Jɔ-cua 1:6 - RUAC KUƆTH IN RƐL RƆ

⁶ A bum ni ji̱n, kä /cu dual kɛ ɣöö bi nɛy ɛ ti böth muun ëë cä guɔ̱k gua̱ndɔɔŋnikiɛn i̱ bi a duundiɛn.

Jɔ-cua 1:6 Iomraidhean Croise

Tuk Cäkä Ɣɔaa 12:7

Ɛ jɛn cu Kuoth Nhial rɔ cu nyuɔ̱th Ab-ram kä cuɛ jɛ jiök i̱, “Bä wec ɛmɛ ka̱m kuayku.” Inɔ cu Ab-ram Kuoth Nhial in ci rɔ nyuɔ̱th jɛ ta̱th yi̱k.

Tuk Cäkä Ɣɔaa 26:3

Bi li̱ep thi̱n kam ɔ lɛɛr ɔ, kä bä te kɛɛl kɛ ji̱, kä bi̱i̱ poth, kɛ ɣöö ɣän bä wi̱i̱ ti̱ti̱ diaal ka̱m ji̱ yɛnɛ kuayku, kä bä guk ëë cä la̱t guur ni A-bɛ-ram cu jak kä thuɔ̱k.

2 Tham 10:12

Cuɔmɛ rɔ̱ agɔaa, kä buɔ̱mnɛ rɔ̱ kɛ kui̱ nɛɛni kɔn, kɛnɛ kui̱ wec Kuɔthdan. Kä bi Kuoth Nhial la̱t ni min gɔaa kɛ jɛ.”

1 Kua̱r 2:2

“Ci gua̱a̱th li̱thdä cop. Bum rɔ kä cieŋni ce̱tkɛ wut,

1 Kuɛ̈n 22:13

Kä bi nyinku gɔw, mi wi̱i̱ ŋuɔ̱t tëë cɛ la̱t Muthɛ kɛ kui̱ I-thɛ-rɛl tit agɔaa. Bumni, kä com rɔ cu dual kä cu rɔ luär.

1 Kuɛ̈n 28:10

Kä ɛn täämɛ titdɛ ɛn ɣöö ci Kuoth Nhial ji̱ kuany kɛ ɣöö bi luaakdɛ mi rɛl rɔ la̱t. Bumni, kä lät ni jɛ.”

1 Kuɛ̈n 28:20

Kä cuɛ gatdɛ ni Thɔ-lo-mon jiök i̱, “Bumni, kä com rɔ, lätni luak. /Cu dual, kä /cu rɔ luär, kɛ ɣöö te Kuoth Nhial min la Kuothdä kɛɛl kɛ ji̱. /Cɛ ji̱ bi jak kä pɛn kä /cɛ ji̱ bi pa̱l ruëëc, amäni mi ci ta̱th luaak Kuɔth Nhial thuɔ̱k.

2 Kuɛ̈n 15:7

Kä yɛn, buɔ̱mɛ /cuarɛ rɔ luär, kɛ ɣöö ba yɛ cuɔ̱l la̱tdun.”

2 Kuɛ̈n 20:11

Kä nɛnkɛ täämɛ kɛn cuɔ̱l kɛ jɛ nɛy ti, ba nɛy ben tuk muun ëë ci ka̱m kɔ ala duŋda.

2 Kuɛ̈n 20:7

Kä Kuothda, ɛ ji̱n ɛ nëë jooc ji̱ wec nhiam nɛɛniku ni ji̱ I-thɛ-rɛl, kä curi jɛ ka̱m gaat mäthdu ni A-bɛ-ram amäni cäŋ kɛl.

Diit 27:14

Lip ni luäk Kuɔth Nhial, bum rɔ a lɔcdu /ci bath, lip ni luäk Kuɔth Nhial!

