Jɔ-cua 12:2 - RUAC KUƆTH IN RƐL RƆ

² Kɛn kua̱r tɔ̱tɔ̱ ciöötkiɛn tin. Kɛl ɛ Thi-yon kuäär ji̱ Ɛ-mor ëë ciɛɛŋ ni Ɛc-bon. Jɛn ruaacɛ ni pëk rööl in lɔthɛ ni kä Ä-ro-er in te peek tuɔ̱ɔ̱ŋ paan Ar-non kɛnɛ där paan ɛmɔ wëë yiath ni yie̱e̱r Ya-bɔk ke̱th gan A-mon. Mɛmɛ ɛ pëk wec kä Gil-yad.

Jɔ-cua 12:2 Iomraidhean Croise

Tuk Cäkä Ɣɔaa 32:22

Ni kɛ jɛn wäär ɛmɔ pa̱ny cu Je-kɔb rɔ jiɛc kɛnɛ mänkɛ kɛ kuaany määnkɛ da̱ŋ rɛw kɛ gaatkɛ da̱ŋ wäl wi̱cdiɛn kɛl. Cuɛ jiɛth kɛ thok waath Ya-bɔk.

1 Kuɛ̈n 5:8

kɛ Bɛlä gat A-dhadh gat Cɛmä gat Yo-el mëë cieŋ kä Ä-ro-er a räth nikä Nɛbo kɛnɛ Baal-me-on.

Nɛ-ɣɛm-yaa 9:22

Curi kɛ jak kä ka̱nkɛ kuääri kɛnɛ döör, curikɛ jak kä ka̱nkɛ muɔ̱n tin thieek kɛ kɛ. Kä cukɛ mun Thi-yon kuäär Ɛc-bon kɛnɛ mun Ög kuäär Ba-can ka̱n.

Diit 135:11

Thi-yon kuäär Ɛ-mor, kɛnɛ Ög kuäär Ba-can, kɛ kuäär Kɛ-naan kɛɛliw,

Bok Go̱kä ni Yir-mɛ-yaa 48:19

Cuɔ̱ŋɛ gëëkni duɔ̱pni kä guecɛ, lö ji̱ Ä-ro-er! Thiëcɛ wut ɛ bar rɔ mɔ kɛnɛ ciek ɛ leny rɔ mɔ, thiëcɛ kɛ i̱, ‘Ɛŋu mi ci tuɔɔk?’

Ŋuɔ̱t 1:4

Kä kɛ kɔr kä mëë cɛ Thi-yon joc kuäär ji̱ Ɛ-mor mëë cieŋ kä Ɛc-bon, kɛnɛ Ög kuäär Ba-can min cieŋ kä Ac-ta-roth kɛnɛ Ɛ-dhɛ-ri.

Ruëëc 11:13

Cu kuäär ji̱ Am-on Yɛp-ta loc i̱, “Ɛ ɣöö mëë bä ji̱ I-thɛ-rɛl kä I-jëp cikɛ mundä ka̱n, ni kä Ar-non kɛnɛ Ya-bɔk a wä ni kä Jɔr-dɛn. Ɛn täämɛ luc ni jɛ ɣä malä.”

Ruëëc 11:22

Cukɛ wi̱i̱ ji̱ Ɛ-mor diaal ciɛŋ, känɛ jɛ ni kä Ar-non a wä kä Ya-bɔk, a lɛnɛ ka̱n ni därdɔaar a wä ni kä Jɔr-dɛn.