Jɔ-cua 23:12 - RUAC KUƆTH IN RƐL RƆ

¹² Kä mi wiaa rɔ̱ wä ri̱t, kä bia rɔ̱ mat kɛɛl kɛ duɔth dööri ti̱ti̱ ci duɔth rɛydun ti, kä bia kamkun jak kä tekɛ kuen,

Jɔ-cua 23:12 Iomraidhean Croise

Tuk Cäkä Ɣɔaa 2:24

Kɛ kui̱c ɛmɔ, bi wut gua̱n kɛnɛ man ba̱ny piny kä ba jɛ mat kɛnɛ ciekdɛ, kä bi kɛn da̱ŋ rɛw cua̱ puɔ̱ny kɛl.

Tuk Cäkä Ɣɔaa 34:3

Kä nɛ̈nɛ jɛ, min ci Dina tɛth lɔɔcdɛ kɛ ɣöö cɛ jɛ go̱r ɛn ɣöö de̱rɛ la ciekdɛ, cuɛ ruac kɛ jɛ ni kɔ̱c kɛ ɣöö bɛ lɔcdɛ jak kä tɛth.

1 Kua̱r 11:2

nyier nɛɛni tëë ci Kuoth Nhial ji̱ I-thɛ-rɛl luek thi̱n i̱, “/Cuarɛ kuen kä kɛ, kä akɛ /ci kuen kä yɛ, kɛ ɣöö ba lo̱ckun dhil ri̱t a bia wä guɔ̱ɔ̱r ni kuthkiɛn.” Kɛ kɛn ci Thɔ-lo-mon rɔ wä ka̱p nhökdiɛn ɔ.

1 Kua̱r 11:4

Kä cu mänkɛ jɛ buath palä kuthnikiɛn kɛ ɣöö cɛ dɔ̱ŋ. Kä /kenɛ lɔcdɛ ka̱m Kuoth Nhial Kuothdɛ, ce̱tkɛ lɔc gua̱n ni Dee-bid.

Diit 125:5

Duundɛ ɣöö mi wi̱i̱ ji̱ nyuɔɔni wä tɔ̱ŋ, tɔ̱ŋ nɛy tin ba̱nykɛ duɔ̱ɔ̱pdu piny. Ɛ mal te kä I-thɛ-rɛl!

Diit 36:3

Kä rieetkɛ diaal kɛ ti jiäk kä kɛ ka̱a̱cni, /cɛ pɛl go̱r kɛnɛ gɔy.

I-ca-yaa 1:4

Yɛn do̱r mi gua̱n dui̱rä, nɛy ti ɣa̱a̱ckɛ ni dueer, gaat ti la̱a̱t jiäkni, dho̱li ti ji̱ nyuɔɔni, cia Kuoth Nhial pa̱l ruëëc, cia Kuoth lo̱k, Kuoth I-thɛ-rɛl in rɛl gɔɔydɛ rɔ, cikɛ jɛ riet ni jɔkdiɛn!

Yɛdh 18:24

Kiɛ mi ci nɛy tin la̱tkɛ cuŋ rɔ̱ ri̱t lätni cuŋnikiɛn, ɛ la̱tkɛ ni dueer kɛnɛ jiäk tin la̱tkɛ ɛ ji̱ nyuɔɔni, kɛn dëë kɛ tëk? Thil ɛ la̱t cuŋä kɛl kä lät cuŋnikiɛn mi ba lɛ tim. Kɛ kui̱ thil ŋäthä mi lätdɛ ni jiäk kɛnɛ dueer tin cikɛn kɛ la̱t, bikɛ li̱w.

Dhɛp 1:6

Kɛ nɛy tin ci rɔ̱ ri̱et jɔk kɔɔrä, kɛ nɛy tin /ci bä kä ɣä, kä /ca ɣä thiec.”

Mɛ̈t 12:45

Kä mëë, cɛ loc jɔk, cuɛ yiey da̱ŋ bärɔw ti jiäk ni kɛn kä jɛ nööŋ, kä cu kɛn diaal wä rɛc, kä cukɛ cieŋ thi̱n. Kä cu ta̱a̱ wutdä ɛmɔ ku jiääk ni jɛn kä ta̱a̱dɛ mëë nhiam. Kä bɛ te inɔ bä kɛ jɛn ri̱c ɛ jiääk ɛmɛ.”

Jɔ̱ɔ̱n 6:66

Kɛ kɔr kä mɛmɛ cu ji̱ kɔaarɛ ti ŋuan kac jɔk, kä /kenkɛ lɛ ŋot kɛ ja̱l kɛɛl kɛ jɛ.

Ji̱ Röm 12:9

A nhök la thuɔ̱k, kä nyi̱r mi jiääk. Kä käp ni mi gɔaa.

Ŋuɔ̱t 6:15

Ɛ ŋɛɛny Kuɔth Nhial Kuothdu /ci rɔ bi tok kɛ ji̱, a bɛ ji̱ thum wi̱i̱ muɔ̱ɔ̱n. Kɛ ɣöö Kuoth Nhial Kuothdu in te rɛydun ɛ Kuoth mi gua̱n tiilä.

Ŋuɔ̱t 7:3

/Cuarɛ kuen kɛ kɛ, kä /cuarɛ nyieekun käm gaatkiɛn ala män, kä /cuarɛ gaatkun kuen nyieekiɛn.

Ŋuɔ̱t 7:4

Amäni mi dëë gaatkun rit kɔɔr Kuɔth Nhial, a ba wä pal ni kuth ti guäy. Amäni mi dëë kɛ̈c Kuɔth Nhial ben kä yɛ a bɛ yɛ dup kɛ pɛ̈th.

Jɔ-cua 23:11

Kɛ kui̱ ɛmɔ, tiɛtdɛ jɛ agɔaa ɛn ɣöö bia Kuothdun ni Kuoth Nhial ka̱m nhök.

1 Jɔ̱ɔ̱n 2:9

Kä ram mi laar jɛ i̱, “Ta̱a̱ rɛy buɔyä,” kä nyiirɛ gaatman, ŋotdɛ rɛy muɔ̱th.

Ruëëc 14:3

Kä cu gua̱n kɛnɛ man ɛ jiök i̱, “Ɛn duɔ̱ɔ̱r /cɛ cu thil mi dee a ciek kä nyi̱er maarädu, kiɛ rɛy nɛɛni kɔn, ɛ ni, bi wä go̱o̱r ni ciek rɛy ji̱ Pi-li-thɛt ti /ka̱n cuɛl?” Duundɛ ɣöö cu Cim-con gua̱n jiök i̱, “Kueni jɛ ɣä. Kɛ ɣöö bɛ lɔcdä jak kä tɛth agɔaa.”

Ruëëc 3:6

Kä cu ji̱ I-thɛ-rɛl nyi̱er döri tɔ̱tɔ̱ kuɛn ala mänkiɛn, kä cukɛ nyieekiɛn ka̱m kɛ ala män kä gaatkiɛn. Kä cukɛ kuthkiɛn pal.