Bok Go̱kä ni Da-ni-yel 10:19

Kä cuɛ ɣä jiök i̱, “/Cu dual ji̱n ram in nhɔakɛ ɛlɔ̱ŋ, ca ji̱ kän. Bumni kä bum lɔcdu!” Mëë cɛ ruac kɛ ɣä cua̱ tekɛ buɔ̱m, kä cua̱ jɛ jio̱k i̱, “Ruacni lö Kuäärä, kɛ ɣöö ci ɣä jakä bum.”

Bok Go̱kä ni Ɣa-gay 2:4

Kä täämɛ, cu lɛ dual, lö Dhɛ-ru-ba-bɛl ci Kuoth Nhial ɛ lar, kä bum lɔcdu, lö Jɔ-cua gat Yɛ-ɣo-dha-dak bööth palä in di̱t, kä yɛn ji̱ wec diaal a lo̱ckun bum, kä la̱tdɛ kɛ ɣöö ɣän ta̱a̱ kɛɛl kɛ yɛ, lar ɛ Kuoth Nhial in la Ruey Ɣɔaa,

Dhɛk 8:9

Kä cu Kuoth Nhial in la Ruey Ɣɔaa wee i̱, “Buɔ̱mɛ rɔ̱, yɛn nɛy tin ci ruac göökni liŋ ɛn ni̱ni ti̱ti̱, mëë yiathkɛ keŋ luaak Kuɔth Nhial in la Ruey Ɣɔaa piny, kɛ ɣöö ba luak Kuɔth Nhial in la Ruey Ɣɔaa la̱t.

Kuen 26:53

“Ba mun dääk kä kɛ ce̱tkɛ pek ciöötni.

Kuen 33:53

Kä ciaŋɛ mun ala duŋdun, kɛ ɣöö cä ka̱m yɛ bia ciɛŋ.

1 Kor 16:13

Niɛkɛ rɔ, cuɔ̱ŋɛ a bum rɛy ŋäthädun, a lo̱ckun bum, kä buɔ̱mɛ.

Ji̱ Ɛ-pɛ-thäth 6:10

Kɛ jɔak, buɔ̱mɛ rɛy Kua̱r ni Yecu kɛnɛ rɛy bumädɛ min di̱i̱t.

Ŋuɔ̱t 1:21

Kä nɛ̈nɛ jɛ, ci Kuoth Nhial Kuothdun yɛ ka̱m mun, wiaa muɔcɛ rɔ gua̱th ce̱tkɛ min ci Kuoth Nhial Kuoth guuri jɛ la̱r yɛ. /Cuarɛ dual kä a yɛ /cɛ la̱th.’

Ŋuɔ̱t 1:8

Nɛ̈nɛ jɛ ɣän cä mun jak kä te nhiamdun, wiaa muɔcɛ rɔ muɔ̱ɔ̱n ëë ci Kuoth Nhial ɛ ya̱c guurikun, ni A-bɛ-ram, Ay-dhɛk. Kɛ Je-kɔb i̱ bɛ ka̱mkɛ amäni kuaykiɛn.’ ”

Ŋuɔ̱t 11:8

“Läthni luëëk ti ka̱mä ji̱ ti ɛn walɛ lɔcdu. Dɔ̱ɔ̱ bia tekɛ buɔ̱m mi bia wä kän ni mun in bia wä ciëŋ thi̱n, kui̱ Jɔr-dɛn.

Ŋuɔ̱t 31:23

Kä cu Kuoth Nhial ruac kɛ Jɔ-cua gat Nun jiökɛ jɛ i̱, “Bumni kä com rɔ. Kɛ ɣöö bi gaat I-thɛ-rɛl naŋ muun in cä yac i̱ bä ka̱m kɛ. Kä bä te kɛɛl kɛ ji̱.”

2 Tim 2:1

Ji̱n gatdä, bumni rɛy puthä min te rɛy Kritho Yecu.

Jɔ-cua 1:18

Ram in /ci ruaacniku bi liŋ, kä /ci bi la̱t ni min ci la̱r jɛ, jɛn ba näk. A bum ni lɔcdu.”

