Jɔ-cua 1:7 - RUAC KUƆTH IN RƐL RƆ

⁷ A bum ni ji̱n, kä /cu dual kä ŋäcni jɛ ɛn ɣöö bi ŋuɔ̱t diaal la̱t ce̱tnikɛ mëë ca kɛ la̱t ji̱ ɛ kuanydä ni Muthɛ. Kä /cu tekɛ mi bi wäny kiɛ bi guäc rɛy kä tin diaal tin cɛ la̱t ji̱, kɛ ɣöö deri cu ja̱l kɛ cio̱o̱k mi gɔaa gua̱thni diaal.

Jɔ-cua 1:7 Iomraidhean Croise

1 Kua̱r 2:2

“Ci gua̱a̱th li̱thdä cop. Bum rɔ kä cieŋni ce̱tkɛ wut,

1 Kua̱r 2:3

Kä tit tin ci Kuoth Nhial Kuothdu kɛ la̱t ji̱, tit dupkɛ kɛnɛ ŋuɔ̱tkɛ, kɛ luëëkɛ, ce̱tkɛ min ca gɔ̱r kä ŋuɔ̱t Muthɛ, kɛ ɣöö bi gɔaa kä ti diaal tin bi la̱t kɛnɛ gua̱a̱th ɛ bi wä thi̱n ɔ.

2 Kua̱r 22:2

Kä cuɛ la̱t ni gɔy nhiam Kuɔth Nhial, kä cuɛ guɔ̱ɔ̱r ni dup gua̱n diaal ni Dee-bid, kä /kenɛ rɔ ri̱t kɔɔr Kuoth.

1 Kuɛ̈n 22:13

Kä bi nyinku gɔw, mi wi̱i̱ ŋuɔ̱t tëë cɛ la̱t Muthɛ kɛ kui̱ I-thɛ-rɛl tit agɔaa. Bumni, kä com rɔ cu dual kä cu rɔ luär.

2 Kuɛ̈n 15:7

Kä yɛn, buɔ̱mɛ /cuarɛ rɔ luär, kɛ ɣöö ba yɛ cuɔ̱l la̱tdun.”

2 Kuɛ̈n 26:5

Kä cuɛ Kuoth Nhial pal kɛ ni̱n Dhɛ-kar-yaa mëë nyuth jɛ ɣöö bɛ Kuoth luɔ̱th. Kä mɔ cɛ Kuoth Nhial thiec ɔ, la Kuoth Nhial jɛ a jak kä bum.

I-yob 1:8

Kä cu Kuoth Nhial jɛ jiök i̱, “Ji̱n ŋäc i̱ ja̱ŋdä ni I-yob, kɛ ɣöö thilɛ ram mi päär kɛ jɛ rɛy ɣɔaa? Thilɛ jɛ bɛ̈ɛ̈l, kä ɛ gua̱n cuŋni, mi luthä Kuoth kä lo̱k jiäk.”

Diit 80:19

Luucnikɔ jɔk lö Kuoth in la Ruey Ɣɔaa, nyuthnikɔ gɔɔydu, dɔ̱ŋ bakɔ kään.

Ruac Pɛli 4:27

Kä /cu rɔ ri̱t cuëëc kiɛ caam. Kä tit rɔ kä jiäk.

Ruac Pɛli 8:20

Ɣän ja̱a̱lä ni duɔ̱ɔ̱p cuŋni kɛnɛ dup thuɔ̱ɔ̱kni.

Bok Go̱kä ni Da-ni-yel 10:19

Kä cuɛ ɣä jiök i̱, “/Cu dual ji̱n ram in nhɔakɛ ɛlɔ̱ŋ, ca ji̱ kän. Bumni kä bum lɔcdu!” Mëë cɛ ruac kɛ ɣä cua̱ tekɛ buɔ̱m, kä cua̱ jɛ jio̱k i̱, “Ruacni lö Kuäärä, kɛ ɣöö ci ɣä jakä bum.”

Kuen 27:23

kä cuɛ tetdɛ la̱th wi̱i̱dɛ, kä cuɛ jɛ ka̱m ruec ce̱tkɛ min ci Kuoth Nhial ɛ la̱r jɛ.

