Jiɛth 4:4 - RUAC KUƆTH IN RƐL RƆ

⁴ A ci lëëp dho̱li dɔp ni nyääriɛn nhial kɛ kui̱ rɛ̈w, lim gaat mi̱eth, kä thilɛ ram mi moockɛ.

Jiɛth 4:4 Iomraidhean Croise

2 Kua̱r 18:27

Duundɛ ɣöö cu Rɛ̈b-ca-kee kɛ jiök i̱, “Jäk kuäärä ɣä kɛ ɣöö bä rieet ti̱ti̱ la̱t yɛ kɛ kuäärun, /cɛ ɣä jäk kä nɛy ti te nyuurä ti wi̱i̱ pa̱ny, ti ba cam ni wawdiɛn kä ba math ni cowkiɛn ce̱tkɛ yɛ ti̱?”

2 Kua̱r 25:3

Kɛ bäŋuan ni̱ni kɛ ŋuaan päthni, cu buɔth di̱t rɛy wec, kä cuɛ thil mi cam naathɛ.

Diit 137:6

Kä ɛ lɛpdä dɔp nyäärä nhial, mi /ka̱n ji̱ car, mi /ka̱n Jɛ-ru-tha-lɛm jakä tɛ̈th lɔaacdä min di̱i̱t.

Diit 22:15

Kä ci buɔ̱mdä cu kööt ce̱tnikɛ dhaar muɔ̱ɔ̱n, kä ci lɛpdä cu dɔp ni jio̱o̱mdä, ci cu ba̱ny ni ɣä rɛy tupä ce̱tkɛ ram mi ci li̱w.

I-ca-yaa 5:13

Kɛ kui̱c ɛmɔ ba nɛɛ Kuɔth naŋ ɛla pɛ̈ɛ̈c kɛ kui̱c ŋɔaani, kä bi nɛɛkun tin luɔ̱thkɛ li̱w kɛ buɔth, kä bi nɛy tin duɛ̈ɛ̈k li̱w kɛ rɛw.

Bok Go̱kä ni Yir-mɛ-yaa 14:3

Kä ji̱kɛ tin riäŋ, ja̱kɛ kuaanykiɛn kɛ ɣöö ba pi̱ wä nööŋ, kä cukɛ ben rɛy waŋ, kä thilɛ pi̱w ti cua jek. Kä cukɛ rɔ̱ ri̱t kɛ dha̱a̱ri ti thil pi̱w. Cukɛ pöc kä cukɛ ga̱a̱c kä cua wuɔ̱thkiɛn kum.

Jiɛth 1:11

Ci ji̱kɛ diaal nuään kɛ go̱r kä mi camkɛ, kɔk kɛn kuakiɛn mi̱eth, kɛ ɣöö bikɛ tëk. “Guicä lö Kuoth Nhial, ca ɣä lo̱k.”

Luk 10:11

‘Cäŋɛ ni tur wecdun in ci dɔp ciöknikɔ, tɛ̈ŋkɔ jɛ kɛ ɣöö ba go̱o̱ny kɛ kui̱dun. Kä ŋa̱cɛ mɛmɛ ɛn ɣöö ci kuäär Kuɔth ben thiäkä.’

Ŋuɔ̱t 28:48

kɛ kui̱ ɛmɔ, bia lät ni ji̱ tɛ̈runikä tin bi Kuoth Nhial kɛ nöŋ yɛ. Rɛy buath kɛnɛ rɛw kɛ görkä ti diaal. Kä bɛ moc riɛk mi di̱i̱t, amäni cia li̱w.

Ŋuɔ̱t 32:24

Bäkɛ näk kɛ buɔth, kä bäkɛ näk kɛ lëth pua̱ny kɛnɛ lueŋ jua̱th. Kä bäkɛ jäk kä lëët, kɛnɛ muɔɔl piɛny.