Je-mɛth 4:4 - RUAC KUƆTH IN RƐL RƆ

⁴ Yɛn nɛy tin /ca ŋäth! /Ci yɛn ɛ ŋäc ɛn ɣöö maar kɛ ɣɔw lotdɛ ni ɣöö tɛri kɛ Kuoth? Kɛ kui̱ ɛmɔ ram mi go̱o̱r ɣöö ba määth ɣɔaa, jakɛ ni rɔɔdɛ kä gua̱n tɛ̈r kɛ Kuoth.

Je-mɛth 4:4 Iomraidhean Croise

Tuk Cäkä Ɣɔaa 3:15

Bä kamdun yɛnɛ ciek moc kɛ tɛr, amäni kam ganku kɛnɛ gaatkɛ. Ba wi̱cdu kuɛm ɛ kɛn, kä bi ŋul cio̱kdiɛn kac.”

Diit 21:8

Bi kuäär ji̱ tɛ̈rɛ diaal käp, bi nɛy diaal tin lökɛ ji̱ käp.

Diit 50:18

Mi cia wään nɛn, bi rɔ̱ cu ma̱t jɛ, kä bi cu te ni kɛɛl kɛ dho̱o̱m.

Diit 73:27

Ɛ nɛy diaal tin nɔ̱a̱n kɛ ji̱ li̱w, kä däk nɛy diaal tin /ci gɔw kɛ ji̱.

I-ca-yaa 57:3

Duundɛ ɣöö bia wa̱nɛ mi, bia yɛn gaat ti̱tni, yɛn gaat dhöömni kɛnɛ lëër.

Bok Go̱kä ni Yir-mɛ-yaa 2:2

“Wër lät ni ruac ɛmɛ ji̱ Jɛ-ru-tha-lɛm, laar Kuoth Nhial jɛ i̱, ‘Ɣän cä ŋa̱th ŋuɛɛtädu tim, kɛnɛ nhök kaathädu, kɛ guur ëë guuri ni ɣä däärdɔaar mi luɔ̱t mi /ca dee pith.

Bok Go̱kä ni Yir-mɛ-yaa 9:2

Kä ɣän cua̱ go̱r ni mi ta̱a̱ kɛ gua̱a̱th cieŋä rɛy dɔaar ciëŋ mi la ja̱a̱l duɔ̱p a ni̱n thi̱n, ɣän dëë nɛɛkä ba̱ny piny dëë jiɛɛn kä kɛ! Kɛ ɣöö kɛn diaal nɛy ti dhööm, kɛ buɔ̱n nɛɛni ti thil ŋa̱th.

Yɛdh 16:32

Ler ciëk in la wä päth ni ja̱a̱l duɔ̱pni kɛ gua̱a̱th cɔaadɛ!

Ɣocä 3:1

Kä cu Kuoth Nhial Ɣocä jiök i̱, “Wër nyɔk ciekdu kɛ mi nhɔki jɛ, cäŋ ni mɔ nhɔkɛ nɛy kɔ̱kiɛn ɔ, kä ɛ ler. Nhɔk ɛ ce̱tkɛ mɔ nhɔakä ji̱ I-thɛ-rɛl ɔ, kä guɔ̱ɔ̱rkɛ ni kuth ti guäy, kä käm kɛn nikɛ luurikiɛn.”

Mɛ̈t 12:39

Kä cuɛ kɛ loc i̱, “Ri̱c mi jiääk mi thil Kuoth go̱o̱ri ni nyuuth, kä thilɛ mi ba lät kä jɛ ɛ ni nyuuth go̱kä ni Jona.

Mɛ̈t 16:4

Ri̱c mi jiääk mi dho̱o̱m go̱o̱rɛ ni nyuuth mi gääy naath, thilɛ nyuuth mi ba ka̱m jɛ ɛ ni nyuuth Jona kärɔa.” Kä inɔ, cuɛ kɛ ba̱ny piny, cuɛ jiɛɛn.