Ŋuɔ̱t 11:8

“Läthni luëëk ti ka̱mä ji̱ ti ɛn walɛ lɔcdu. Dɔ̱ɔ̱ bia tekɛ buɔ̱m mi bia wä kän ni mun in bia wä ciëŋ thi̱n, kui̱ Jɔr-dɛn.

Ŋuɔ̱t 12:32

“Kä tin diaal tin cä la̱t yɛ tiɛtdɛ la̱tdiɛn, /cuarɛ kɛ rep kɛ duɔ̱ɔ̱r kä /cuarɛ duɔ̱ɔ̱r käm raar thi̱n.”

Ŋuɔ̱t 28:14

Kä thilɛ riet kɛl mi cia päl kä rieet ti cä la̱t yɛ ti walɛ, kɛ ɣöö /cia guɔ̱ɔ̱r ni kuth kɔ̱kiɛn.”

Ŋuɔ̱t 29:8

Cu kɔn mundiɛn ka̱n, kä cuanɛ ka̱m ji̱ Rɛ-u-ben kɛnɛ ji̱ Gad, kɛ tha̱a̱ŋ ji̱ Ma-na-thɛ.

Ŋuɔ̱t 29:9

Kɛ kui̱ ɛmɔ tiɛtdɛ la̱t rieetni gukä ɛmɛ, bia cu gɔaa kä tin diaal tin la̱tdɛ.

Ŋuɔ̱t 31:7

Ɛ jɛn cu Muthɛ Jɔ-cua cɔl, kä cuɛ jɛ jiök nhiam ji̱ I-thɛ-rɛl diaal i̱, “Bumni kä com rɔ. Kɛ ɣöö bi wä kɛ nɛy ti̱ti̱ muun in ci Kuoth Nhial ɛ la̱r gua̱ni i̱ bɛ ka̱mkɛ. Bikɛ jak kä ciaŋ kɛ jɛ.

Ŋuɔ̱t 4:2

/Cuarɛ riet ëë cä luëëkni yɛ rep, kä /cuarɛ duɔ̱ɔ̱r woc thi̱n. Tiɛtdɛ luëëk Kuɔth Nhial Kuothdun tëë cä luëëk yɛ.

Ŋuɔ̱t 5:32

“Kä tiɛtdɛ jɛ yɛn ɛn ɣöö bia kɛ la̱t ce̱tnikɛ min ci Kuoth Nhial Kuothdun ɛ la̱r yɛ. /Cuarɛ rɔ cak riet caam kiɛ cuëëc.

Jɔ-cua 1:1

Kɛ kɔr liɛth kuanyä Kuɔth Nhial ni Muthɛ, cu Kuoth Nhial ruac kɛ gat wutdä mi cɔal i̱ Nun ni Jɔ-cua mëë mɔ läät Muthɛ, kä cuɛ jɛ jiök i̱,

Jɔ-cua 1:8

Ɛn warɛgak ŋuɔ̱tni ɛmɛ a /ci luɛ̈ɛ̈r thokdu, kä la car rɛydɛ kɛ cäŋ kɛnɛ wäär, kɛ ɣöö bi la tiidi ni tin diaal tin ca gɔ̱a̱r rɛydɛ. Kɛ kui̱ ɛmɔ dëë lätku cu cuɔ̱ŋ.

Jɔ-cua 1:9

Ɛ niɛ min cä la̱r ji̱ i̱ kämni lɔcdu buɔ̱m, kä /cu bath, kɛ ɣöö bä te kɛɛl kɛ ji̱ gua̱thni diaal ɣän Kuothdu ni Kuoth Nhial.”

Jɔ-cua 11:15

Tëë diaal tëë ci Kuoth Nhial kɛ la̱t kuanydɛ ni Muthɛ, cu Muthɛ kɛ lɛni la̱th ji̱th Jɔ-cua, kä Jɔ-cua puɔ̱nydɛ cuɛ kɛ liŋ. Cuɛ tëë diaal tëë ca gik kä Muthɛ ɛ Kuoth Nhial la̱t nikɛ ta̱a̱ in görkɛ ɛ Kuoth.

Jɔ-cua 23:6

Kɛ kui̱ ɛmɔ, tiɛtdɛ jɛ ɛn ɣöö bia ŋɔak diaal tin ca gɔ̱a̱r rɛy buɔk ŋuɔ̱tni Muthɛ luɔ̱th, a thilɛ mi bia ciɛc jɔ̱ɔ̱r rɛydiɛn.