Jiɛth 1:9 - RUAC KUƆTH IN RƐL RƆ

⁹ Kä cua jiääkdɛ nɛn, kä /kenɛ ca̱r kɛ kui̱ däkädɛ. Kɛ kui̱c ɛmɔ cuɛ da̱k ɛlɔ̱ŋ, kä thilɛ ram mi dee lɔcdɛ jak kä gɔaa. “Ɣa Kuoth Nhial nɛn riɛkdä, kɛ ɣöö ci ji̱ tɛ̈rä ɣä joc!”

Jiɛth 1:9 Iomraidhean Croise

2 Tham 16:12

Dɔ̱ŋ bi Kuoth Nhial riɛkdä nɛn, a bɛ ɣä poth kɛ gua̱a̱th kuethnidä mi walɛ nɛmɛ.”

2 Kua̱r 14:26

Kɛ ɣöö ci Kuoth Nhial riɛk I-thɛ-rɛl nɛn cɛ bɛ̈c ɛlɔ̱ŋ, thilɛ ram mi ci duɔth kä di̱eel wec kiɛ ja̱ŋ, kä thilɛ mi bi I-thɛ-rɛl luäk.

Nɛ-ɣɛm-yaa 9:32

“Kɛ kui̱c ɛmɔ täämɛ lö Kuothda, ɛ ji̱n Kuoth mi di̱i̱t mi bum kä dual naath kɛ jɛ, mi tiit mat ruacdɛ kɛnɛ nhökdɛ min thil pek, /cu bɛ̈c bɛ̈ɛ̈c diaal ti̱ti̱ guic i̱ kuiy kɛ, kɛn ti ci ben kä kɔ ti, kɛ kua̱rkɔ kɛnɛ ruëëckɔ kɛ bööth paläda kɛnɛ göökɔ kɛ gua̱nikɔ kɛnɛ nɛɛku diaal nikɛ ni̱n kua̱ri A-thi-ri-ya amäni walɛ.

Diit 119:153

Guic cuɔ̱cdä kä luäk ɣä, kɛ ɣöö /ka̱n ŋuɔ̱tku pa̱l ruëëc.

Diit 140:8

/Cu ji̱ nyuɔɔni käm min go̱o̱r kɛn ɛ, kä /cu cärkiɛn tin jiäk jakä wä nhiam.

Diit 25:18

Guic rikä kɛnɛ cuɔ̱cdä kä päli ɣä dueerkä diaal.

Diit 69:21

La kɛn a käm ni ɣä lueŋ i̱ mɔ mi̱eth, kä la ka̱mkɛ ni ɣä mi kɛc kɛc mi ci rɛw ɣä näk.

Ɣöth 3:17

Kä cä car ɛn ɣöö bä yɛ kuëk raar yaakä I-jëp kä bä yɛ no̱o̱ŋ muun ji̱ Kɛ-naan, kɛ ji̱ ɣɛ̈th, kɛ ji̱ Ɛ-mor, kɛ ji̱ Pɛ-rii-dhi, kɛ ji̱ Iwi kɛnɛ ji̱ Yɛ-buth, mun caak kɛnɛ liɛɛth tuar.’

Ɣöth 3:7

Cu Kuoth Nhial ɛ jiök i̱, “Ɣän cä bɛ̈c bɛ̈ɛ̈c nɛɛnikä ŋäc kä gua̱a̱th kä I-jëp, cä lulliɛn in ci ränh kä ɣä kɛ kui̱ kua̱ri La̱tdiɛn liŋ, kä cä jiɛ̈th lɔaaydiɛn nɛn ɛpuc.

Ɣöth 4:31

Cu naath ɛ ŋäth mëë cikɛ jɛ liŋ i̱ ci Kuoth Nhial ji̱ I-thɛ-rɛl gui̱l, kä cɛ bɛ̈c bɛ̈ɛ̈ckiɛn nɛn, cukɛ wuɔ̱thkiɛn guɔ̱l piny, cukɛ jɛ pal.

Ŋi̱i̱c 4:1

Kä min cä rɔ nyɔk kɛ guec, cua̱ ciaŋ yiöŋ in la̱tkɛ rɛy ɣɔaa nɛn. Kä cua̱ nɛy tin yiɔaŋkɛ nɛn wieekɛ kä thilɛ ram mi luäk kɛ! Kɛ ɣöö te buɔ̱m kui̱ nɛɛni tin yiɔaŋkɛ kɛ, kä thilɛ ram mi luäk kɛ.

I-ca-yaa 3:8

Cɛ Jɛ-ru-tha-lɛm lath kä ci Juda pɛ̈ɛ̈n, kɛ ɣöö min latkɛn ɛ kɛnɛ, min lätkɛn ɛ kuëthkɛ ni Kuoth Nhial, kuëthkɛ ni Kuoth puɔ̱nydɛ.

