Je-mɛth 1:12 - RUAC KUƆTH IN RƐL RƆ

¹² Puɔ̱th akɛ ram mi ci ɣɔ̱ɔ̱n rut, kɛ ɣöö mi cɛ ɣɔ̱ndɛ luäŋ, bɛ muc teekä min cɛ lar ka̱m nɛy tin nhɔakɛ jɛ.

Je-mɛth 1:12 Iomraidhean Croise

Tuk Cäkä Ɣɔaa 22:1

Kɛ kɔr kä ti̱ti̱ diaal cu Kuoth A-bɛ-ram ɣɔ̱n. Cuɛ ciöt i̱, “A-bɛ-ram!” Cu A-bɛ-ram ɛ loc i̱, “Ɣän ɛn.”

Nɛ-ɣɛm-yaa 1:5

Kä cua̱ wee i̱, “Aɣ Kuoth Nhial in la Kuoth Puɔ̱rä, Kuoth in bum kä luɔ̱thkɛ, kä tiit mat ruac kɛnɛ nhök in thil pek kɛ nɛy tin nhɔakɛ ji̱ kä luth ŋuɔ̱tku,

I-yob 2:10

Kä cuɛ ciekdɛ loc i̱, “Ji̱n ruaci nikɛ ruac ciek mi dɔ̱a̱r. A banɛ ku nhɔk ni gɔy kä Kuoth Nhial kärɔ̱, kä /canɛ jiäk bi nhɔk?” Kɛ kui̱ kä ti̱ti̱ diaal /ken I-yob duer la̱t kɛ tin latdɛ.

I-yob 5:17

“Puɔ̱th akɛ ram in ci Kuoth jɛ nyuɔ̱ɔ̱th. Kɛ kui̱c ɛmɔ /cu nyuuth Kuɔth in leny buɔ̱mdɛ ti diaal lo̱k.

Diit 11:5

Kuoth Nhial ɣɔ̱nɛ gua̱n cuŋni kɛnɛ gua̱n nyuɔɔni, kä lo̱k ti̱eydɛ ram in nhɔk ni ko̱r.

Diit 119:67

Mëë /ka̱n ni cuuc ta̱a̱ bathä, duundɛ ɣöö tiɛɛtdä ŋuɔ̱tku.

Diit 119:71

Ɛ mi gɔaa ɛn ɣöö cä cuuc, kɛ ɣöö bä luëëku ŋa̱c.

Diit 119:75

Kä ŋa̱cä jɛ lö Kuoth Nhial ɛn ɣöö lukdu ɛ cuɔ̱ɔ̱ŋ, kä ɛ cuɔ̱ɔ̱ŋ kä ji̱ ɛn ɣöö bi ɣä luk.

Diit 5:11

Duundɛ ɣöö ɛ nɛy diaal tin guɔ̱ɔ̱rkɛ ji̱ jëkɛ tɛ̈th lɔaac, kä ala ki̱t nikɛn kɛ tɛ̈th lɔaac. Gaŋkɛ, kɛ ɣöö nɛy tin ŋa̱thkɛ ciötdu, bi lo̱ckiɛn tɛɛth kɛ ji̱.

Diit 94:12

Tɛ̈th lɔaac akɛ nɛy tin ci Kuoth Nhial kɛ luek, kɛn nɛy tin cɛ nyuɔ̱ɔ̱th kɛ ŋuɔ̱tkɛ,

Ɣöth 20:6

kä la nyuɔ̱thä nhökdä mi /ci rɔ wany ka̱a̱th ti kur ti bath dɔɔr kä nɛy tin nhɔakɛ ɣä kä ka̱pkɛ laatkä.

Ruac Pɛli 17:3

Kä da̱a̱p kɛnɛ ciɛk in bo̱r ɣɔ̱a̱nkɛ kɛ kɛ mac, kä lo̱c nath ɣɔ̱a̱nkɛ kɛ ɛ Kuoth Nhial.

I-ca-yaa 64:4

Thilɛ ram mi ci jɛ liŋ ni wal, thilɛ ji̱th mi ci jɛ liŋ, kä thilɛ waŋ mi ci Kuoth mi dɔ̱ŋ nɛn mi /ci mɔ a ji̱n, mi lät kɛ kui̱ nɛɛni tin liɛpkɛ ji̱.

