Jɔ-cua 23:6 - RUAC KUƆTH IN RƐL RƆ

⁶ Kɛ kui̱ ɛmɔ, tiɛtdɛ jɛ ɛn ɣöö bia ŋɔak diaal tin ca gɔ̱a̱r rɛy buɔk ŋuɔ̱tni Muthɛ luɔ̱th, a thilɛ mi bia ciɛc jɔ̱ɔ̱r rɛydiɛn.

Jɔ-cua 23:6 Iomraidhean Croise

1 Kua̱r 2:3

Kä tit tin ci Kuoth Nhial Kuothdu kɛ la̱t ji̱, tit dupkɛ kɛnɛ ŋuɔ̱tkɛ, kɛ luëëkɛ, ce̱tkɛ min ca gɔ̱r kä ŋuɔ̱t Muthɛ, kɛ ɣöö bi gɔaa kä ti diaal tin bi la̱t kɛnɛ gua̱a̱th ɛ bi wä thi̱n ɔ.

Diit 101:3

kä thilɛ duɔ̱ɔ̱r mi jiääk mi bä guic. Ɣän lökä lät nɛɛni tin thil ŋa̱th, cikɛ bi räth kä ɣä.

Diit 119:102

Ɣän /ka̱n rɔ ri̱et gekä kä luëëku, kɛ ɣöö ci ɣä ŋi̱eec ɛ ji̱n.

Bok Go̱kä ni Yir-mɛ-yaa 9:3

Kɛ nɛy ti ce̱t lɛpdiɛn nikɛ bäär yor kɛn ni rieet kacä, ti thilɛ thuɔ̱k mi te thi̱n cikɛ rɔ̱ jak kä bum muun, kɛ ɣöö pa̱lkɛ mi jiääk kɛ mi jiääk kä /ci kɛn ɣä ŋäc, ruac ni ɣän Kuoth Nhial.

1 Kor 16:13

Niɛkɛ rɔ, cuɔ̱ŋɛ a bum rɛy ŋäthädun, a lo̱ckun bum, kä buɔ̱mɛ.

Ŋuɔ̱t 12:32

“Kä tin diaal tin cä la̱t yɛ tiɛtdɛ la̱tdiɛn, /cuarɛ kɛ rep kɛ duɔ̱ɔ̱r kä /cuarɛ duɔ̱ɔ̱r käm raar thi̱n.”

Ŋuɔ̱t 17:20

Kä /cɛ rɔ bilɛ kap nhial kä gaatman, kä /cɛ rɔ bi lɛ rit kä ŋuɔ̱t. Kä bɛ cu jääny kuäärädɛ, jɛn kɛnɛ gaatkɛ, rɛy I-thɛ-rɛl.”

Ŋuɔ̱t 28:14

Kä thilɛ riet kɛl mi cia päl kä rieet ti cä la̱t yɛ ti walɛ, kɛ ɣöö /cia guɔ̱ɔ̱r ni kuth kɔ̱kiɛn.”

Ŋuɔ̱t 5:32

“Kä tiɛtdɛ jɛ yɛn ɛn ɣöö bia kɛ la̱t ce̱tnikɛ min ci Kuoth Nhial Kuothdun ɛ la̱r yɛ. /Cuarɛ rɔ cak riet caam kiɛ cuëëc.

Ji̱ Ɣi-bɛ-ru 12:4

Kä töörun kɛ duer ŋotdɛ /kenɛ ni cop kä ɣöö ba riɛmdun wuɔ̱th piny.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”