Je-mɛth 1:10 - RUAC KUƆTH IN RƐL RƆ

¹⁰ kä ɛ Krith-cin mi riäŋ riäŋ lɔcdɛ gɔaa mi ca jɛ luɔ̱c piny, kɛ ɣöö ram mi riäŋ bɛ thuɔ̱k ce̱tkɛ gaakni juaacni dɔaar.

Je-mɛth 1:10 Iomraidhean Croise

I-yob 14:2

Ce̱t ta̱a̱dɛ kɛ gaak juacä mi la päl kä bi li̱w, ce̱tdɛ kɛ ti̱eep in /ci la jäny.

Diit 102:11

Ni̱nkä ce̱tkɛ nikɛ ti̱eep thiaŋ, cä cu kööt ce̱tkɛ juaac.

Diit 103:15

Kä kɛ ɣöö raan ce̱t tëkdɛ kɛ ta̱a̱ juaacni, la raan a pith ce̱tkɛ gaakni juaacni rɛy ka̱a̱kni.

Diit 37:2

Kɛ ɣöö bikɛ rɔɔl niɛ täämɛ ce̱tnikɛ juaac, bikɛ li̱w niɛ täämɛ ce̱tnikɛ juaac ti tɔ̱ɔ̱c.

Diit 39:6

Ɛ puc raan ce̱tdɛ nikɛ ti̱ep, ɛ puc, lät ran diaal kɛ lɔar. La dol kɛn ti ŋuan kä /kueckɛ ram in bikɛ cam.

I-ca-yaa 40:6

Kä tëë kɛ jɔw mi wee i̱, “Lat ruac!” Kä cua̱ wee i̱, “Kä bä lat ni ŋu?” Lat ɣöö nɛy diaal bikɛ ce̱tnikɛ juaac, bi gɔɔydiɛn ce̱tnikɛ gaakni juaacni dɔaar.

I-ca-yaa 40:7

Kɛn juaac cikɛ rɔɔl, kä ci gaakni pɛ̈ɛ̈n, kɛ ɣöö ci Kuoth Nhial kɛ ŋök yiëëdɛ, kɛ thuɔ̱k ci naath ce̱tnikɛ juaac.

I-ca-yaa 57:15

Kä cu Kuoth in te nhial min rɛl rɔ, min tëk a thil pek, min rɛl ciötdɛ rɔ wëë i̱, “Ɣän ciëŋä nhial guäth mi rɛl rɔ, kä ciëŋä bä kɛɛl kɛ nɛy tin jiɛth lo̱ckiɛn kä kɔ̱c, kä muɔɔcä nɛy tin kɔ̱c kɛ tëk, kä lua̱kä nɛy tin jiɛth lo̱ckiɛn.

I-ca-yaa 66:2

Kɛn ti diaal ti̱ti̱ lätkɛ ɣän, kä ci kɛn diaal cu te wa̱nɔ. Nɛmɛ ɛ jɛn ram min bä guic, jɛn ram in kɔ̱c kä thil liak, jɛn min dual kɛ ruacdä,” ruac ni ɣän Kuoth Nhial.

Mɛ̈t 5:3

Cu Yecu wee i̱, “Puɔ̱th akɛ nɛy tin ŋa̱ckɛ rɔ̱ ɛn ɣöö kɛ can rɛydiɛn, kɛ ɣöö kuäär nhial ɛ duŋdiɛn.

Mɛ̈t 6:30

Mi runy Kuoth juaac dɔaar ikä, tin tëk kä iruun bakɛ pɛt, /cɛ yɛ bi runyikä bä, yɛn nɛy ti kuiy ŋa̱thdun?

1 Kor 7:31

kä nɛy ti tekɛ maar kɛ ɣɔw cieŋ ce̱tkɛ nɛy ti thil maar kɛ jɛ. Kɛ ɣöö ta̱a̱ ɣɔaa ɛmɛ wee kɛ mi thukɛ.

Ji̱ Pi-li-pi 3:8

Ɛpuc, ɣän caarä ŋɔak diaal ce̱tkɛ ti ci bath kɛ kui̱ gɔɔyä ŋäcä Yecu Kritho Kuäärä. Kɛ kui̱dɛ cä ŋɔaani diaal bath, kä caarä kɛ ce̱tkɛ kɛ nuɔɔr kɛ ɣöö dëë Kritho jek,

1 Tim 6:17

Kɛ kui̱ nɛɛni tin te rɛy ɣɔaa ɛmɛ tin riäŋ, luëëkä kɛ, ɛn ɣöö /cikɛ rɔ̱ bi liak, kä /cikɛ ŋa̱th lo̱cnikiɛn bi ka̱m ria̱ŋ mi tekɛ diw, kä ba la̱th ni ŋa̱thdiɛn kä Kuoth min riäŋ kɔn kɛ ŋɔak diaal tin bi lo̱ckɔn tɛɛth kɛ kɛ.

Je-mɛth 4:14

Kä ŋotdɛ kui̱c yɛn min bi tuɔɔk iruun. Tëkdun ɛŋu? Ce̱t yɛn kɛ rur min la jɔc kɛ gua̱a̱th mi tɔt kä bɛ cu riaw.

1 Pit 1:24

Ci ruac Kuɔth wee i̱, “Ce̱t nɛy diaal kɛ juaac, kä ce̱t wuɔ̱t nath kɛ gaakni juaacni. Juaac la rɔlkɛ, kä la pɛn gaaknikiɛn,

1 Jɔ̱ɔ̱n 2:17

Ɣɔw kɛnɛ nyinkɛ bikɛ thuɔ̱k, kä duundɛ ɣöö nɛy tin la̱tkɛ ruac Kuɔth bikɛ tëk amäni cäŋ kɛl.