Jiɛth 2:2 - RUAC KUƆTH IN RƐL RƆ

² A thil pälikä ci Kuäär ji̱ dhɔaar Je-kɔb thuk, kɛ gakdɛ cɛ ti̱ec nya Juda tin buɔ̱m buɔ̱ɔ̱m da̱k piny. Cɛ kuäärɛ kɛnɛ bööthkɛ jak kä thil luth.

Jiɛth 2:2 Iomraidhean Croise

I-yob 2:3

Kä cu Kuoth Nhial jɛ jiök i̱, “Ji̱n ŋäci ja̱ŋdä ni I-yob, kɛ ɣöö thilɛ ram mi päär kɛ jɛ rɛy ɣɔaa? Thilɛ jɛ bɛ̈ɛ̈l kä ɛ Gua̱n cuŋni mi luth Kuoth kä lo̱k jiäk. Jɛn ŋotdɛ thiɛkädɛ, cäŋɛ ni mɔ ci ɣä jak kä da̱kä jɛ mɔ ni baaŋ.”

Diit 21:9

Bikɛ jak kä ce̱tnikɛ yiëëth mi ca thal mi wi̱i̱ jɔɔc. Bi Kuoth Nhial kɛ bät kɛ gakdɛ, kä bi mackɛ cu thuk.

Diit 74:7

Ci kɛn luaakdu cu cua̱th kɛ mac, cikɛ gua̱a̱th cieŋädu ya̱r.

I-ca-yaa 22:5

Kɛ ɣöö te Kuäär ni Kuoth in la Ruey Ɣɔaa kɛ cäŋ, cäŋ rikä kɛnɛ bɛ̈c kɛ dual rɛy lo̱o̱lä nyuuthä, ɛ cäŋ mi bi pa̱nyni wuɔ̱p piny, kä ba luäk go̱r kä pääm.

I-ca-yaa 23:9

Ɛ Kuoth Nhial in la Ruey Ɣɔaa cäp ɛmɔ, kɛ ɣöö bɛ liak gɔyni diaal woc, kä bɛ ji̱ luthä diaal jak kä thil luth wi̱i̱ muɔ̱ɔ̱n.

I-ca-yaa 25:12

Kä bɛ pa̱nyniku tin ba̱r ba̱r kä bum nööŋ piny, bɛ kɛnööŋ ni piny a bɛ kɛ nööŋ ni rɛy tupä.

I-ca-yaa 26:5

Cɛ nɛy tin liakɛ rɔ luɔ̱c piny, cɛ wec in cieŋkɛ thi̱n däk, cɛ jɛ däk ɛ ca ni tup.

I-ca-yaa 27:11

Kä bi ciɛw ciɛɛwkiɛn kööt kä bikɛ töl, kä bi män kɛ ben jak kä tɔŋ maac. Kɛn nɛy ti̱ti̱ kueckɛ ŋɔak, kɛ kui̱c ɛmɔ bi cääkdiɛn thil nhök kɛ kɛ, ɛn ram in cakɛ /cɛ bi gɔaa kɛ kɛ.

I-ca-yaa 43:28

Kɛ kui̱c ɛmɔ cä bööth luaakdu jak kä po̱c, kä bä Je-kɔb jakä da̱kɛ, kä ba I-thɛ-rɛl kuëth.”

I-ca-yaa 47:6

Ɣän cä gaak kɛ nɛɛkä ɛn nëë, ɣän cä tin la nyinkä lo̱k, cä kɛ la̱th ni tetkädu, kä /keni tekɛ kɔ̱a̱c lɔaac kɛ kɛ, cu mäni nɛy ti di̱t curi kɛ moc la̱t mi thiɛk thiɛk.

Bok Go̱kä ni Yir-mɛ-yaa 13:14

Kä ɣän bä kɛ jak kä nuɛ̈n kɛ rɔ̱ ramɔ kɛnɛ ramɔ, gaat kɛ gua̱ni ɛ päär, kä /cä bi tekɛ nhök kɛnɛ päl ikä kɛ kɔ̱a̱c lɔaac, mi dëë päl ni däkdiɛn, ruac ni ɣän Kuoth Nhial.”

Bok Go̱kä ni Yir-mɛ-yaa 19:15

“Nɛmɛ ɛ min laar Kuoth Nhial in la Ruey Ɣɔaa ni Kuoth I-thɛ-rɛl ɛ, ɛn ɣöö ɣän nöŋä wec ɛmɛ kɛnɛ ciëëŋkɛ diaal riɛk ëë cä lar kɛ kui̱dɛ, kɛ ɣöö ci buɔ̱m ni wuɔ̱thkiɛn, lo̱k kɛn ɣöö ba ruaacnikä liŋ.”

Bok Go̱kä ni Yir-mɛ-yaa 21:7

Kä kɛ kɔrɛ, ɣän bä Dhid-ki-yaa kɛnɛ la̱a̱tkɛ kɛ nɛy tin cieŋ ɛn wi̱c ɛmɛ tin ci kään kä juey kɛnɛ ko̱r kɛ buɔth, la̱th tetdä Nɛ-bu-kad-nɛ-dhar kuäär Bɛ̈-bi-lɔn kɛnɛ tet ji̱ tɛ̈riɛn kɛ nɛy tin görkɛ näkdiɛn. Ɛ ba kɛ näk nikɛ mut, a thil pälikä kiɛ jiath lɔaac.’ ”

Bok Go̱kä ni Yir-mɛ-yaa 5:10

“Wër däk kak wal Juda, duundɛ ɣöö /cu jɛ däk kɛɛliw, akɛ ŋuɔ̱kɛ karkɛ, kɛ ɣöö /cikɛ nyin Kuɔth Nhial.