Mɛ̈t 6:24

“Thilɛ ram mi dee kua̱r da̱ŋ rɛw latdi kä, bɛ kɛl nyir, kä bɛ min dɔ̱diɛn nhɔk, kiɛ bɛ lɔcdɛ kɛɛliw ka̱m kɛl, kä bɛ min dɔ̱diɛn cany. Yɛn /cia Kuoth kɛnɛ ria̱ŋ dee latdi kä.”

Luk 19:27

Kä kɛ kui̱ ji̱ tɛ̈rä ti̱ti̱, tin lökɛ ɣöö bäkɛ ruac, nööŋɛ kɛ wanɛ mɛ, kä na̱kɛ kɛ nhiamdä.’ ”

Jɔ̱ɔ̱n 15:19

Mi lapɛ ji̱ ɣɔaa, dee ɣɔw yɛ nhɔk. Kä kɛ ɣöö /ci yɛn a ji̱ ɣɔaa, kä cä yɛ mɛk rɛy ɣɔaa. Kɛ kui̱c ɛmɔ ɛ jɛn nyir ɣɔw ɛ yɛ mɔ.

Jɔ̱ɔ̱n 17:14

Ɣän cä kɛ ka̱m ruacdu, kä nyir ɣɔw kɛ, kɛ ɣöö /cikɛ ji̱ ɣɔaa, ce̱tkɛ min /ci ɣän a raan ɣɔaa.

Jɔ̱ɔ̱n 7:7

/Ci ɣɔw yɛ dee nyir, kä nyiirɛ ɣä, kɛ ɣöö cä ruac nenä lat ɛn ɣöö jiäk lätkɛ.

Ji̱ Röm 5:10

Kɛ ɣöö mëë ŋot kɔn ala ji̱ tɛ̈r Kuɔth, ca kɔn luɔc maarä kɛ lia̱a̱ Gatdɛ. Kä min di̱t ni jɛn ɛn täämɛ, ɛ ɣöö kɔn luɔc maar, kä ba kɔn kän kɛ tëkdɛ.

Ji̱ Röm 8:7

Kɛ kui̱c ɛmɔ ca̱r wec ran kɛ nyin ri̱eŋ tëëkɛ gɛ̈m kɛ Kuoth, kä /cɛ rɔ käm ŋut Kuɔth, ɛpuc /cɛ jɛ luth.

1 Kor 1:20

Ram mi pɛl anikä? Kä ram in ŋäc gɔ̱a̱r anikä? Kä gua̱n ŋaknɔmä ɣɔaa ɛmɛ anikä? Kä /ken Kuoth pɛl ɣɔaa ɛmɛ jakä dɔ̱ɔ̱r?

1 Kor 1:21

Kɛ ɣöö rɛy pɛlä Kuɔth, /ken ɣɔw Kuoth ŋa̱c kɛ pɛlɛ ɛmɛ. Ci Kuoth ɛ lar ɛn ɣöö bɛ nɛy ti tekɛ ŋa̱th kän kɛ dɔ̱ɔ̱r latädan kɛ ruaacnikɛ.

Ji̱ Gä-lëë-cia 1:10

Täämɛ, caar yɛn ɛ göörä ni liak kä naath, kiɛ kä Kuoth? Kiɛ göörä ni ɣöö bä lo̱c nath jakä tɛth? Mi ŋuɔtdä göörä ni ɣöö lo̱c nath jakä tɛth, /ci ɣän bi a kuany Kritho.

Je-mɛth 1:27

Ciaŋ ŋäthä min gɔaa pa̱ny kä /ka̱n nyon nhiam Kuɔth in la Gua̱a̱ra ɛ nɛmɛ, ɛ ɣöö bi tit ni gaat ti rɛ̈tni kɛnɛ män jɔɔkni rɛy riknikiɛn, kɛnɛ ɣöö bia rɔ̱ gaŋ a thil mɛ̈ɛ̈ny kä ɣɔw ɛ jiääk ɛmɛ.