Jiɛth 1:10 - RUAC KUƆTH IN RƐL RƆ

¹⁰ Kä ca kuakɛ diaal tin gɔw ka̱n ɛ ji̱ tɛ̈rɛ. Kä cuɛ nɛy ti thil Kuoth nɛn wäkɛ luaak Kuɔthdɛ, guäth in ci Kuoth Nhial jɛ yac ɛn ɣöö cikɛ bi wä thi̱n.

Jiɛth 1:10 Iomraidhean Croise

Ŋuɔ̱t 23:3

“Kä thilɛ raan ji̱ Am-on kiɛ raan ji̱ Mo-ab mi bi coth dolä Kuɔth Nhial. A cäŋ ɛ ri̱c in wäliɛn, thilɛ kuɛ̈ɛ̈diɛn mi bi coth rɛy dolä Kuɔth Nhial mäni cäŋ kɛl.

Bok Go̱kä ni Yir-mɛ-yaa 51:51

‘Ca kɔ moc kɛ buar, liŋ nɛy ni kuëth, ci pöc nyinkɔ diaal kum, kɛ ɣöö ci jur cop, ni gua̱thni tin rɛl gɔɔydiɛn rɔ rɛy luaak Kuɔth Nhial.’

Jiɛth 1:7

Kä cu Jɛ-ru-tha-lɛm nyinkɛ, diaal tëë wal tim kɛ ni̱n rikädɛ kɛnɛ ni̱n cucädɛ, mëë ci nɛɛkɛ pɛn tetni ji̱ tɛ̈rɛ, kä thilɛ ram mi luäk jɛ. Kä cua jɛ dɔl ɛ ji̱ tɛ̈rɛ, kɛ kui̱ däkädɛ.

Nɛ-ɣɛm-yaa 13:1

Ɛn cäŋ ɛmɔ cua bok ŋuɔ̱tni Muthɛ kuɛn kɛ jɔw mi di̱i̱t a liŋ naath ɛ. Kä cua jek ca jɛ gɔ̱r ɛn ɣöö thilɛ raan ji̱ Am-on kiɛ raan ji̱ Mo-ab mi bi wä rɛy dolä nɛɛni Kuɔth,

Mak 13:14

“Mi wä yɛn mi jiääk ɛlɔ̱ŋ mi bi Kuoth ɛ lo̱k nɛn guäth mi /ci mɔ a gua̱a̱thdɛ, (a cup lɔɔc raam mi kuɛɛn nɛmɛ), a nɛy diaal tin cieŋ kä Ju-dia rɔ̱ barkɛ wuɔ̱thni päämni.

Yɛdh 44:7

kɛ nhökdun kɛ nɛy ti thil kuoth ben rɛy luaakdä, kɛ nɛy ti /ka̱n lo̱ckiɛn kɛnɛ pua̱nykiɛn cuɛl, kɛ ɣöö ba luaakdä ben ya̱r, mi tho̱p yɛn ɣä mi̱ethdä, thiɔl kɛnɛ riɛm. Cia mat ruacdä ya̱r kɛ lätkun diaal tin jiäk.

Yɛdh 9:7

Kä cuɛ kɛ jiök i̱, “Ya̱rɛ luak, thia̱ŋɛ rɛy kal kɛ pua̱ny nɛɛni tin cia näk. Wiaa!” Inɔ, cukɛ wä cukɛ naath wä näk rɛy wec.

Yɛdh 7:22

Ɣän bä wi̱cdä riet jɔ̱ɔ̱r kä kɛ, kɛ ɣöö dëë kɛ gua̱a̱th in la duŋdä ya̱r, bi ma̱a̱c nath wä rɛydɛ, kä bikɛ jɛ ya̱r.

Bok Go̱kä ni Yir-mɛ-yaa 52:13

Kä cuɛ luak Kuɔth Nhial kɛnɛ duel kua̱r kɛ ti̱ec Jɛ-ru-tha-lɛm diaal waŋ. Kɛn ti̱ec diaal tin di̱t cuɛ kɛ waŋ.

Bok Go̱kä ni Yir-mɛ-yaa 20:5

Kä bä ria̱ŋ wec kɛɛliw, kɛnɛ kuakɛ diaal nikɛ nyinkɛ diaal kɛ kuak kua̱r Juda ka̱m ji̱ tɛ̈riɛn, tin ba kɛ pɛc kä bakɛ naŋ kä Bɛ̈-bi-lɔn.

Bok Go̱kä ni Yir-mɛ-yaa 15:13

“Ɣän bä ria̱ŋdu kɛnɛ kuaku thöp ala pɛ̈ɛ̈c, a thil kök, kɛ kui̱ dueeriku diaal, rɛy ciëŋdu kɛɛliw.

I-ca-yaa 63:18

Nɛɛku tin rɛ̈l kɛ rɔ̱ ca luaakdu kɔŋ ciɛŋ kɛ gua̱a̱th mi tɔt, kä ɛn täämɛ ci ji̱ tɛ̈ra jɛ dɔny kä piny.

Bok Go̱kä ni Yir-mɛ-yaa 50:28

“Liɛŋɛ nɛy tin ci rɔ̱ bar, tin ci rɔ̱ lëny muun Bɛ̈-bi-lɔn, lat kɛn ɛ rɛy Dha-yɔn ɛn ɣöö ci Kuoth Nhial ni Kuothdan rɔ col. Cɛ col kɛ kui̱ nɛɛnikɛ.

Ŋuɔ̱t 23:4

Kɛ ɣöö mëë bia raar kä I-jëp /ka̱n yɛ lor kɛ mi̱eth kɛnɛ pi̱, kä cua kɔk ni Bil-am gat Bɛ-or kä Pɛ-tur Mɛ-tho-po-ta-mia kɛ ɣöö bɛ yɛ ben lam.

2 Kuɛ̈n 36:18

Kä cua kuak luaak Kuɔth nikɛ yio̱wkɛ, kɛ yio̱w dhɔaar kua̱r kɛn ji̱ kɔaarɛ naŋ kä Bɛ̈-bi-lɔn kɛnɛ diaal.

Bok Go̱kä ni Yir-mɛ-yaa 27:19

Kä nɛmɛ ɛ min laar Kuoth Nhial in la Ruey Ɣɔaa jɛ kɛ kui̱ wääthni kɛnɛ dhaar puɔɔkä kɛ cuuŋni, kɛ duɔth kuakni tin ci duɔth ɛn wi̱c ɛmɛ,

Bok Go̱kä ni Yir-mɛ-yaa 27:21

Nɛmɛ ɛ jɛn mëë ci Kuoth Nhial in la Ruey Ɣɔaa ni Kuoth I-thɛ-rɛl jɛ lar kɛ kui̱ kuakni tëë ci duɔth rɛy luaak Kuɔth Nhial kɛnɛ dhɔr kua̱r Juda kɛnɛ Jɛ-ru-tha-lɛm.