Je-mɛth 2:2 - RUAC KUƆTH IN RƐL RƆ

² Kɛ ɣöö, mi tëë wut mi tekɛ ciik yiɛtni ti da̱a̱pni kɛnɛ bieyni ti gɔw mi ci ben dolädun, kä ci wut mi can mi tekɛ bieyni ti ci lɔth ben bä,

Je-mɛth 2:2 Iomraidhean Croise

Tuk Cäkä Ɣɔaa 27:15

Kä cu Rɛ-bɛ-ka bieyni E-thɔ ka̱n, kɛn bieyni tin gɔw ni kɛn pa̱ny tëë cɛ tɔ̱w due̱e̱l kɛ jɛ kɛɛl, kä cuɛ kɛ la̱th puɔ̱ɔ̱ny Je-kɔb.

Ɛth-ter 3:10

Inɔ, cu kuäär tiɛl yɛtdä min la thäny kɛ jɛ ka̱m raar yɛtädɛ, kä cuɛ ka̱m Ɣa-man, gat Ɣɛ̈-mɛ-da-thɔ min la raan Ä-gag, min la gua̱n tɛ̈r ji̱ Juudh.

Ɛth-ter 8:2

Kɛ kɔr ɛ, cu kuäär tiɛl yɛtädɛ mëë tɛɛtdɛ kä Ɣa-man ka̱m raar yɛtädɛ, kä cuɛ jɛ ka̱m Mɔr-da-kay. Kä cu Ɛth-ter dhɔr Ɣa-man cu ka̱m Mɔr-da-kay bä.

I-ca-yaa 64:6

Ci kɔn diaal cu ce̱tnikɛ ram mi ci rɔ nyon, ci lät cuŋnikɔ diaal cu ce̱tnikɛ bi̱i̱ mi ci lɔth. Ci kɔn diaal cu rɔɔl ce̱tnikɛ ji̱th jiaath, jiäkɔ ce̱tkɛ nikɛ kɔaŋ cakɔ cu buath jɔ̱ɔ̱r.

Luk 15:22

Kä cu gua̱n ji̱ läätädɛ jiök i̱, ‘Wiaa, nöŋɛ bi̱i̱ in gɔaa ni jɛn kɛ pɛ̈th, kä la̱thɛ jɛ puɔ̱nydɛ. Kä kuëŋɛ tiɛl yiɛtädɛ kɛnɛ wa̱a̱ri ciöknikɛ.

Luk 23:11

Cu mäni Ɣɛ-rod kɛnɛ lathkëërikɛ cukɛ jɛ la̱t a jiäk, kä cukɛ jɛ buy. Cua jɛ jäk kä jɔk kä Pay-lɛt a ca jɛ rony kɛ bi̱i̱ mi gɔaa.

Je-mɛth 2:3

kä mi bia luɔ̱th ni wut in tekɛ bieyni ti gɔw, a wä yɛn i̱, “Kɛ puɔ̱ny kɔ̱a̱cdu, nyuuri wi̱i̱ kɔam ɛmɛ,” kä jiökɛ ram in can i̱, “Cuŋni wi̱nɛ mi,” kiɛ “Nyuuri piny ciöknikä.”