ro̱ŋ cä yɛ liŋ, kä kɛ cäŋ känä cä yɛ luäk.” Nɛnɛ, mɛmɛ ɛ jɛn gua̱a̱th in ro̱ŋ, kä nɛnɛ, ɛn wa̱lɛ ɛ cäŋ känä!

Ŋuɔ̱t 31:9

Cu Muthɛ ŋuɔ̱t ɛ mi gɔ̱r, kä cuɛ jɛ ka̱m bööth palä gaat Lii-bay tin kapkɛ thanduk luëëkni Kuɔth Nhial, kɛnɛ bööth ji̱ I-thɛ-rɛl diaal.

Jɔ-cua 24:11

Kä mëë cia kac kui̱c Jɔr-dɛn kä /cuarɛ ben kä Jɛ-ri-ko, cu ji̱ Jɛ-ri-ko yɛ lep ko̱r, cu amäni ji̱ Ɛ-mor, kɛ ji̱ Pɛ-rii-dhi, kɛ ji̱ Kɛ-naan, kɛ ji̱ Ɣɛ̈th, kɛ ji̱ Gir-gac, kɛnɛ ji̱ Iwi amäni ji̱ Yɛ-buth, kä cua yɛ ka̱m ti̱emdiɛn.

Jɔ-cua 3:13

Kä mi wä bööth palä tin kapkɛ thanduk matdä Kuɔth Nhial in la Kuäär wec muɔ̱ɔ̱n kɛɛliw pa̱a̱t ciöknikiɛn cua̱th yie̱e̱r kä Jɔr-dɛn, bi löny yiëër ɛmɔ cuɔ̱ŋ kä bi pi̱ tin lony ni kui̱c i̱ wee nhial i̱ rɔ̱ rol guäth kɛl.

Jɔ-cua 4:11

Min cikɛ rɔ̱ kuɛr kui̱c yiëër ɛwic, cu bööth palä ben räth nhiam kɛ thanduk matdä Kuɔth Nhial.

Jɔ-cua 4:9

Ɛn wa̱nɔ, ci Jɔ-cua pääm da̱ŋ wäl rɛw ka̱n bä, kä cuɛ kɛ la̱th guäth ciökni kua̱ri palä min cikɛ cuɔ̱ŋ thi̱n kä ka̱pkɛ thanduk matdä däär yiëër Jɔr-dɛn. Kɛn pääm ɛ tɔ̱ kɛn a guäthdiɛn amäni wa̱lɛ.