Jɔ-cua 11:12 - RUAC KUƆTH IN RƐL RƆ

¹² Kä cuɛ rɛ̈k kua̱ri ti̱ti̱ diaal amäni kua̱rkiɛn kɛɛl tiam kä cuɛ kɛ näk kɛn diaal. Cuɛ kɛ nor nikɛ mëë ci Kuoth Nhial ɛ la̱r jɛ kɛ thok kuanyädɛ ni Muthɛ.

Jɔ-cua 11:12 Iomraidhean Croise

Ŋuɔ̱t 7:2

mi wä Kuoth Nhial Kuothdun kɛ wä ka̱m yɛ. Da̱kɛ kɛ a thil pälikä, kä /cuarɛ guk lät kɛ kɛ.

Ŋuɔ̱t 9:3

Kä ŋa̱cɛ jɛ niɛ walɛ, mi wëë tekɛ mac mi wä kɛ nhiamdun, ɛ Kuoth Nhial Kuothdun. Bɛ kɛ däk nhiamdun, biakɛ joc kä bia kɛ däk kɛ pɛ̈th, ce̱tkɛ min ci Kuoth Nhial ɛ guɔ̱k yɛ.

Jɔ-cua 10:20

Kä ɛ jɛn, mëë ci Jɔ-cua kɛnɛ gaat I-thɛ-rɛl ku thuɔ̱k näkdiɛn kɛ ti̱em mi di̱i̱t kɛ kɔr kä mëë cikɛ kɛ näk ɛ, cu tin tɔt tin ci kään rɔ̱ yuɔt rɛ̈knikiɛn.

Jɔ-cua 10:28

Ɛ jɛn, ɛn cäŋ ɛmɔ pa̱ny cu Jɔ-cua Ma-ke-da käp kä cuɛ jɛ däk kɛɛl amäni kuäärɛ kɛ mut. Kɛn nɛy diaal tëë te wi̱c cuɛ kɛ näk a thil rue̱y. Inɔ, cuɛ kuäär Ma-ke-da lät kä mëë cɛ lät kä kuäär Jɛ-ri-ko.

Jɔ-cua 10:30

Ɛn rɛk ɛmɛ bä cu Kuoth Nhial ɛ lɛni ka̱m gaat I-thɛ-rɛl, kä cukɛ jɛ tiam amäni kuäärɛ. Cukɛ jɛ däk kɛ mutdiɛn a cu rɛydiɛn thil rue̱y ran. Kä cu Jɔ-cua kuäär rɛ̈ɛ̈k ɛmɔ la̱t kɛ le̱e̱l kua̱r rɛ̈ɛ̈k Jɛ-ri-ko.

Jɔ-cua 10:32

Kä cu Kuoth Nhial ɛ thöp kɛ bäkɛ cäŋ in rɛwdɛ, kä cukɛ jɛ däk kɛ mutdiɛn kä cukɛ ji̱kɛ diaal la̱t ce̱tnikɛ duŋ Lib-na.

Jɔ-cua 10:35

Kä ɛn cäŋ ɛmɔ cukɛ jɛ ka̱n, kä cukɛ jɛ däk kɛ mutdiɛn kä cuɛ nɛy diaal tëë te rɛydɛ nor ɛn cäŋ ɔ ce̱tnikɛ mëë cɛ lät kä La-kic.

Jɔ-cua 10:37

kä cukɛ jɛ ka̱n ɛn cäŋ ɔ, kä cukɛ jɛ däk kɛ mutdiɛn, cukɛ jɛ nor kɛnɛ kuäärɛ kɛ dho̱r diaal tin te thi̱n amäni ji̱kɛ diaal. Thilɛ ram mi cu duɔth thi̱n. Cuɛ ce̱tnikɛ mëë lätdɛ kä Ɛg-lɔn mëë cuɛ nor amäni ji̱kɛ diaal.

Jɔ-cua 11:13

Cuɛ rɛ̈k diaal tëë cuŋ wuɔ̱thni biɛɛni päl ɛ ni Ɣa-dhor kärɔa ɛ nëë cuɛ cua̱th.

Jɔ-cua 11:15

Tëë diaal tëë ci Kuoth Nhial kɛ la̱t kuanydɛ ni Muthɛ, cu Muthɛ kɛ lɛni la̱th ji̱th Jɔ-cua, kä Jɔ-cua puɔ̱nydɛ cuɛ kɛ liŋ. Cuɛ tëë diaal tëë ca gik kä Muthɛ ɛ Kuoth Nhial la̱t nikɛ ta̱a̱ in görkɛ ɛ Kuoth.

Jɔ-cua 13:6

“Kä kɛn tin cieŋ wi̱i̱ pääm kä Lɛ-ba-nɔn a wä kä Mith-rɛ-poth-ma-yim, amäni kɛn ji̱ Dhi-don diaal. Ɛ ni ɣän puɔ̱nydä bikɛ joc ɔ nhiam gan I-thɛ-rɛl. Kä täämɛ nikɛ ruacdä, bi mun rööl ɛmɛ däk kä gaat I-thɛ-rɛl kɛ gaak ɛ ba duundiɛn.

Jɔ-cua 21:44

Kä cu Kuoth Nhial kɛ jak kä nyuur malä nikɛ pëk ëë cɛ mua̱th gua̱ndɔɔŋnikiɛn. Kä cuɛ thil ram kɛl kä ji̱ tɛ̈riɛn diaal mi cu kɛ tiam kɛ ɣöö ci Kuoth Nhial ji̱ I-thɛ-rɛl ka̱m puɔ̱t ji̱ tɛ̈riɛn.

Jɔ-cua 8:31

ce̱tnikɛ mëë ci Muthɛ in la kuany Kuɔth Nhial ɛ la̱r gaat I-thɛ-rɛl i̱ ba la̱t, ce̱tnikɛ min ca gɔ̱r rɛy Buɔk Ŋuɔ̱tni Muthɛ i̱, “Yi̱k mi ca täth kɛ pääm ti /ka̱n kuac kä /ka̱n jɔp kɛ yieeth.” Kä cukɛ muc ti waaŋ thöp Kuoth Nhial wi̱i̱dɛ, kä cukɛ jɛ nääk kä ɣɔ̱k ti muc kɛ kui̱ miɛth nyuaakädiɛn.

Jɔ-cua 8:8

Mi wiaa rɛk ku ka̱n, kuɛ̈ɛ̈ jɛ cua̱th nikɛ ruac ëë ci Kuoth Nhial ɛ lat. Yɛn liɛŋɛ laat ɛ tɔ̱ agɔaa.”

Jɔ-cua 9:24

Cukɛ jɛ loc i̱, “Cakɔ nɛmɛ cäp, kuäär, kɛ ɣöö cakɔ liŋ kɛ thuɔ̱k ɛn ɣöö ci Kuothdun ni Kuoth Nhial kuanydɛ ni Muthɛ la̱t laat kɛ ɣöö bɛ yɛ ka̱m ro̱l ɛmɛ ni kɛɛliwdɛ, kä bia ji̱kɛ diaal näk cothädun thi̱n. Kɛ kui̱ ɛmɔ cakɔ cu dual kɛ rɔ̱ kɛ kui̱dun, kä cakɔ jɛ cu la̱t.