Jɔ-cua 18:16 - RUAC KUƆTH IN RƐL RƆ

¹⁶ Kä cu ke̱k rɔ nyɔk kɛ luŋ piny pa̱a̱m wi̱i̱ tuɔ̱ɔ̱ŋ in römkɛ rɔ̱ kɛnɛ pan cätdä I-nɔm in te paan ji̱ Rɛpa peek in lot ni kui̱c kayŋua̱a̱k, kä cuɛ lɛr piny paan I-nɔm cuɛ rɔ wä thi̱ŋ nikɛ Yɛ-buth kui̱c targɛ̈w kä cuɛ wä ni Een-ro-gel.

Jɔ-cua 18:16 Iomraidhean Croise

2 Kua̱r 23:10

Kä cuɛ To-pɛth in te rɛy lo̱o̱lä gan I-nɔm ya̱r, kɛ ɣöö thilɛ ram mi bi gatdɛ kiɛ nyadɛ lɛ wa̱ŋ kuoth Mo-lɛk.

I-ca-yaa 30:33

Ca gua̱a̱th maac rialikä nikɛ gua̱a̱th ëë ci wä. Ca rialikä kɛ kui̱ kua̱ri, ɛn pul maacdɛ ca rialikä lueŋɛ kä ɛ ɣäp ɣäp, kɛ mac mi di̱i̱t kɛ jiɛn ti ŋuan. Kä yiëë Kuɔth Nhial in ce̱tnikɛ lo̱o̱l maac, bɛ jɛ cua̱th.

Bok Go̱kä ni Yir-mɛ-yaa 32:35

Kä ci kɛn gua̱th pali ti thöp kɛ muc kuth Baal thi̱n la̱t, rɛy täpä gan I-nɔm. Kɛ ɣöö bikɛ dhɔɔl kɛnɛ nyieekiɛn thöp kuth Mo-lɛk thi̱n ɛ la muc, kä /ka̱n ruac kɛ kɛ, ɛ cäŋ ni ca̱rɛ na̱nɛ kɛ ɣä, lät kɛn jiäk ti̱ti̱ kɛ ɣöö bikɛ Juda jakä dui̱r.”

Bok Go̱kä ni Yir-mɛ-yaa 19:11

kä bi kɛ jiök i̱, ‘Nɛmɛ ɛ min laar Kuoth Nhial in la Ruey Ɣɔaa jɛ ɛn ɣöö, ɣän bä kɛn nɛy ti̱ti̱ kɛ wec ɛmɛ däk ce̱tnikɛ ram mi tiath dhaar muɔ̱ɔ̱n, mi /ca dee nyɔk kɛ do̱o̱pni. Bi kɛ naath kony kä To-pɛth amäni mi cɛ thil gua̱a̱th mi dëë raan lɛ kuɔny thi̱n.

Bok Go̱kä ni Yir-mɛ-yaa 19:6

Kɛ kui̱ ɛmɔ ci ni̱n thia̱k, tin /ca gua̱a̱th ɛmɔ bi cɔl thi̱n i̱ To-pɛth, kiɛ lo̱o̱l gatdä I-nɔm, duundɛ ɣöö ba jɛ cɔli lo̱o̱l Na̱k Nath.

Bok Go̱kä ni Yir-mɛ-yaa 19:2

kä wiaa rɛy lo̱o̱lä gatdä I-nɔm thiekä Thuɔk Tha̱lier, ɛn wi̱ni, lat ruac in cä la̱r ji̱.

2 Kuɛ̈n 33:6

Kä cuɛ gatdɛ thöp ala muc mi waŋkɛ rɛy lo̱o̱lä Ben I-nɔm. Kä tui̱thɛ kä lätdɛ muɔ̱ɔ̱t, kä wëë kä ji̱ wal kɛnɛ ji̱ kuthni. Cuɛ la̱t ni dueer ti ŋuan nhiam Kuɔth Nhial, kä cuɛ jɛ jak kä gak.

2 Kuɛ̈n 28:3

Kä cuɛ waŋ ni wal tin kuɔ̱r kuɔ̱ɔ̱r rɛy lo̱o̱lä I-nɔm, kä cuɛ thöp ni gaatkɛ ala muc mi waŋkɛ kɛ mac ce̱tkɛ duɔ̱ɔ̱p jiäkni tin la̱tkɛ ɛ do̱o̱r tëë ci Kuoth Nhial kɛ juɔc raar nhiam ji̱ I-thɛ-rɛl.

1 Kuɛ̈n 14:9

Täämɛ cu ji̱ Pi-li-thɛt ben pɛɛc lo̱o̱lä ji̱ Rɛpa.

1 Kua̱r 1:9

Kɛ cäŋ kɛl cu Ä-do-ni-yaa muc deet kɛnɛ thääk kɛ kɔa̱a̱l thöp pääm thɔ̱a̱l min te gekä waŋ Een-ro-gel, kä cuɛ gaatman diaal cɔl, gaat kua̱r, kɛ bööth Juda diaal,

2 Tham 17:17

Kä täämɛ te Jo-na-than kɛnɛ Ä-ɣi-madh lipä kä Een-ro-gel. La nya läätdä ka wä la̱r min ci tuɔ̱k, kä la kɛn a wä la̱r kuäär ni Dee-bid. Kɛ ɣöö cakɛ bi nɛn wädiɛn rɛy wec.

Ruëëc 19:10

Duundɛ ɣöö /ci wut ɛ nhɔk i̱ bɛ rɔ nyɔk kɛ ni̱en ɛn wa̱nɔ. Cuɛ rɔ jiɛc kä cuɛ jiɛɛn, kä cuɛ cop lotdä Yɛ-buth (min la Jɛ-ru-tha-lɛm). Jɛn kɛnɛ luɔmdɛ kɛ muɔ̱likɛ da̱ŋ rɛw ti ɣa̱c.

Ruëëc 1:21

Kä /ken ji̱ Ben-ya-min ji̱ Yɛ-buth tin cieŋ kä Kɛ-naan juɔc raar. Inɔ Cu ji̱ Yɛ-buth cu cieŋ kä Kɛ-naan kɛɛl kɛ ji̱ Ben-ya-min amäni walɛ.

Ruëëc 1:8

Cu ji̱ Juda nyiëëny kɛ ji̱ Jɛ-ru-tha-lɛm, kä cukɛ Jɛ-ru-tha-lɛm ka̱n, cukɛ ji̱ kɛ näk kä cua wec cua̱th kɛ mac.

Jɔ-cua 18:28

kɛ Dhelä kɛnɛ A-ɛ-lɛp kɛ Yɛ-buth in la Jɛ-ru-tha-lɛm kɛ Giba kɛnɛ Kir-yath-ya-rim. Tɔ̱tɔ̱ kɛ rɛ̈k wäl ŋuaan kɛɛl nikɛ dho̱rkiɛn. Nɛmɛ ɛ jɛn pëk ëë yiɛɛth rɔ kɛ do̱r gan Ben-ya-min gɔalikɛ.

Jɔ-cua 15:63

Täämɛ kɛ kui̱ ji̱ Yɛ-buth tin la ji̱ Jɛ-ru-tha-lɛm, /ken gaat Juda kɛ luäŋ kɛ tuk, kä cukɛ cu cieŋ kɛɛl kɛ gaat Juda kä Jɛ-ru-tha-lɛm amäni wa̱lɛ.

2 Tham 5:18

Täämɛ cu ji̱ Pi-li-thɛt rɔ̱ ben däk kä piny rɛy lo̱o̱lä ji̱ Rɛpa.