Jɔ-cua 10:11 - RUAC KUƆTH IN RƐL RƆ

¹¹ Kä ɛn guäth in barkɛ ni rɔ̱ kä ji̱ I-thɛ-rɛl min luɔ̱ŋkɛ rɔ̱ piny wi̱i̱ pa̱a̱m kä Beth-o-ron, cu Kuoth Nhial kɛ bök ni nhial kɛ guiy nhial kä cu guiy kɛ na̱k lɛɛr amäni Ä-dhe-ka. Kä cu ŋuan ni nɛy tin ci guiy kɛ thöŋ kä tin ci ji̱ I-thɛ-rɛl kɛ näk kɛ yio̱w.

Jɔ-cua 10:11 Iomraidhean Croise

Tuk Cäkä Ɣɔaa 19:24

Kä cu Kuoth Nhial macdɛ mi bëë ni nhial wuɔc wi̱c Thɔ-dɔm kɛnɛ Go-mo-ra.

2 Tham 18:8

Kä cu ko̱r däk rɛy cieŋ kɛɛliw. Kä cu ŋuan ni nɛy tin li̱w rɛy ruɔ̱p, kä nɛy tin ca näk ko̱o̱r ɛn cäŋ ëë.

I-yob 38:22

“Kä ji̱n ŋäci gua̱a̱th in la tɔ̱a̱wkɛ thäc thi̱n, kiɛ ŋäci gua̱a̱th in la cieŋ pi̱ nhial thi̱n?

I-yob 38:23

Tin cä tɛ̱̈ɛ̱̈ kɛ kui̱c gua̱th in bi ɣɔw tekɛ rik, kɛ cäŋ ko̱o̱ri wec muɔ̱ɔ̱n.

Diit 11:6

Bɛ ji̱ nyuɔɔni jäk kä mac miim mi ci bo̱o̱l, kä bɛ ka̱m nikɛ jiɔam ka̱lwa̱w.

Diit 147:17

Kä cuɛ nhiaal guiiyni yuɔr piny ce̱tnikɛ dööl, kä ɛŋa mi dëë kɔ̱c in cɛ ja̱k luäŋ kɛ ruɔ̱t?

I-ca-yaa 28:2

Kä nɛnɛ, Kuäär tëë kɛ ram mi bum, ce̱tdɛ nikɛ ruɔth kɛnɛ jiɔam mi bum, ce̱tdɛ nikɛ nyɔc mi cään, bɛ wec ɛmɔ kuɛr ni piny.

I-ca-yaa 28:21

Kɛ ɣöö bi Kuoth Nhial rɔ jiɛc ce̱tkɛ mëë cɛ rɔ jiɛc wi̱i̱ Pa̱a̱m Pɛ-ra-dhim, bɛ rɔ kap nhial ce̱tkɛ mëë cɛ la̱t lo̱o̱lä Gib-yon, kɛ ɣöö bɛ lätkɛ tin ga̱ykɛ naath la̱t! Kä bɛ lätkɛ tin kueckɛ la̱t!

I-ca-yaa 30:30

Ɛn Kuoth Nhial bɛ naath jak kä liɛŋkɛ jɔwdɛ min bum, kä bikɛ rɛmdɛ nɛn bëë piny kɛ ŋɛ̈ɛ̈ny mi di̱i̱t kɛnɛ mac mi waaŋ ŋɔak, kɛ wuɔ̱n mi ma̱a̱r kä tëë kɛ nhiaal guiiyni.

Yɛdh 13:11

Kua jɛ la̱r kɛn go̱o̱k tin rɔathkɛ päny kɛ töc ɛn ɣöö bi päny ɛmɛ tɛɛth. Ɣän Kuoth bä nhiaal mi di̱i̱t jakä dɛm kä bä nhiaal guiiyni jakä pɛn puɔ̱ɔ̱ny pa̱a̱ny, kä bä jiɔam mi di̱i̱t jakä put kɛ kui̱dɛ.

Ŋuɔ̱t 20:4

Kɛ ɣöö Kuoth Nhial Kuothdun wee kɛɛl kɛ yɛ, bɛ ko̱run wä tɛr kɛ gua̱n tɛ̈run, kä bɛ yɛ ka̱m jucdiɛn.’

Nyuuth 11:19

Kä cua luaak Kuɔth in te nhial lɛp, kä cua thanduk matdä ruac Kuɔth nɛn rɛy luaakdɛ. Kä cuɛ tekɛ yiel kɛnɛ wuɔ̱w mi di̱i̱t, kɛ ma̱a̱r kɛnɛ lath piɛny, kɛ nhiaal guiyni mi di̱i̱t.

Nyuuth 16:21

Kä cuɛ tekɛ nhiaal guiyni ti di̱t ti ce̱t thiakdiɛn kɛ ki̱lu gɛrɛ̈mni ti jiɛn dhieec, cukɛ pɛn kä naath, amäni mëë wäkɛ Kuoth kuëth kɛ kui̱ rikä nhiaal guiyni, kɛ ɣöö ɛ riɛk guiyni mi jiääk.

Ruëëc 5:20

Kä cu Kuoth nhiaal jak kä dɛm, nyieenyɛ kɛ Ci-cɛ-ra.