Jɔ-cua 11:21 - RUAC KUƆTH IN RƐL RƆ

²¹ Ɛ jɛ inɔ, cu Jɔ-cua ku ben kä cuɛ ji̱ Ä-nak ben töl raar röli päämnikiɛn, kä Ɣɛb-ron, kɛ Dɛ-bir, kɛ Ä-nab, kɛnɛ röl päämni Juda diaal amäni wi̱c päämni I-thɛ-rɛl diaal. Cu Jɔ-cua kɛ nor kɛɛl amäni rɛ̈kiɛn.

Jɔ-cua 11:21 Iomraidhean Croise

Bok Go̱kä ni Yir-mɛ-yaa 3:23

Kä ɛ puc wi̱c pa̱a̱m thilɛ luäk mi te thi̱n, te ni lät ti jiäk thi̱n. Kä ɛ puc ka̱n I-thɛ-rɛl ɛ Kuoth Nhial min la Kuothda.”

Bok Go̱kä ni Yir-mɛ-yaa 9:23

Kä cu Kuoth Nhial wee i̱, “Ɛ ram mi pɛl pɛl /ci rɔ liak kɛ pɛlɛ, kä ɛ ram mi bum /ci rɔ liak kɛ buɔ̱mdɛ, kä ɛ ram mi riäŋ riäŋ /ci rɔ liak kɛ ria̱ŋdɛ.

A-mɔth 2:9

“Kä cua ji̱ Ɛ-mor lɛni näk nhiamdiɛn, nɛy tëë päär bäriɛn nikɛ bär ŋuër, kä ce̱t buɔ̱mdiɛn nikɛ buɔ̱m jiaath gilä. Kä cua kɛ däk ni ciökni amäni karkiɛn.

Kuen 13:33

Ɛn wani ca̱kɔ Nɛ-pɛ-lim gat Ä-nak raan Nɛ-pɛ-lim nɛn, wäŋnikɔ cua̱ kɔ ce̱tnikɛ rak, inɔ cua̱ kɔ ce̱tkɛ rak waaŋdiɛn bä.”

Ŋuɔ̱t 1:28

Ɛ winith kua̱kɔ lɛ wä thi̱n ɔ? Kä gaat mari ca lo̱ckɔ jak kä bath laar kɛn ɛ i̱, ‘Kɛ nɛy ti ba̱r ba̱a̱r kä bumkɛ kä kɔn. Kä tekɛ kɛ ti̱ec ti buɔ̱m buɔ̱ɔ̱m ti räth ni puɔ̱rä. Kä cakɔ gaat ji̱ Ä-nak nɛn ɛn wi̱ni.’

Ŋuɔ̱t 2:21

kɛ nɛy ti bum kä ŋuan, kä bärkɛ ce̱tkɛ ji̱ Ä-nak duundɛ ɣöö cu Kuoth Nhial kɛ däk nhiamdiɛn. Kä cukɛ wecdiɛn ciɛŋ ti̱eckiɛn.

Ŋuɔ̱t 9:2

Kɛ nɛy ti di̱t ti ba̱r ba̱a̱r, ce̱t ta̱a̱diɛn kɛ gaat Ä-nak tin ŋa̱c ɛ, kä cia liŋ lar kɛ jɛ i̱, ‘Ɛŋa mi dëë cuɔ̱ŋ nhiam gan Ä-nak?’

Jɔ-cua 10:42

Kä cu Jɔ-cua kua̱r ti̱ti̱ diaal käp wi̱cdiɛn kɛ gua̱a̱th kɛl, kɛ ɣöö ci Kuoth Nhial ni Kuoth ji̱ I-thɛ-rɛl nɛɛkɛ lua̱k thi̱n.

Nyuuth 6:2

Kä cua guic, kä nɛnɛ, tëëkɛ jio̱k tuɔ̱ruɔ̱k mi bo̱r, kä te ram in kɔt jɛ kɛ bäär. Kä cua jɛ ka̱m kum kuäärä, kä cuɛ ben raar ala tieem, kɛ ɣöö bɛ tiëm.

Ruëëc 1:20

Kä Ɣɛb-ron ca ka̱m Ka-leb, ce̱tnikɛ ruac Muthɛ. Kä cuɛ kuay Ä-nak da̱ŋ diɔ̱k juɔc raar thi̱n.