Jɔ-cua 22:10 - RUAC KUƆTH IN RƐL RƆ

¹⁰ Täämɛ mëë ci döör Rɛ-u-ben, kɛ Gad, kɛ kui̱c käny cäŋ Ma-na-thɛ cop kä Gɛ-li-loth in te gekä yiëër Jɔr-dɛn rɛy rööl Kɛ-naan, cukɛ yi̱k mi duŋ di̱i̱t täth.

Jɔ-cua 22:10 Iomraidhean Croise

Tuk Cäkä Ɣɔaa 12:7

Ɛ jɛn cu Kuoth Nhial rɔ cu nyuɔ̱th Ab-ram kä cuɛ jɛ jiök i̱, “Bä wec ɛmɛ ka̱m kuayku.” Inɔ cu Ab-ram Kuoth Nhial in ci rɔ nyuɔ̱th jɛ ta̱th yi̱k.

Tuk Cäkä Ɣɔaa 12:8

Ɛn wi̱ni cuɛ ɣo̱th pe̱e̱k wec in te kä käny ca̱ŋ dhɔaar in cɔal i̱ Beth-ɛl, dhɔɔr in tekɛ bi̱eli, kä cuɛ kɛmɛdɛ pua̱t piny thi̱n, te Beth-ɛl kui̱ konyä ca̱ŋ kä te Aay kui̱ känyä ca̱ŋ. Kä ɛn wi̱ni cuɛ Kuoth Nhial ta̱th yi̱k kä cuɛ jɛ pal.

Tuk Cäkä Ɣɔaa 28:18

Mëë ruɔ̱ndɛ cuɛ rɔ jiɛc ni bakä, cuɛ lɛ̈l in cɛ jak kä cääk ka̱n, kä cuɛ jɛ cuŋ ala päm ti̱mä, kä cuɛ wi̱cdɛ caw kɛ liɛɛth.

I-ca-yaa 19:19

Ɛn cäŋ ɛmɔ bi Kuoth Nhial tekɛ yi̱k ni däär muɔ̱ɔ̱n I-jëp, kä bɛ tekɛ riäk këthdɛ.

Jɔ-cua 22:11

Kä mëë wä ji̱ I-thɛ-rɛl ɛ theeŋ i̱ cikɛ yi̱k täth ke̱th rööl Kɛ-naan kä Gɛ-li-loth in te gekä yiëër Jɔr-dɛn peek ji̱ I-thɛ-rɛl,

Jɔ-cua 22:9

Ɛ jɛ inɔ, cu ji̱ dööri Rɛ-u-ben, kɛ Gad, kɛ tha̱a̱ŋ döör Ma-na-thɛ in te kä käny cäŋ ku loc cieŋ. Cukɛ duɔth ji̱ I-thɛ-rɛl ba̱ny piny kä Cilo in te ro̱o̱l Kɛ-naan kä cukɛ wä ro̱o̱liɛn rɛy rööl Gil-yad, jɛn kui̱cdiɛn ëë ci Kuoth Nhial ɛ tëm kɛ kɛ thok Muthɛ.