I-ca-yaa 37:17

Päli ji̱thku piny lö Kuoth Nhial, kä li̱ŋni. Kä lɛp wäŋku lö Kuoth Nhial, kä gui̱cni. Kä liŋ ruac Thɛ̈n-ke-rib, min kuethɛ ni Kuoth in tëk.

I-ca-yaa 37:23

Kä ɛŋa kuethi mɔ kä yɔŋi? Kä ɛŋa kapi jɔwdu nhial kɛ jɛ mɔ, kä ɛŋa ɣäri nyinku kä nhial kɛ jɛ mɔ? Ɛ jɛn Kuoth I-thɛ-rɛl!

I-ca-yaa 37:29

Ɛ ɣöö ci gaak kɛ ɣä kɛnɛ liakdu cä kɛ liŋ, ɣän bä cibatdä la̱th wuumdu, kä bä ciɛkdä la̱th thokdu, kä bä ji̱ luɔc jɔk kɛ jɛn duɔ̱ɔ̱p ëë bä kɛ ji̱.

I-ca-yaa 37:4

Kä dɔ̱ŋ bi Kuoth Nhial ni Kuothdu rieet Rɛ̈b-ca-kee diaal liŋ, min ci kuäär A-thi-ri-ya jɛ ja̱k kɛ ɣöö bɛ Kuoth in tëk ben kuëth, kä ci Kuoth Nhial ni Kuothdu kuëth ti̱ti̱ mal liŋ, kä bɛ nɛy tin latkɛ kɛ duäc. Kɛ kui̱c ɛmɔ pali kɛ kui̱ nɛɛni tin ci duɔth.”

I-ca-yaa 40:2

Ruacni a määth kɛ ji̱ Jɛ-ru-tha-lɛm, lät ni jɛ kɛ ɛn ɣöö, ci gua̱a̱th la̱tdiɛn thuɔ̱k, ɛn ɣöö ca dueerkiɛn päl, ci Kuoth Nhial kɛ duäc nikä rɛɛw kɛ kui̱ dueerikiɛn.

I-ca-yaa 47:7

Curi wee i̱, “Bi ɣän a kuäär ciëk amäni cäŋ kɛl,” duundɛ ɣöö /keni ti̱ti̱ la̱th lɔɔcdu kiɛ /keni guutdiɛn car.

I-ca-yaa 51:19

Rik da̱ŋ rɛw ti̱ti̱ bikɛ ben kä ji̱, ba mundu däk ɛ bɛ ria̱r, kä jɛn bɛ tekɛ buɔth kɛnɛ ko̱o̱ri, ɣän bä ji̱ kulɛ bum i̱di? Kä ɛŋa bia kulɛ mat ɔ?

I-ca-yaa 54:11

“Kä lö wec mi can, mi ca däk ɛ jiɔam, kä thilɛ mi buum jɛ, nɛnɛ, ɣän bä ji̱ nyɔk kɛ ta̱th kɛ pääm ti gɔw, bä tukdu täth kɛ pääm ti di̱t kökdiɛn.

Bok Go̱kä ni Yir-mɛ-yaa 13:27

Ɣän cä jiäku nɛn, kɛ göru kɛ dhöm kɛnɛ leer kɛ lätku tin jiäk wuɔ̱thni päämni kɛnɛ rɛy ka̱a̱kni. Riɛk akɛ ji̱ lö Jɛ-ru-tha-lɛm! A ku mäni nɛy /ci bi gɔaa ɔ? Ruac ni ɣän Kuoth Nhial.”

Bok Go̱kä ni Yir-mɛ-yaa 16:7

Kä thilɛ ram mi bi nɛy tin parkɛ kɛ nöŋ mi̱eth mi buumɛ ni kɛ. Kä thilɛ ram mi bi gua̱n raam mi ci li̱w kɛnɛ man moc kɔaŋ mi ba math kɛ kui̱ bumädiɛn.

Bok Go̱kä ni Yir-mɛ-yaa 2:34

A cäŋɛ ni bi̱i̱du jëkɛ riɛm cani thi̱n, cäŋ /keni kɛ jek a tölkɛ duel bä. Ŋotdɛ kɛ mi lätdi kɛ kä ti̱ti̱,

Bok Go̱kä ni Yir-mɛ-yaa 48:26

“Jakɛ jɛ kä yɔ̱ŋ, kɛ ɣöö cɛ rɔ liak kɛ Kuoth Nhial. Kɛ nɔ bi Mo-ab rɔ daŋ ni rɛy ŋo̱kädɛ, kä bi naath ɛ cu dɔl.

Bok Go̱kä ni Yir-mɛ-yaa 5:31

Cu go̱o̱k lat ni ruaacni ka̱a̱cni, kä cu bööth palä ruac kɛ ca̱riɛn, cu nɛɛkä nhɔk ni jɛn duɔ̱ɔ̱p ɛmɔ, kä bi ku lɛ la̱t ni ŋu mi wä guut wä ben?