Jiɛth 2:17

Ci Kuoth Nhial mëë cɛ car la̱t, cɛ ruacdɛ cuɔ̱p, mëë cɛ lat ni wal, cɛ yɛ yiäk a thil nhök. Cɛ ji̱ tɛ̈run la̱th wi̱i̱dun, cɛ kɛ ka̱m liak kɛnɛ buɔ̱m.

Jiɛth 2:21

Ŋuɛ̈tni kɛ dɔŋ cikɛ li̱w duɔ̱pni. Ŋuɛ̈tni wutnikä kɛnɛ nyier cakɛ näk kɛ thɛp. Cikɛ näk kɛ cäŋ gaakdu, cikɛ näk a thil pälikä.

Jiɛth 2:5

Ci Kuäär ni Kuoth I-thɛ-rɛl däk, ce̱tkɛ gua̱n tɛ̈r. Cɛ ti̱ec kuäärä kɛnɛ ti̱ec, tin buɔ̱m buɔ̱ɔ̱m diaal da̱k piny. Kä cɛ rep ni pa̱r kɛnɛ jiath lɔaac nya Juda.

Jiɛth 3:43

“Ci kɛ̈c ɛlɔ̱ŋ a curi guɔ̱ɔ̱r ni kɔ, ci kɔ näk a thil nhök.

Yɛdh 5:11

Kɛ kui̱ ɛmɔ, ce̱tnikɛ ɣän Kuäär ni Kuoth Nhial in tëk, nɛmɛ ɛ ruac Kuɔth, ɛ puc kɛ ɣöö ci yɛn luak ya̱r kɛ nyinkun tin jiäk. Ɣän bä gɔɔydä woc, /cä yɛ bi kän, kä /cä yɛ bi pälikä.

Yɛdh 7:4

Ɣän /cä yɛ bi guic gɔɔyä, kä bä thil pälikä. Ɣän bä yɛ tɔ̱ŋ kɛ dupkun, guäth in te dueerkun ni rɛydun. Kä ɛ jɛn bi yɛn ɛ cu ŋa̱c ɛn ɣöö ɛ ɣän Kuoth Nhial.”

Yɛdh 7:9

Ɣän /cä yɛ bi guic agɔaa, kä bä thil pälikä. Ɣän bä yɛ tɔ̱ŋ kɛ dupkun, gua̱a̱th in te dueerkun ni rɛydun. Kä ɛ jɛn bi yɛnɛ cu ŋa̱c ɔ ɛn ɣöö ɛ ɣän Kuoth Nhial ɛ nin duääc yɛ.

Yɛdh 8:18

Kɛ kui̱ ɛmɔ, ɣän bä lät kɛ waŋ lɔaac, kä /cä kɛ bi guic agɔaa, kä bä thil pälikä kɛ kɛ. Kä cäŋ bikɛ ben wiee ni ji̱thdä kɛ jɔw mi di̱i̱t, ɣän /cäkɛ bi liŋ.”

Yɛdh 9:10

Duundɛ ɣöö ɣän /cäkɛ bi pälikä, kä /cä bi tekɛ nhök kɛ kɛ, duundɛ ɣöö bä lätkiɛn tin jiäk la̱th ni wuɔ̱thnikiɛn.”

Mikaa 5:14

Kä bä kuothdun ni Ä-ce-rim kuac piny rɛydun, kä bä wi̱i̱kun däk.

Mɛ̈l 1:4

Kä dɔ̱ŋ dee ji̱ Ɛ-dɔm wee i̱, “Cäŋ ni mi ca nɛy däk ɛ, bakɔ kɛ nyɔk kɛ lätni.” Kä bi Kuoth Nhial in la Ruey Ɣɔaa ɛ loc i̱, “Dɔ̱ŋ deekɛ jɛ la̱t, duundɛ ɣöö bäkɛ da̱k piny, amäni mi cakɛ cɔl i̱ wec gua̱n jiäkni, nɛy ti ci Kuoth Nhial gaak kɛ kɛ amäni cäŋ kɛl.”

Mɛ̈t 18:33

Kä dee gɔaa ni mi ci lɔcdu kɔ̱a̱c kɛ raan la̱t kɛ̈ɛ̈l kɛ ji̱, ce̱tkɛ mëë ci lɔcdä kɔ̱a̱c kɛ ji̱.’

2 Kor 10:4

Kɛ ɣöö yio̱w kööran /cikɛ nyin ɣɔaa, kä duundɛ ɣöö tekɛ kɛ buɔ̱m Kuɔth kɛ ɣöö banɛ kɛ däk gua̱th ti buɔ̱m buɔ̱ɔ̱m. Canɛ ŋaknɔmni däk

Ŋuɔ̱t 28:52

Ba wi̱i̱kun diaal göl, mäni mi ci pa̱nynikun, tin buɔ̱m buɔ̱ɔ̱m tin ŋa̱thɛ tɛɛth, wi̱i̱nikun diaal muun in ci Kuoth Nhial ɛ ka̱m yɛ.

Ŋuɔ̱t 32:22

Kä gakdä bɛ dɔap ala mac, bɛ jɛ pɛt amäni jɔɔk ni piny muɔ̱ɔ̱n, bɛ wi̱c muɔ̱ɔ̱n pɛt kɛnɛ juaackɛ, bɛ pɛ̈t mäni tuk päämni.