Jɔ-cua 3:7 - RUAC KUƆTH IN RƐL RƆ

⁷ Kä cu Kuoth Nhial Jɔ-cua ku jiök i̱, “Ni ɛn wa̱lɛ mi, ɣän bä di̱tdu re̱p nhiam ji̱ I-thɛ-rɛl diaal. Ɛ jɛn bikɛ jɛ cu ŋa̱c ɔ ɛn ɣöö ta̱a̱ kɛɛl kɛ ji̱ ce̱tnikɛ mëë ta̱a̱ kɔnɛ Muthɛ.

Jɔ-cua 3:7 Iomraidhean Croise

1 Kuɛ̈n 29:25

Kä cu Kuoth Nhial Thɔ-lo-mon ka̱m liak nhiam ji̱ I-thɛ-rɛl diaal, kä cu gɔaa ni kuäärɛ kä kua̱r I-thɛ-rɛl tëë ci ben nhiamdɛ.

2 Kuɛ̈n 1:1

Kä cu gat Dee-bid ni Thɔ-lo-mon rɔ pa̱l piny rɛy kuäärädɛ, kɛ ɣöö te Kuoth Nhial min la Kuothdɛ kɛɛl kɛ jɛ, kä cuɛ jɛ jak kä bum.

I-yob 7:17

Ɛŋu mi di̱i̱t mi tekɛ ram mëë cak ji̱n ɔ, mɔ ci jɛ tit ɛlɔ̱ŋ ɔ,

Diit 18:35

Ci Kuoth Nhial ɣä gaŋ, kä cɛ ɣä kän, cuɛ ɣä luäk nikɛ tet cuëëcdɛ, kɛ gɔɔydɛ cuɛ ɣä jak kä bum.

Jɔ̱ɔ̱n 17:1

Kɛ kɔr kä mëë ci Yecu ruaacni tɔ̱tɔ̱ lat, cuɛ nhial liɛc, kä cuɛ wee i̱, “Gua̱di̱n, ci gua̱a̱th ben. Puɔnyni Gatdu, kɛ ɣöö dee Gatdu ji̱ puany,

Ji̱ Pi-li-pi 1:20

Kä min göörä kɛnɛ min ŋa̱a̱thä, ɛ ɣöö /ca ɣä bi jakä po̱c kɛ duɔ̱ɔ̱r, kä duundɛ ɣöö bä ruac kɛ liak ɛn täämɛ ce̱tkɛ min wen, kɛ ɣöö bä Kritho nöŋ liak rɛy teekädä a tëkä kiɛ a cä li̱w.

Jɔ-cua 1:17

Kɔn bakɔ thokdu liŋ bä, ce̱tnikɛ mëë cakɔ thok Muthɛ liŋ rɛy kä ti diaal. Min te ni jɛn thi̱n, a Kuothdu ni Kuoth Nhial luäk ji̱ thi̱n ce̱tnikɛ mëë cɛ Muthɛ luäk.

Jɔ-cua 1:5

Ji̱n Jɔ-cua, thilɛ gat ran mi bi ji̱ luäŋ kɛ gëw runi te̱e̱kädu diaal, kɛ ɣöö ce̱tnikɛ mëë ta̱a̱ kɛ Muthɛ kɛɛl, ɣän bä te kɛɛl kɛ ji̱ bä, /cä ji̱ bi me̱t bäny piny.

Jɔ-cua 1:9

Ɛ niɛ min cä la̱r ji̱ i̱ kämni lɔcdu buɔ̱m, kä /cu bath, kɛ ɣöö bä te kɛɛl kɛ ji̱ gua̱thni diaal ɣän Kuothdu ni Kuoth Nhial.”

Jɔ-cua 3:6

Kä cuɛ bööth palä ku jiök i̱, “Ka̱nɛ thanduk matdä Kuɔth kä böthɛ naath kɛ jɛ.” Kä cukɛ wä thi̱n.

Jɔ-cua 3:8

Täämɛ wër ruacni kɛ bööth palä tin kapkɛ thanduk matdä kä jio̱kni kɛ i̱ mi wäkɛ wä cop wi̱i̱ yiëër kä Jɔr-dɛn, akɛ cuŋ yie̱e̱r.”

Jɔ-cua 4:14

Ɛn cäŋ ɛmɔ pa̱ny, cu Kuoth Nhial di̱t Jɔ-cua re̱p rɛy ji̱ I-thɛ-rɛl diaal, kä cukɛ jɛ luɔ̱th ni thiɛkä kɛ pëk te̱e̱kädɛ kɛɛliw ce̱tnikɛ mëë cikɛ Muthɛ luɔ̱th inɔ.