Bok Go̱kä ni Yir-mɛ-yaa 50:29

“Cɔalɛ ji̱ kuen kueeni kɛ ɣöö ba Bɛ̈-bi-lɔn mak, kɛn nɛy tin ka̱pkɛ bääri kɛn diaal tin ŋa̱ckɛ la̱t bäärä, kuɛ̈ɛ̈ pua̱t gölɛ jɛ, a jɛ thil ram kɛl mi kac. La̱tdɛ jɛ ce̱tnikɛ lätkɛ, a jɛ la̱tkɛ, kä jɛ ce̱tkɛ pek lätnikɛ. Kɛ ɣöö lätdɛ ni liak kɛ kui̱ Kuɔth Nhial ni Kuoth I-thɛ-rɛl.

Jiɛth 1:17

Dha-yɔn cɛ tetkɛ riny, duuŋdɛ ɣöö cuɛ thil ram mi cu jɛ luäk. Kɛ ɣöö ci Kuoth Nhial jɛ lar ɛn ɣöö bi ji̱ thieekä Je-kɔb a ji̱ tɛ̈rɛ. Cu Jɛ-ru-tha-lɛm a mi jiääk rɛydiɛn.

Jiɛth 1:21

“Liŋ naath ŋëpdä, duuŋdɛ ɣöö thilɛ ram mi jak lɔcdä kä gɔaa. Ji̱ tɛ̈rä diaal ca riɛkdä liŋ, kulɛ tɛɛth ni lo̱ckiɛn kɛ min ci lät kä ɣä. No̱o̱ŋni cäŋ ëë ci lar, a bikɛ lɛ cuuc ce̱tkɛ ɣä.

Jiɛth 2:13

Ɛŋu mi dëë la̱r ji̱, kä dëë pa̱a̱r kɛ ji̱ lö Jɛ-ru-tha-lɛm? Ɛŋu mi dee lɔcdu jak kä gɔaa lö nya Dha-yɔn? Kä buɔ̱tdu cɛ di̱t ce̱tdɛ nikɛ bäpdiit, thilɛ ram mi bi ji̱ luäŋ kɛ luäk.

Jiɛth 4:1

Mi ci da̱a̱p biɛlɛ pälɛ! Ci pääm luaak Kuɔth te ni duɔ̱pni.

Jiɛth 5:1

Kuoth Nhial liŋ min ci tuɔɔk kä kɔ, nɛn riɛkda.

Ɣocä 2:14

“Kɛ ɣöö nɔ bä jɛ pël rɔ, kä bä jɛ naŋ rɛy dɔaar bä cu ruac kɛ jɛ ni nho̱kä.

Dhɛp 2:10

Kä bi nɔmɔ a duŋdiɛn mi bä ka̱m kɛ ala duŋ liakädiɛn, kɛ kui̱ kä ɣöö ca nɛɛ Kuɔth Nhial in la Ruey Ɣɔaa kuëth kä cakɛ dɔl.

Jɔ̱ɔ̱n 11:19

Cu ji̱ Juudh ti ŋuan ben kä Mar-tha kɛnɛ Mɛri, kɛ ɣöö bikɛ kɛ ben bum kɛ kui̱ dämandiɛn.

Ŋuɔ̱t 26:7

Kä cua̱kɔ wiee nhiam Kuɔth Nhial Kuoth gua̱nikɔ, kä cuɛ jɔwda liŋ. Cuɛ canda kɛnɛ cuɔ̱cda nɛn.

Ŋuɔ̱t 32:27

duŋ mi ciɛ dualä kɛ gua̱n tɛ̈riɛn, kɛ ɣöö dëë kɛn ɛ kui̱c tha̱a̱ŋ, a bikɛ ruac ɛn ɣöö cakɔ tetkɔ woc thi̱n, Ɛ Kuoth Nhial lät kɛn ti diaal ɛ ti.’

Ŋuɔ̱t 32:29

Mi kɛ nɛy ti pɛl, deekɛ jɛ ŋa̱c, i̱ bi guutdiɛn a ŋu!

1 Pit 4:17

Kɛ ɣöö ci gua̱a̱th cop kɛ ɣöö ba luk tok, kä ba jɛ tok kɛ ji̱ dhɔaar Kuɔth. Kä mi ba jɛ tok kɛ kɔn, kä bɛ kulɛ thuɔ̱k i̱di kɛ nɛy tin lökɛ thuk Kuɔth ti gɔw?

1 Tham 1:11

Kä cuɛ ya̱c i̱, “Aɣ Kuoth Nhial in leny buɔ̱mdɛ ti diaal, mal riɛk jäŋädu guic, kä ti̱mä, cu ja̱ŋdu päl ruëëc, mocä kɛ gat, kä dëë jɛ ka̱m ji̱ kɛ nin teekädɛ diaal, kä /ci reet wi̱cdɛ dëë nɛn.”