Jɔ-cua 2:19 - RUAC KUƆTH IN RƐL RƆ

¹⁹ Cakɔ bi tekɛ thi̱ec kɛ lia̱a̱ raam in bi kac raar dhɔɔru kä bi wä ja̱l wi̱i̱ duɔ̱pni, bi thöŋ raamɔ a duŋ wecdɛ kärɔa. Kä nɛnɛ, mi wa raan gueer kä nɛy diaal tin te cieŋdu, bi thöŋ raamɔ a duŋ wecda.

Jɔ-cua 2:19 Iomraidhean Croise

2 Tham 1:16

Kä cu Dee-bid ɛ jiök i̱, “Ɛ riɛmdu te ni wi̱i̱du, kɛ ɣöö ci rɔ lat ni kärɔa kɛ thokdu, wi̱i̱ i̱, ‘Cä kuäär in ci Kuoth Nhial ɛ kuany näk.’ ”

2 Tham 4:11

Derɛ ku lɛ tëë i̱di mi ci ram mi jiääk gua̱n cuŋni näk ni dhɔrɛ wi̱i̱ kölikɛ. Kä ɛn täämɛ cä näkdɛ bi ku col kɛ yɛ, bä yɛ cu bath wi̱i̱ muɔ̱ɔ̱n?”

1 Kua̱r 2:32

Kä bi Kuoth Nhial ɛ cu luɔ̱c riɛm in cɛ wuɔ̱th piny, a kui̱c gua̱a̱r ni Dee-bid ɛ, cɛ nɛy da̱ŋ rɛw ti gɔw ni kɛn kä jɛ näk, Ä-bi-ner gat Ner, bo̱o̱th rɛ̈m kä I-thɛ-rɛl, kɛnɛ Ä-ma-tha gat Yɛ-thɛr bo̱o̱th rɛ̈m kä Juda.

Ɣöth 12:13

Bi riɛm a nyuuth kä yɛ duëlikun tɔ̱ ciaŋɛ tɔ̱, mi wa̱a̱ riɛm wa̱a̱ nɛ̈ɛ̈nä, bä yɛ bäl, kä bia cu kään rikä li̱eth kɛ cäŋ in wa̱a̱ ji̱ I-jëp näk.

Ɣöth 12:22

Ka̱nɛ yi̱ec, cua̱thɛ jɛ riɛm in cia gam thaak. Yiɛnyɛ wi̱c thi̱ek kɛnɛ wäthni thi̱ek da̱ŋ rɛw kɛ jɛ, kä a thil ram mi käny raar thok duëëlɛ kä yɛ, amäni ruun kɛ runwaŋ.

Ɣöth 12:23

Kɛ ɣöö bi Kuoth Nhial ben bɛ ji̱ I-jëp ben näk, kä mi wëë riɛm wä nɛn wi̱i̱ thi̱ek nhial kɛnɛ wäthni thi̱ek da̱ŋ rɛw, jɛn bɛ thi̱i̱k ɛmɔ bäl, kä /cɛ nääk bi nhök ben rɛy duëlikun kɛ ɣöö bɛ yɛ ben näk.

Liib 20:11

Wut mi wä tɔ̱c kɛ ciek gua̱n, cɛ lɔc gua̱n jak kä jiäk. Ba kɛn da̱ŋ rɛw näk, kä bi riɛmdiɛn te wi̱i̱diɛn.

Liib 20:9

Kä ram mi jäny gua̱n kiɛ man ba jɛ näk. Bi riɛmdɛ te wi̱i̱dɛ.

Mɛ̈t 24:17

A ram mi te wi̱i̱ duëël nhial /ci lɛ ben piny kɛ ɣöö bɛ mi te dueelɛ ben ka̱n.

Lät Jaakni Yecu 18:6

Kä mëë ci naath ɛ lo̱k, kä kuëthkɛ jɛ, cuɛ tur bieynikɛ tɛŋ, kä cuɛ kɛ jiök i̱, “A riɛmdun te wi̱i̱dun! Thilɛ ɣä ŋu thi̱n. Ni ɛn täämɛ a wä nhiam, bä wä kä Jur.”

Lät Jaakni Yecu 20:26

Kɛ kui̱ ɛmɔ bä jɛ la̱t yɛ ɛn wa̱lɛ, ɛn ɣöö thilɛ ɣä ŋu kɛ riɛm raam ɔ bi dueerɔ.

Lät Jaakni Yecu 27:31

kä cu Puɔl kuäär lathkëëri kɛnɛ nɛɛkɛ jiök i̱, “/Ca yɛ bi kän, ɛ ni mi te wutni ti̱ti̱ rɛy murkäbä.”

Ji̱ Pi-li-pi 3:9

kɛ ɣöö dëë te rɛydɛ, ɣän thilɛ ɣä cuɔ̱ɔ̱ŋ mi rɛ̈lä, mi jëkä kɛ luth ŋuɔ̱tni, kä duundɛ ɣöö bëë kɛ ŋa̱th kɛ Kritho, jɛn ciaŋ cuŋni min bä kä Kuɔth kɛ ŋa̱th.

Ji̱ Ɣi-bɛ-ru 10:29

Kuɛ tɔ̱a̱ŋ mi jiääk mi te di ɛnɔ caarɛ mɔ i̱ ba jek ɛ nɛy tin /ca Gat Kuɔth luth, kä guɛckɛ riɛm matdä ruac ëë ca lɛy ni kɛ ce̱tkɛ mi /ciɛ mi gɔaa, kä kueth Yiëë nho̱kä Kuɔth?

Jɔ-cua 2:12

Ɛ jɛn, täämɛ kuɛ̈ɛ̈ rɔ̱ yac kɛ ciötdɛ nhiamdä ɛn ɣöö bia ɣä lät kä gɔɔy ce̱tkɛ min cä lät agɔaa kɛ yɛ, kä bia ɣä moc kɛ nyuth mi thuɔ̱k

Jɔ-cua 2:14

Kä cukɛ jɛ loc i̱, “Ɛpuc, tëkda ɛ jɛn tëkdun. Kɔn bakɔ yɛ dhil lät kä gɔɔy, mi /cia ca̱p lɔaayda ɛmɛ bi jak kä räth raar. Bakɔ yɛ dhil ciɛŋ ni ŋäcä cäŋ in bi Kuothda kɔ ka̱m mun rööl ɛmɛ.”

Jɔ-cua 2:20

Kä mi wiaa ca̱p lɔaayda ɛmɛ jak kä pal raar, bakɔ te raar rɛy matdä ruacdan in cakɔ yaac ni rɔ̱ nhiamdu.”