Jiɛth 2:3 - RUAC KUƆTH IN RƐL RƆ

³ Cɛ buɔ̱m I-thɛ-rɛl woc kɛɛliw, cɛ buɔ̱mdɛ ka̱n kä kɛ kɛ ko̱riɛn kɛ ji̱ tɛ̈r. Cuɛ Je-kɔb waŋ ce̱tnikɛ mac, in la pɛt ti diaal tin te gekädɛ.

Jiɛth 2:3 Iomraidhean Croise

2 Kuɛ̈n 34:25

Kɛ ɣöö ca ɣä pa̱l ruëëc ɛ waa wa̱ŋ ni kuth ti kɔ̱ŋ wal tin kuɔ̱r kuɔ̱ɔ̱r, kä ca ɣä jak kä gak kɛ lätkiɛn ti jiäk. Kɛ kui̱c ɛmɔ, bä kɛ̈cdä naŋ ɛn guäth ɛmɛ kä /cɛ bi thuɔ̱k.”

I-yob 16:15

Kä ciaŋä ni bieyni cuaalä kɛ ɣöö pa̱rä, a cä buɔ̱mdä muɔl rɛy tupä.

Diit 132:17

Ɛn wanɛ bä raan pith kä kuay Dee-bid mi bi la kuäär mi di̱i̱t, ɛn wanɛ bä ruec rialikä kɛ kui̱ kua̱rä min cä mɛk.

Diit 74:11

Kä ɛŋu ci la̱th ni tetdu luɔ̱ɔ̱c jɔkɔ, ɛŋu mɔ ci la̱th ni tetdu jɔkdu mɔ?

Diit 75:10

Ɣän bä buɔ̱m ji̱ nyuɔɔni woc, duundɛ ɣöö bä ji̱ cuŋni kap nhial.

Diit 75:5

/Cu buɔ̱mdu kap ni nhial, kiɛ /cu ruac kɛ buɔ̱m wecdu.”

Diit 79:5

Kä bɛ ku mäni nɛy lö Kuoth Nhial bi ŋɛ̈ɛ̈nyɔ amäni cäŋ kɛl ɔ? Kä bi tiɛɛlu pɛ̈t ce̱tkɛ mac mäni nɛy?

Diit 89:24

Kä bi nhökdä kɛnɛ gɔɔydä te kɛɛl kɛ jɛ, kä kɛ kui̱ cio̱tdä ba buɔ̱mdɛ liak.

Diit 89:46

Ɛ biku mäni nɛy lö Kuoth Nhial, bi rɔ tɛ̱̈ɛ̱̈ amäni cäŋ kɛl ɔ? Kä bi mäni nɛy bi ŋɛ̈ɛ̈nydu dɔap ce̱tkɛ mac ɔ?

I-ca-yaa 1:31

Bi ram in bum ni jɛn mun ce̱tnikɛ köm jiaath mi ci kööt, kä bi lätkɛ ce̱tnikɛ tɛ̈ny maac, jɛn kɛnɛ lätkɛ bikɛ waaŋ kɛɛl, kä thilɛ ram mi bi mac yieny.

I-ca-yaa 42:25

Cɛ gakdɛ wuɔc wi̱i̱diɛn, ɛn kɛ̈c köör in di̱i̱t, cɛ kɛ go̱l kɛ mac, duundɛ ɣöö /cikɛ jɛ ŋäc, cɛ kɛ waŋ, kä /cikɛ luɔtdɛ ŋäc.

Bok Go̱kä ni Yir-mɛ-yaa 21:14

Ɣän bä yɛ duäc ce̱tnikɛ pek lätnikun, ɣän bä rupdu waŋ kä bɛ tin diaal tin te gekädu pɛt,” ruac ni ɣän Kuoth Nhial.