Jɔ-cua 1:7

A bum ni ji̱n, kä /cu dual kä ŋäcni jɛ ɛn ɣöö bi ŋuɔ̱t diaal la̱t ce̱tnikɛ mëë ca kɛ la̱t ji̱ ɛ kuanydä ni Muthɛ. Kä /cu tekɛ mi bi wäny kiɛ bi guäc rɛy kä tin diaal tin cɛ la̱t ji̱, kɛ ɣöö deri cu ja̱l kɛ cio̱o̱k mi gɔaa gua̱thni diaal.

Jɔ-cua 1:9

Ɛ niɛ min cä la̱r ji̱ i̱ kämni lɔcdu buɔ̱m, kä /cu bath, kɛ ɣöö bä te kɛɛl kɛ ji̱ gua̱thni diaal ɣän Kuothdu ni Kuoth Nhial.”

Jɔ-cua 10:25

Kä cu Jɔ-cua kɛ jiök i̱, “/Cuɔrɛ dual, kä /cuɔrɛ rɔ̱ luär. Buɔ̱mɛ kä cuɔmɛ rɔ̱ kɛ ɣöö nɛmɛ ɛ min bi Kuoth Nhial ɛ lät kä ji̱ tɛ̈run diaal tin gɛ̈m kɛ yɛ.”

Jɔ-cua 13:6

“Kä kɛn tin cieŋ wi̱i̱ pääm kä Lɛ-ba-nɔn a wä kä Mith-rɛ-poth-ma-yim, amäni kɛn ji̱ Dhi-don diaal. Ɛ ni ɣän puɔ̱nydä bikɛ joc ɔ nhiam gan I-thɛ-rɛl. Kä täämɛ nikɛ ruacdä, bi mun rööl ɛmɛ däk kä gaat I-thɛ-rɛl kɛ gaak ɛ ba duundiɛn.

Jɔ-cua 18:3

Kä cu Jɔ-cua gaat I-thɛ-rɛl ku jiök i̱, “Yɛn bia ŋot kɛ cua̱ŋ kɛ käni rööl in ci Kuoth Nhial ni Kuoth guuri ɛ ka̱m yɛ amäni nɛy?

Jɔ-cua 21:43

Ɛ jɛ inɔ. Cu Kuoth Nhial ro̱l ku ka̱m ji̱ I-thɛ-rɛl ni kɛɛliw nikɛ ruac ëë cɛ guɔ̱k gua̱ni i̱ bɛ jɛ ka̱m kɛ. Kä cu ji̱ I-thɛ-rɛl ɛ ka̱n kä cukɛ ciɛŋ thi̱n.

Jɔ-cua 5:6

kɛ ɣöö ci gaat I-thɛ-rɛl däär dɔaar luk kɛ run ti jiɛn ŋuaan, cu pëk nɛɛni diaal tëë bëë raar kä I-jëp kä ji̱ wäth ko̱o̱r thuɔ̱k kɛ lia̱a̱, kɛ ɣöö cikɛ ruac Kuɔth Nhial dhɔt. Kɛn nɛy tɔ̱tɔ̱ ci Kuoth Nhial ɛ dhil lar i̱ /cikɛ mun in cɛ la̱r gua̱ndɔɔŋnikiɛn i̱ ba dhil ka̱m gaatkiɛn bi nɛn, jɛn mun in la mun caak kɛnɛ lith tuar.

1 Tham 4:9

Buɔ̱mɛ rɔ, kä tɛ̈rɛ ko̱r ce̱tkɛ wutni lö ji̱ Pi-li-thɛt, kiɛ banɛ la ja̱a̱ŋ kä ji̱ Ɣi-bɛ-ru, ce̱tkɛ mëë kɛ ja̱a̱ŋ kɔn. Tɛ̈rɛ ko̱r ce̱tkɛ wutni.”