Jɔ-cua 24:10 - RUAC KUƆTH IN RƐL RƆ

¹⁰ kä ɣän /ka̱n ruac Bil-am liŋ. Kä cuɛ ben poth ni yɛ. Inɔ cua yɛ cu kän te̱tädɛ.

Jɔ-cua 24:10 Iomraidhean Croise

I-ca-yaa 54:17

Kä thilɛ yio̱w köör ti ba yɛ nyɔk kɛ juɔ̱c kɛ kɛ, kä bia lëëp diaal tin gɔanykɛ yɛ loc. Nɛmɛ ɛ jɛn duŋ ja̱a̱ŋni Kuɔth Nhial, kä ɛ jɛn min la cuɔ̱ɔ̱ŋdiɛn,” ruac ni ɣän Kuoth Nhial.

Mikaa 6:5

Nɛɛkä tiɛmɛ mëë ci Ba-lak kuäär Mo-ab ɛ car i̱ bɛ lät kä yɛ, kɛnɛ luɔ̱c ëë ci Bil-am gat Bɛ-or ɛ loc ni jɛ. Kä ɛŋu ci tuɔɔk ɔ dup kä Ci-tim amäni Gil-gal, derɛ cuɔ̱ɔ̱ŋ Kuɔth Nhial dhil ŋa̱c.”

Kuen 22:35

Kä cu jääk Kuɔth Nhial Bil-am jiök i̱, “Wër kɛɛl kɛ nɛy tɔ̱tɔ̱. Duundɛ ɣöö bi lat ni ruac in bä la̱r ji̱ kärɔa.” Kä cu Bil-am wä kɛɛl kɛ bööth Ba-lak.

Ŋuɔ̱t 23:5

Ɛ ni ɣöö /ken Kuoth Nhial Kuothdun Bil-am liŋ. Cuɛ rit ni lamdun ala puɔ̱thdun, kɛ ɣöö Kuoth Nhial Kuothdun nhɔkɛ yɛ.

Jɔ-cua 24:11

Kä mëë cia kac kui̱c Jɔr-dɛn kä /cuarɛ ben kä Jɛ-ri-ko, cu ji̱ Jɛ-ri-ko yɛ lep ko̱r, cu amäni ji̱ Ɛ-mor, kɛ ji̱ Pɛ-rii-dhi, kɛ ji̱ Kɛ-naan, kɛ ji̱ Ɣɛ̈th, kɛ ji̱ Gir-gac, kɛnɛ ji̱ Iwi amäni ji̱ Yɛ-buth, kä cua yɛ ka̱m ti̱emdiɛn.