Bok Go̱kä ni Yir-mɛ-yaa 4:4

Ka̱mɛ rɔ̱ Kuoth Nhial, kä lëyɛ rɔ̱ ɣä lö ji̱ Juda kɛ yɛn ji̱ Jɛ-ru-tha-lɛm. Kiɛ bi waŋ lɔacdä pɛ̈t ce̱tnikɛ mac, kɛ kui̱ jiäkni tin ci yɛn kɛ la̱t, kä thilɛ ram mi bi jɛ luäŋ kɛ yieny.”

Bok Go̱kä ni Yir-mɛ-yaa 48:25

Kä cua tuɔ̱ŋ Mo-ab cu töl, kä cua tetkɛ töl bä, ruac ni ɣän Kuoth Nhial.

Bok Go̱kä ni Yir-mɛ-yaa 7:20

Kɛ kui̱c ɛmɔ, bä gakdä wuɔc ɛn guäth ɛmɛ, kä naath kɛnɛ ley kɛ jiɛn diaal kɛnɛ tin do̱ny muun. Kä bɛ pɛ̈t a thilɛ ram mi bi jɛ yieny. Ruac ni ɣän Kuoth Nhial.”

Jiɛth 1:13

“Cɛ mac ja̱k ni nhial, cɛ räth ni rɛy cɔ̱ɔ̱nikä. Kä cɛ cambak yuɔr ciöknikä, kä cɛ ɣä luɔ̱c jɔk. Cɛ ɣä ba̱ny piny baaŋ, rɛy bɛcä mi thil pek.

Jiɛth 4:11

Ci Kuoth Nhial rɔ col kɛ gakdɛ, cɛ Dha-yɔn yuɔ̱r mac in ci jɛ waŋ ni ke̱ŋnikɛ.

Yɛdh 13:13

Kɛ kui̱ ɛmɔ, mɛmɛ larɛ ɣän Kuäär ni Kuoth Nhial i̱, “Ɣän bä jiɔam mi di̱i̱t nööŋ kɛ ŋɛ̈ɛ̈nydä, kɛ nhiaal mi di̱i̱t kɛnɛ nhiaal guiiyni kɛ ɣöö bikɛ päny ɛmɛ ben däk.

Yɛdh 7:14

Cikɛ kaaŋ koth kä cikɛ ŋɔak diaal rialikä, duundɛ ɣöö thilɛ ram mi bi wä ko̱o̱r, kɛ ɣöö te waŋ lɔaacdä kɛ kɛn diaal.

Nɛ̈m 1:6

Kä ɛŋa dee gakdɛ luäŋ ɔ? Kä ɛŋa dee kɛ̈c lɔacdɛ luäŋ kɛ ruɔ̱t ɔ? Cuɛ gakdɛ wuɔc piny ce̱tkɛ mac, kä cu pääm thia̱y nhiamdɛ.

Mɛ̈l 4:1

Kä cu Kuoth Nhial in la Ruey Ɣɔaa wee i̱, “Nɛnɛ ci cäŋ ben, cäŋ in ba nɛy diaal tin ji̱ liakä kɛnɛ tin la̱tkɛ jiäk waŋ ce̱tnikɛ taŋ ben. Ɛn cäŋ ɛmɔ bikɛ pɛ̈t, a bɛ thil kɛl mi doth kä kɛ.

Luk 1:69

Kä cuɛ moc kään mi bum, rɛy gɔaal Dee-bid in la kuanydɛ.

Luk 3:17

Kä te duŋ lök bɛɛl tetädɛ, bɛ do̱r kɔ̱mädɛ la̱t agɔaa, bɛ bɛl kuëŋ rɛy yiirä, kä bɛ jil waŋ kɛ mac mi /ca yieny.”

Ŋuɔ̱t 32:22

Kä gakdä bɛ dɔap ala mac, bɛ jɛ pɛt amäni jɔɔk ni piny muɔ̱ɔ̱n, bɛ wi̱c muɔ̱ɔ̱n pɛt kɛnɛ juaackɛ, bɛ pɛ̈t mäni tuk päämni.