Dhɛk 13:9

Kä bä tin kuiynikɛn la̱th maac, kä bäkɛ lɛy ce̱tkɛ min la raan ciɛk in bo̱r a lɛɛy, kä bäkɛ ɣɔ̱n ce̱tkɛ min la raan da̱a̱p ɛ ɣɔ̱n. Kä bikɛ ɣä pal, kä bäkɛ liŋ. Kä bä wee i̱, ‘Kɛ nɛɛkä.’ Kä bikɛ wee i̱, ‘Kuoth Nhial Kuothda.’ ”

Mɛ̈t 10:22

Kä ba yɛ nyir ɛ nɛy diaal kɛ kui̱ cio̱tädä. Kä ba ram mi tee dhieel amäni pek teekädɛ kän.

Mɛ̈t 25:34

Kä bi Kuäär nɛy tin te cueecdɛ jiök i̱, ‘Bia, lö nɛy tin ca poth ɛ Gua̱a̱r, ka̱nɛ nyin kuäärä tëë ca rialikä kɛ kui̱dun ni tukä ɣɔaa.

Luk 6:22

“Ca yɛ poth mi nyiir naath yɛ, kä wuɔckɛ yɛ rɛydiɛn, kä la̱tkɛ yɛ kä jiäk, kä lökɛ yɛ kɛ kui̱ cio̱tdä Gatdä Ran.

Ji̱ Röm 5:4

kä ruɔ̱t no̱o̱ŋɛ ciaŋ wutdä, kä ciaŋ wutdä no̱o̱ŋɛ ŋa̱th kɛ mi bi ben.

Ji̱ Röm 8:28

Ŋäc kɔn ɛ rɛy kä ti diaal, i̱ lät Kuoth kɛ kui̱ gɔɔyä nɛɛni tin nhɔakɛ jɛ, tin ca cɔl ce̱tkɛ luɔtdɛ.

1 Kor 2:9

Ce̱tkɛ mëë ca gɔ̱r i̱, “Min /ken waŋ ɛ met nɛn, /ken ji̱th ɛ met liŋ, kä mi /ken raan ɛ car kɛ lɔcdɛ, ɛ jɛn min ci Kuoth ɛ rialikä, kɛ kui̱ nɛɛni tin nhɔakɛ jɛ.”

1 Kor 8:3

Kä duundɛ ɣöö mi nhɔk raan Kuoth, jɛn ŋäc Kuoth ɛ.

1 Kor 9:25

Nɛy diaal tin ko̱o̱ŋ kɛ ŋa̱a̱ri yuɔpkɛ rɔ̱ kä ŋɔaani diaal. Lät kɛn ɛ kɛ kui̱ kä ɣöö bikɛ muc mi bi thuuk jek, kä kɔn kööŋnɛ kɛ mi /ci bi met thuuk.

Ŋuɔ̱t 13:3

/Cu jɛ liŋ ɛn gök ɛmɔ kiɛ ɛn läät la̱a̱kni ɛ mɔ. Kɛ ɣöö Kuoth Nhial Kuothdu ɣɔ̱nɛ ni ji̱, kɛ ɣöö bɛ ŋa̱c mi nhɔki jɛ kɛ lɔcdu kɛɛliw kɛnɛ ca̱ru kɛɛliw.

Ŋuɔ̱t 7:9

Kɛ ɣöö Kuoth Nhial Kuothdun ɛ Kuoth mi gɔaa mi gua̱n nhökä, tiitdɛ gukdɛ kɛnɛ nhökdɛ min thil pëk kɛ nɛy tin nhɔakɛ jɛ, kä tiɛtkɛ luëëkɛ kä ri̱c ti bathdɔɔri.

Ŋuɔ̱t 8:2

Carɛ dup diaal tëë bööth Kuoth Nhial kɛ ni kɔn kɛ run ti jiɛɛn ŋuaan däär dɔaar, tëë ɣɔ̱nɛ ni lo̱ckun kɛ ɣöö bɛ ŋa̱c ɛŋu mi caar yɛnɛ. Mi derɛ luëëkɛ tit kiɛ cia kɛ dëë tit.

2 Tim 2:15

Lätni kɛ pek luäŋädu a bi rɔ nyuɔ̱th Kuoth ce̱tkɛ ram mi cɛ nhɔk, raan la̱t mi /ci jɛ go̱r ɛn ɣöö bɛ pöc, mi lat ni ruac thukä a cuŋ.

2 Tim 4:8

A tɛmɛ ni ɛn täämɛ a wä nhiam ca kum kuäärä cuŋni tɔ̱a̱w ɣä, min bi Kuäär ni Yecu in la luuk cuŋni jɛ ka̱m ɣä ɛn cäŋ ɛmɔ, kä /ciɛ ɣän kärɔa, amäni nɛy diaal tin liɛpkɛ jɔacdɛ bä.

