Jɔ-cua 18:12 - RUAC KUƆTH IN RƐL RƆ

¹² Kä pëk wecdiɛn in lot ni kui̱c kayŋua̱a̱k cuɛ jɛ ka̱n ni kä Jɔr-dɛn, kä cuɛ rɔ wä thi̱eŋ ni kui̱c caam Jɛ-ri-ko, kä cuɛ jɛ löth kɛ rɛy rööl päämni kui̱c in lot ni kony cäŋ kä cu këthnikɛ rɔ̱ ben pi̱em ni däär dɔaar kä Beth-a-wɛn.

Jɔ-cua 18:12 Iomraidhean Croise

Ɣocä 10:5

Kä nɛy diaal tin cieŋ kä Tha-mɛ-ria dualkɛ kɛ kui̱ ruaath Beth-a-wɛn, kɛ jɛ bi lo̱ckiɛn jiath. Kä bi bööthkɛ tin jiäk cu wiee kɛ kui̱dɛ, kä bikɛ wiee kɛ kui̱ wutdä min ci jiɛn kä jɛ.

Ɣocä 4:15

/Cuarɛ Juda lɛn buath dui̱rä yɛn ji̱ I-thɛ-rɛl kɛ leerun. Kä /cuarɛ wä kä Gil-gal, kiɛ Beth-a-wɛn kä /cuarɛ rɔ yac i̱, “Ce̱tkɛ mɔ te Kuoth Nhial ɔ.”

Ɣocä 5:8

Kuɔth ɛ kaaŋ köör kä Giba, kɛnɛ Rama. Kökɛ ko̱r kä Beth-a-wɛn, kä wër köör ji̱n Ben-ya-min!

Jɔ-cua 16:1

Täämɛ cu guɔk muɔ̱ɔ̱n rööl in yiɛɛth rɔ kɛ gaat Jo-thɛp jiɛn ni kä Jɔr-dɛn, gekä Jɛ-ri-ko wä amäni gua̱a̱th mi cɔal i̱ löli Jɛ-ri-ko kä käny cäŋ kä cuɛ jɛ lɔath ni kui̱c in wee ni däär dɔaar in jiɛɛy rɔ ni kä Jɛ-ri-ko wëë yiath ni rɛɛk päämni in cɔal i̱ Beth-ɛl.

Jɔ-cua 18:11

Kä cu gaak döör gan Ben-ya-min nikɛ gɔalkiɛn pɛ̈ɛ̈n, kä cu wecdiɛn te kamä rööl gan Juda kɛnɛ ro̱l gan Jo-thɛp.

Jɔ-cua 2:1

Ɛ jɛn, cu Jɔ-cua gat Nun nɛy da̱ŋ rɛw ti lieem ku ja̱k kɛ tɛ̱̈ɛ̱̈ ni kä Ci-tim kä cuɛ kɛ jiök i̱, “Wiaa kä carɛ rɛy rööl kɛɛliw, kä a di̱t ni rɛk Jɛ-ri-ko.” Cukɛ ku wä, kä mëë cikɛ cop rɛɛk, cua wä jac ni dhɔr ciek mi riär mi cɔal i̱ Ra-ɣab.

Jɔ-cua 3:16

cu pi̱w tin lo̱ny nhial rɔ̱ ka̱p cuɔ̱ŋ, cukɛ rɔ̱ luth guäth kɛl ni nɔ̱nä kä A-dam, wec in te gekä Dha-rɛ-than. Kä cu tha̱a̱ŋ pi̱i̱ni lo̱ny baar Ä-ra-ba min la Bar in Wac guäth in cu pi̱ diaal ŋuɔɔk. Kä cu naath jiɛth kui̱c lotdä Jɛ-ri-ko.

Jɔ-cua 6:1

Täämɛ cua Jɛ-ri-ko thuk pa̱nynikɛ diaal lɛk kä thi̱n ni bum kɛ kui̱ gan I-thɛ-rɛl, kä thilɛ ram mi nhökɛ coth rɛc kiɛ kac raar.

Jɔ-cua 7:2

Täämɛ cu Jɔ-cua naath ja̱k ni kä Jɛ-ri-ko kɛ ɣöö bikɛ wä rɛɛk mi cɔal i̱ Aay mi thie̱e̱k kɛ dhɔr mi cɔal i̱ Beth-a-wɛn mi te kui̱c käny cäŋ rɛ̈ɛ̈k in cɔal i̱ Beth-ɛl, kä cuɛ kɛ jiök i̱, “Wiaa liɛmɛ pëk wec ɛmɔ.” Cukɛ wä kä cukɛ rɛydɛ wä lim.

Jɔ-cua 8:15

Kä cu Jɔ-cua kɛnɛ ji̱ I-thɛ-rɛl diaal rɔ̱ bar kɛ ca̱p ala nɛy ti ca buɔ̱k, kä cukɛ rɔ̱ bar kɛ duɔ̱ɔ̱p in wä däär paan.

1 Tham 13:5

Kä cu ji̱ Pi-li-thɛt rɔ dol kɛ ɣöö bikɛ nyiëëny kɛ I-thɛ-rɛl, thurbiɛɛli ti bathdɔɔri ti jiɛɛn diɔ̱k, kɛ jiöŋkööri ti bathdɔɔri bäkɛl, kɛ rɛm mi di̱i̱t ce̱tdɛ nikɛ liɛt yiëër kɛ ŋuan. Cukɛ ben pua̱t kä Mik-mac, nhiam ɣɔaa kä Beth-a-wɛn.