Ɣöth 6:3 - RUAC KUƆTH IN RƐL RƆ

³ Cä rɔɔdä nyuɔ̱th A-bɛ-ram, kɛ Ay-dhɛk, kä cua rɔɔdä lɛ ni nyuɔ̱th Je-kɔb, ala Kuoth in le̱ny buɔ̱mdɛ ti diaal, kä /ka̱n rɔɔdä nyuɔ̱thkɛ kɛ ciötdä min rɛl rɔ ni Kuoth Nhial.

Ɣöth 6:3 Iomraidhean Croise

Tuk Cäkä Ɣɔaa 13:18

Ɛ jɛ nɔ, cu Ab-ram kɛmɛdɛ cu ɣöth kä cuɛ jɛ wä pua̱t gekä jiɛn Ma-mɛ-ri kä Ɣɛb-ron kä cuɛ Kuoth Nhial ta̱th yi̱k ɛn wi̱ni.

Tuk Cäkä Ɣɔaa 17:1

Mëë ci Ab-ram tekɛ run ti jiɛn bäŋuan wi̱cdiɛn bäŋuan, cu Kuoth Nhial rɔ nyuɔ̱th jɛ kä cuɛ jɛ jiök i̱, “Ɛ ɣän Kuoth in le̱ny buɔ̱mdɛ ti diaal. Liŋ ruaacnikä kä lätni ni min la thuɔ̱k.

Tuk Cäkä Ɣɔaa 22:14

Kɛ kui̱ ɛmɔ cuɛ gua̱a̱th ɛmɔ cɔl i̱ Kuoth Nhial ŋunɛ ŋɔak. Ɛ jɛ nɔ, amäni täämɛ la lar naath ɛ i̱, “Wi̱i̱ pa̱a̱m Kuɔth Nhial jek kɛ duɔ̱ɔ̱r thi̱n.”

Tuk Cäkä Ɣɔaa 28:3

Ba ji̱ poth ɛ Kuoth in le̱ny buɔ̱mdɛ ti diaal, kä bɛ ji̱ moc gaat ti ŋuan, kä bɛ ji̱ jak kä döör ti ŋuan.

Tuk Cäkä Ɣɔaa 35:11

Ɛ jɛn cu Kuoth ɛ ku jiök i̱, “Ɛ ɣän Kuoth in le̱ny buɔ̱mdɛ ti diaal, di̱eth rɔ kä a kuayku rëpkɛ rɔ̱, kä ɛpuc bikɛ a mat dööri ti ŋuan, kä bi rɛydiɛn tekɛ kua̱r ti di̱t.

Tuk Cäkä Ɣɔaa 48:3

Cuɛ Jo-thɛp jiök i̱, “Ci Kuoth in le̱ny buɔ̱mdɛ ti diaal rɔ nyuɔ̱th ɣä mëë ta̱a̱ wec in cɔal i̱ Luudh ro̱o̱l Kɛ-naan, kä ɛn thɔ̱ŋi i̱ cɛ ɣä poth,

Diit 68:4

Puanyɛ Kuoth, puanyɛ ciötdɛ kɛ diit, rialɛ duɔ̱ɔ̱p mi di̱i̱t ikä kɛ kui̱dɛ ɛn ram in jäl rɛy pua̱a̱ri, jɛn min cɔalkɛ ciötdɛ Kuoth Nhial, ɛ lɔcdu tɛth nhiamdɛ!

Diit 83:18

Ɛ jɛ ba ŋa̱c ɛ kɛn ɛn ɣöö ɛ ji̱n kä rɔa, ɛn min cɔalkɛ ciötdɛ Kuoth Nhial, ɛ ji̱n in la Ruey Ɣɔaa ni kɛɛliw.

Ɣöth 15:3

Kuoth Nhial ɛ raan ko̱o̱r, cɔal ciötdɛ i̱ Kuoth Nhial.

Ɣöth 23:21

Niɛkɛ rɔ̱, kä liɛŋɛ ruacdɛ, /cuɔrɛ gua̱c kɛ jɛ, kɛ ɣöö /cɛ duerun bi päl, kɛ ɣöö ta̱a̱ kɛɛl kɛ jɛ.