Ji̱ Ɣi-bɛ-ru 10:32

Kä tiɛmɛ ni̱n tëë kɔn, tëë cia ruut ni rik ti ŋuan ti buɔ̱m buɔ̱ɔ̱m, kɛ kɔr kä mëë cia thuɔ̱k ŋa̱c.

Ji̱ Ɣi-bɛ-ru 11:17

Kɛ ŋa̱th cua, A-bɛ-ram ɣɔ̱n, cuɛ Ay-dhɛk thöp ala muc. Kä ɛ jɛn ram ëë ci Kuoth ɛ la̱t ruac, cuɛ jɛ nhɔk bä ɛn ɣöö bɛ gatdɛ kɛl kärɔa thöp Kuoth ala muc.

Ji̱ Ɣi-bɛ-ru 12:5

Cia rieet comä tin cɔɔl yɛ gaatkɛ pa̱l ruëëc tin wee i̱, “Gatdä, /cu luek Kua̱r ni Kuoth car ala mi tɔt, kä a lɔcdu /ci bath, mi cɛ ji̱ duäc.

Ji̱ Ɣi-bɛ-ru 6:15

Kä inɔ, mëë ci A-bɛ-ram li̱ep bitdä, cuɛ puɔ̱th ëë ca lat ɛ Kuoth jek.

Je-mɛth 2:5

Yɛn, dämaari ti nhɔakä, liɛŋɛ jɛ. /Ken Kuoth nɛy ti can wi̱i̱ muɔ̱ɔ̱n ɛmɛ mɛk kɛ ɣöö bikɛ ria̱ŋ kɛ ŋa̱th, kä bikɛ a dieel kuäärä min ci Kuoth ɛ lar i̱ bɛ ka̱m nɛy tin nhɔakɛ jɛ?

Je-mɛth 5:11

Ɛ puc cɔɔl kɔn kɛ i̱ ti ca poth kɛn nɛy tin tekɛ dhi̱eel. Cia dhi̱eel I-yob liŋ, kä cia ca̱p Kua̱r ni Kuoth nɛn, ɛn ɣöö Kuäär gɔaaɛ kä kɔ̱c lɔcdɛ.

1 Pit 3:14

A cäŋɛ mi cuc yɛn kɛ lätnidun kɛ ciaaŋ cuŋni, ba yɛ poth. /Cuarɛ dual kɛ min dual kɛ kɛ, kä /cuarɛ diɛɛr.

1 Pit 4:13

Kä a tɛth ni lo̱ckun ce̱tkɛ mi ruut yɛn bɛ̈c bɛ̈ɛ̈c Kritho kɛ jɛ kɛɛl, kɛ ɣöö dee lo̱ckun tɛɛth bä, mi wä buaydɛ wä jɔɔc.

1 Pit 4:14

Mi ca yɛ kuëth kɛ kui̱ cio̱tdä Kritho, ca yɛ poth, kɛ ɣöö te yiëë buɔyä min la Yiëë Kuɔth kɛ yɛ.

1 Pit 5:10

Kɛ kɔr kä mi cia cuuc kä mi tɔt, bi Kuoth in tekɛ puth diaal min ci yɛ cɔal rɛy buɔyädɛ min do̱raar rɛy Kritho, jɛn puɔ̱nydɛ bɛ yɛ luäk kä bɛ yɛ jakä bum, kä bɛ yɛ jakä cuŋ a bum.

1 Pit 5:4

Kɛ ɣöö mi wä Yieen Deet in di̱i̱t wä jɔɔc bia kum kuäärä mi buɔy mi /ci bi met yaaw jek.

1 Jɔ̱ɔ̱n 4:19

Nho̱k kɔn, kɛ ɣöö cɛ kɔn nhɔk kɛ nhiam.

Nyuuth 2:10

/Cuarɛ dual kɛ mɔ bi yɛ jak kä cuc ɔ. Nɛ̈nɛ jɛ, go̱o̱r gua̱n jiäkni ɣöö bɛ tha̱a̱ŋkun naŋ dueel yieenä, kɛ ɣöö dëë yɛ ɣɔ̱n, kä bia tekɛ rikɛ kɛ ni̱n da̱ŋ wäl. Ka̱pɛ ŋa̱thdun a bum amäni lia̱a̱, kä bä yɛ ka̱m kum teekä.

Nyuuth 3:19

Ɣän luëkä kä dua̱a̱cä nɛy tin nhɔakä. Kä ɛnɔ latdɛ thuɔ̱k kä rietdɛ rɔ dueeri.

Nyuuth 3:21

Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.