Jɔ-cua 3:11 - RUAC KUƆTH IN RƐL RƆ

¹¹ Bia jɛ ŋa̱c kɛ ɣöö mi wä thanduk matdä Kua̱r ni gua̱n wec muɔ̱ɔ̱n kɛɛliw yɛ böth Jɔr-dɛn.

Jɔ-cua 3:11 Iomraidhean Croise

1 Kuɛ̈n 29:11

Kä di̱t kɛ buɔ̱m kɛ gɔɔy kɛ guëth kɛ nyinku lö Kuoth Nhial. Kä tin diaal tin te puɔ̱rä, kɛnɛ tin te piny kɛ nyinku. Kä ɛ ji̱n Kuäär in di̱t ni jɛn kä ti diaal.

I-yob 41:11

Kä ɛŋa mi ci ɣä moc kɛ ŋua̱l mi dëë pi̱ek jɛ? Kä ŋɔak diaal tin te rɛy ɣɔaa.

Diit 24:1

Ɣɔw ɛ duŋ Kuɔth Nhial kɛnɛ tin diaal tin te thi̱n, kɛ wi̱c muɔ̱ɔ̱n kɛnɛ nɛy diaal tin cieŋ thi̱n,

Diit 97:5

Kä la lëër pääm ce̱tnikɛ kɔl nhiam Kuɔth Nhial, nhiam kua̱r ji̱ wi̱c muɔ̱ɔ̱n diaal.

I-ca-yaa 3:12

Kä nɛɛkä bakɛ yak ɛ dho̱li, kä bakɛ ruac ɛ män. Kä lö nɛɛkä, ca yɛ bath ɛ bööthkun, ca yɛ woc dup.

I-ca-yaa 54:5

Kɛ ɣöö Cääkdu ɛ cɔwdu, kä cɔalkɛ ciötdɛ Kuoth Nhial in la Ruey Ɣɔaa, ɛn Kuoth I-thɛ-rɛl, ɛ jɛn la Lueelu mɔ, cɔalkɛ jɛ Kuoth wec muɔ̱ɔ̱n kɛɛliw.

Bok Go̱kä ni Yir-mɛ-yaa 10:7

Kä ɛŋa mi /ci ji̱ bi luɔ̱th, lö Kuäär dööri? Kä ro̱ŋ ni ji̱n kɛ luth rɛy nɛɛni diaal tin pɛl pɛɛl kä döör, kä rɛy kuäärädiɛn thilɛ ram mi cäät kɛ ji̱.

Mikaa 4:13

Kä cuɛ wee, jiɛc rɔ lö nya Dha-yɔn, kä kɔ̱mkɛ, kɛ ɣöö bä ji̱ moc buɔ̱m mi ce̱tkɛ buɔ̱m yieethä. Kä ji̱n bi dör ti ŋuan riam, kä bi ɣä ley tëë cikɛn kɛ mac, bi ria̱ŋdiɛn ka̱m Kuäär wec muɔ̱ɔ̱n kɛɛliw.

Dhɛp 2:11

Kä bi Kuoth Nhial rɔ̱ɔ̱th kɛ kɛ, mi wëë kuth wec muɔ̱ɔ̱n diaal wä däk, kä ba jɛ pal ɛ döör diaal, bi ramɔ jɛ pal gua̱a̱thdɛ.

Dhɛk 14:9

Kä bi Kuoth Nhial a kuäär wec muɔ̱ɔ̱n kɛɛliw. Ɛn cäŋ ɛmɔ bi Kuoth Nhial a kɛl kä ciötdɛ kɛl.

Dhɛk 4:14

Kä cuɛ ɣä jiök i̱, “Kɛ kɛn rɛw tin ca kuany, kɛ ɣöö ba Kuäär ni Kuoth lätikä wi̱i̱ muɔ̱ɔ̱n kɛɛliw.”

Dhɛk 6:5

Kä cuɛ ɣä loc i̱, “Kɛ yi̱ey puɔ̱ɔ̱rä da̱ŋ ŋuaan bäkɛ raar nhiam Kua̱r wec muɔ̱ɔ̱n kɛɛliw.

Ŋuɔ̱t 9:3

Kä ŋa̱cɛ jɛ niɛ walɛ, mi wëë tekɛ mac mi wä kɛ nhiamdun, ɛ Kuoth Nhial Kuothdun. Bɛ kɛ däk nhiamdun, biakɛ joc kä bia kɛ däk kɛ pɛ̈th, ce̱tkɛ min ci Kuoth Nhial ɛ guɔ̱k yɛ.

Jɔ-cua 3:13

Kä mi wä bööth palä tin kapkɛ thanduk matdä Kuɔth Nhial in la Kuäär wec muɔ̱ɔ̱n kɛɛliw pa̱a̱t ciöknikiɛn cua̱th yie̱e̱r kä Jɔr-dɛn, bi löny yiëër ɛmɔ cuɔ̱ŋ kä bi pi̱ tin lony ni kui̱c i̱ wee nhial i̱ rɔ̱ rol guäth kɛl.