Ɣöth 3:14

Cu Kuoth Muthɛ jiök i̱, “Ɛ ƔÄN MI TE WANƆ.” Kä cu Kuoth Nhial wee jiök ni kɛ i̱, “Min cɔali ɛ ɣän min te wa̱nɔ ci ɣä jäk kä yɛ mɔ.”

I-ca-yaa 42:8

Ciötdä ɛ jɛn Kuoth Nhial, /cä buaydä bi thöp ram mi dɔ̱ŋ, kä /cä liakdä bi ka̱m kuth jiɛn.

I-ca-yaa 44:6

Nɛmɛ ɛ min ci Kuoth Nhial ɛ lar, Kuäär I-thɛ-rɛl kä Lueelɛ, ɛn Kuoth Nhial in la Ruey Ɣɔaa wëë i̱, “Ɛ ɣän min nhiam kä min jɔak, kä thilɛ Kuoth mi dɔ̱ŋ ɛ ni ɣän.

Bok Go̱kä ni Yir-mɛ-yaa 16:21

“Kɛ kui̱ ɛmɔ, ɣän bä kɛ nyuɔ̱th, kɛ nɛmɛ ɣän bä kɛ nyuɔ̱th buɔ̱mdä kɛnɛ lua̱ŋdä. Kä bi kɛ jɛ ŋa̱c ɛn ɣöö cɔalkɛ ciötdä i̱ Kuoth Nhial.”

Bok Go̱kä ni Yir-mɛ-yaa 33:2

kä cu Kuoth Nhial in cak ɣɔw, kä min yiɛth jɛ piny min cɔalkɛ ciötdɛ i̱ Kuoth Nhial wee i̱,

Yɛdh 20:5

läri jɛ kɛ ɛn ɣöö mɛmɛ laarɛ ɣän Kuäär ni Kuoth Nhial i̱, ‘Kɛ jɛn cäŋ ëë mɛ̈ɛ̈kä ni ji̱ I-thɛ-rɛl, cua̱ rɔɔdä ya̱c kuay thuɔk duëël Je-kɔb, cua̱ rɔɔdä nyuɔ̱thkɛ muun I-jëp, Cua̱ rɔɔdä ya̱ckɛ ɛn ɣöö ɛ ɣän Kuoth Nhial ni Kuothdun.

Yɛdh 37:13

Kä bi yɛn ɛ cu ŋa̱c ɛn ɣöö ɛ ɣän Kuoth Nhial, mi wa̱a̱ kɔ̱a̱k kunyädun wä lɛp, kä bä yɛ ka̱m raar rɛy kɔ̱a̱knikun, lö nɛɛkä.

Yɛdh 37:6

Ɣän bä räl kɛnɛ ri̱ŋ la̱th puɔ̱ɔ̱nydun, kä bä yɛ cu kum kɛ guɔ̱p. Kä bä yiëë cu la̱th rɛydun, kä bia cu tëk. Kä bi yɛn ɛ cu ŋa̱c ɛn ɣöö ɛ ɣän Kuoth Nhial.”

Jɔ̱ɔ̱n 8:58

Kä cu Yecu kɛ jiök i̱, “Ɛpuc, ɛpuc, ɣän la̱rä jɛ yɛ, mëë ŋot A-bɛ-ram ɛ /ka̱n ɛ ni dap, ta̱a̱ wa̱nɔ.”

Nyuuth 1:4

Jɔ̱ɔ̱n gɔ̱rɛ mɛmɛ duël Kuɔth da̱ŋ bärɔw tin te kä E-cia. A puɔ̱th kɛnɛ mal tekɛ yɛ, min bëë kä ram in te thi̱n, kä ci kɔŋ te thi̱n, kä bi ben. Min bä kä yiey da̱ŋ bärɔw tin te nhiam kɔam kuäärädɛ,

Ruth 1:20

Kä cuɛ kɛ loc i̱, “/Cuɔrɛ ɣä cɔl i̱ Na-omi, cɔalɛ ɣä i̱ Mara, kɛ ɣöö ci kuoth in le̱ny buɔ̱mdɛ ti diaal lɔcdɛ kɛ̈c ɛlɔ̱ŋ kɛ ɣä.