Jɔ-cua 24:7 - RUAC KUƆTH IN RƐL RƆ

⁷ Kä mëë cikɛ Kuoth Nhial loŋ, cuɛ ti̱k la̱th kamädun kɛ ji̱ rööl I-jëp, kä cuɛ bar jak kä muɔɔy kɛ. Kä cia jɛ nɛn kɛ nyinkun ɛn ëë cä lät kä I-jëp. Kä cia ciɛŋ däär dɔaar kɛ gua̱a̱th mi bäär.

Jɔ-cua 24:7 Iomraidhean Croise

Ɣöth 14:10

Mëë wä Pɛro kɛ ŋäth ikä, cu ji̱ I-thɛ-rɛl leth, cukɛ ji̱ I-jëp nɛn bä kɛ kɔɔriɛn. Cukɛ dual kɛ dual mi di̱i̱t, kä cukɛ Kuoth Nhial cu cɔl kɛ wiee.

Ɣöth 14:20

Cuɛ ben kamä rɛ̈m ji̱ I-jëp kɛnɛ rɛm ji̱ I-thɛ-rɛl. Cuɛ tekɛ pua̱r kɛnɛ muth mi cu wäär cuɔth, kuiy kɛl, kä cuɛ tekɛ buay kui̱c in dɔ̱ŋ. A /ken rɛm rɔ̱ mat ɛn wäär ɛmɔ.

Ɣöth 14:31

Mëë ci ji̱ I-thɛ-rɛl ti̱em in di̱i̱t ëë ci Kuoth Nhial ɛ puɔ̱ɔ̱t ni ji̱ I-jëp nɛn, cukɛ Kuoth Nhial luɔ̱th kä cukɛ jɛ ŋäth, jɛn amäni läätdɛ ni Muthɛ.

Ŋuɔ̱t 1:46

/cuarɛ te kä Ka-dɛc kɛ ni̱n ti ŋuan.”

Ŋuɔ̱t 2:14

Kä pëk ëë jiɛc kɛ kɔ ni kä Ka-dɛc-bar-ni-ya mäni mëë cakɔ lööl Dha-rɛd jiɛth. Cua run ti jiɛɛn diɔ̱k wi̱cdɛ bädäk, mäni mëë cu wutni ko̱o̱r ri̱cä nɔmɔ li̱w rɛy wi̱i̱ni, ce̱tnikɛ mëë ci Kuoth Nhial ɛ la̱rkɛ.

Ŋuɔ̱t 29:2

Cu Muthɛ ji̱ I-thɛ-rɛl diaal cɔl jiökɛ kɛ i̱, “Cia mëë ca la̱t ɛ Kuoth Nhial kä I-jëp nɛn kɛ waŋdun, mëë lätdɛ kä Pɛro kɛnɛ kuaanykɛ diaal kɛ wecdɛ kɛɛliw.

Ŋuɔ̱t 4:34

Kua tëë kɛ kuoth mi ci jɛ ɣɔ̱n i̱ mocɛ rɔ kɛ dör nath rɛy döör i̱ dɔ̱ŋ. Kɛ ɣɔ̱ɔ̱ni kiɛ ti ga̱ykɛ naath kiɛ ko̱r, kiɛ kɛ tet mi bum kiɛ kɛ dual mi diit, ce̱tkɛ tëë diaal tëë ci Kuoth Nhial Kuothdun kɛ la̱t kä yɛ nhiamdun kä I-jëp?

Ji̱ Ɣi-bɛ-ru 3:17

Kä kɛ ŋaani kɛn tëë te waŋ lɔaac Kuɔth kɛ kɛ, kɛ run ti jiɛn ŋuan? /Cikɛ kɛn nɛy tëë ci duer, tëë ci li̱w däär dɔaar?

Jɔ-cua 5:6

kɛ ɣöö ci gaat I-thɛ-rɛl däär dɔaar luk kɛ run ti jiɛn ŋuaan, cu pëk nɛɛni diaal tëë bëë raar kä I-jëp kä ji̱ wäth ko̱o̱r thuɔ̱k kɛ lia̱a̱, kɛ ɣöö cikɛ ruac Kuɔth Nhial dhɔt. Kɛn nɛy tɔ̱tɔ̱ ci Kuoth Nhial ɛ dhil lar i̱ /cikɛ mun in cɛ la̱r gua̱ndɔɔŋnikiɛn i̱ ba dhil ka̱m gaatkiɛn bi nɛn, jɛn mun in la mun caak kɛnɛ lith tuar.