Jiɛth 1:3 - RUAC KUƆTH IN RƐL RƆ

³ Kä kɛ ciaŋ mi jiäk kɛ la̱t mi bɛc bɛc, ca Juda naŋ ɛla pɛ̈c. Ɛn täämɛ cieŋɛ rɛy dööri, kä thilɛ jɛ gua̱a̱th. Ca jɛ göl däär ɛ ji̱ tɛ̈rɛ, kä thilɛ gua̱a̱th mi lenyɛ rɔ thi̱n.

Jiɛth 1:3 Iomraidhean Croise

2 Kua̱r 25:11

Kä cu duɔth nɛɛni tëë ci duɔth rɛy wec, kɛnɛ duɔth nɛɛni diaal tëë ci wä kä kuäär Bɛ̈-bi-lɔn cu Nɛ-bu-dhar-dan bo̱o̱th yiëëni kɛ naŋ ala pɛ̈ɛ̈c.

2 Kua̱r 25:21

Kä cu kuäär Bɛ̈-bi-lɔn kɛ näk kä Rib-laa muun Ä-math. Inɔ cua ji̱ Juda naŋ ala pɛ̈ɛ̈c muundiɛn.

2 Kua̱r 25:4

Kä cua päny wec to̱l. Cu kuäär kɛnɛ rɛm kɛɛliw rɔ̱ bar kɛ wäär kɛ duɔ̱ɔ̱p in te kam pa̱nyni da̱ŋ rɛw gekä kakä kua̱r, kä ci ji̱ Bɛ̈-bi-lɔn wec go̱l. Kä cukɛ wä kɛ kui̱ lo̱o̱lä Jɔr-dɛn.

2 Kua̱r 25:5

Duundɛ ɣöö cu rɛm ji̱ Bɛ̈-bi-lɔn kuäär guɔ̱ɔ̱r mäni mëë ca jɛ cop rɛy tɔ̱ɔ̱rä Jɛ-ri-ko. Kä cua rɛmdɛ däkä dɔɔr gekädɛ.

Bok Go̱kä ni Yir-mɛ-yaa 13:19

Ba wi̱i̱ Nɛ-gɛb diaal go̱l, bɛ thil nɛy ti wä jɛ luäk. Ba ji̱ Juda naŋ ala pɛ̈ɛ̈c.

Bok Go̱kä ni Yir-mɛ-yaa 16:16

Kä cu Kuoth Nhial wee i̱, “Nɛnɛ ɣän ja̱kä dëëp rɛc ti ŋuan, kɛ ɣöö ba rɛc wä käp. Kä kɛ kɔrɛ bä ka̱a̱k leyni ti ŋuan ja̱k, kɛ ɣöö bakɛ wä kak wuɔ̱thni päämni diaal, kɛnɛ rɛy ɣo̱tni päämni.

Bok Go̱kä ni Yir-mɛ-yaa 24:9

Ɣän bä kɛ moc riɛk mi bi ji̱ wec muɔ̱ɔ̱n diaal jak kä dual, kä bi kɛn a cäät gua̱thni diaal tin bä kɛ riaw kä thi̱n.

Bok Go̱kä ni Yir-mɛ-yaa 39:9

Kɛ kɔrɛ cu duɔth nɛɛni tëë ci duɔth rɛy wec kɛnɛ duɔth nɛɛni diaal tëë ci wä kä jɛ, ɛ naŋ kä Bɛ̈-bi-lɔn ala pɛ̈ɛ̈c Nɛ-bu-dhar-dan.

Bok Go̱kä ni Yir-mɛ-yaa 52:15

Cu Nɛ-bu-dhar-dan bo̱o̱th yiëëni tha̱a̱ŋ nath ti can kɛ duɔth nɛɛni tëë ci duɔth rɛy wec, kɛnɛ duɔth nɛɛni diaal tëë ci wä kä kuäär Bɛ̈-bi-lɔn amäni la̱a̱t diaal kɛɛl, naŋ ala pɛ̈ɛ̈c.

Bok Go̱kä ni Yir-mɛ-yaa 52:8

Duundɛ ɣöö, cu rɛm ji̱ Kɛ̈l-da-ya kuäär guɔ̱ɔ̱r. Kä cukɛ Dhid-ki-yaa cop rɛy tɔ̱ɔ̱rä Jɛ-ri-ko. Kä cua rɛmdɛ ni kɛɛliw däkä dɔɔr gekädɛ.

Jiɛth 2:9

Ci thiekni Jɛ-ru-tha-lɛm dɔp piny, kä ci Kuoth do̱o̱pnikɛ puɔ̱t. Ci kuäärɛ kɛnɛ bööthkɛ a pɛ̈ɛ̈c rɛy dööri ti̱ kɔ̱ŋ, a cikɛ thil ŋuɔ̱t, kä cɛ thil nyuuth mi lɛ̈ɛ̈ jek ɛ göökɛ, kä Kuoth Nhial.

Jiɛth 4:15

Kä cu naath kɛ jiök i̱, “Wiaa! Yɛn nɛy ti cia rɔ̱ ya̱r!” “Wiaakɛ! /Cuarɛ nɛy gueer!” Inɔ cikɛ cu yi̱i̱c rɛy nath, kä cu tha̱a̱ŋ nath wee i̱, “Akɛ /ci lɛ cieŋ kɛɛl kɛ kɔn.”

Jiɛth 5:5

Ciaŋkɛ nɛy a jiäk ɛ kɛn, cakɔ cuuc kä /cakɔ nho̱k lɔ̱a̱ŋ.

Yɛdh 5:12

Kä ba kɛl diɔ̱ɔ̱knikun näk, ɛ liaw kɛnɛ buɔth, kä ba kɛl diɔ̱ɔ̱knikun näk kɛ thɛp, kä bä kɛl diɔ̱ɔ̱knikun kiɛth rɛy jiɔam kä bäkɛ joc kɛ thɛp.

Ŋuɔ̱t 28:48

kɛ kui̱ ɛmɔ, bia lät ni ji̱ tɛ̈runikä tin bi Kuoth Nhial kɛ nöŋ yɛ. Rɛy buath kɛnɛ rɛw kɛ görkä ti diaal. Kä bɛ moc riɛk mi di̱i̱t, amäni cia li̱w.