Ɣöth 6:1 - RUAC KUƆTH IN RƐL RƆ

¹ Ɛn wa̱nɛ mɔ, cu Kuoth Nhial Muthɛ ku jiök i̱, “Täämɛ, bi mia̱a̱ bä lät kä Pɛro ni nɛn. Kɛ buɔ̱mdä mi di̱i̱t bɛ jɛ kuɔ̱k ɣöö bɛ kɛ jɛn wä. Bä jɛ jiök i̱ jak ni nɛɛkä ni ji̱ I-thɛ-rɛl kä wä raar.”

Ɣöth 6:1 Iomraidhean Croise

2 Kua̱r 7:19

Kä cu raan kɔar kua̱r ɛ loc i̱, “Cäŋ ɛ jɛn Kuoth Nhial puɔ̱nydɛ ci wernyini la̱t ɔ puɔ̱rä, nɛmɛ derɛ tuɔ̱k?” Kä cuɛ wee “Biɛ nɛn nikɛ nyinku, duundɛ ɣöö /ci bi mi̱th thi̱n.”

2 Kua̱r 7:2

Kä cu raan kɔar kua̱r in ci kuäär tetkɛ cak kɛ jɛ raan Kuɔth jiök i̱, “A cäŋ bi Kuoth Nhial puɔ̱nydɛ wernyini la̱t puɔ̱rä, bɛ tuɔ̱k ɛn nɔmɔ?” Kä cu Ɛ-li-cä wee, “Biɛ nɛn kɛ nyinku, duundɛ ɣöö /ci bi mi̱th thi̱n.”

2 Kuɛ̈n 20:17

Kä ɛn ko̱r ɛmɛ /cia bi tɛr, cuɔ̱ŋɛ gua̱thnikun, kä guɛcɛ Kuoth Nhial lö ji̱ Juda kɛ ji̱ Jɛ-ru-tha-lɛm, bɛ kɛ joc i̱di kɛ gua̱a̱thdun.’ /Cuarɛ dual kä /cuarɛ rɔ̱ luär. Iruun wiaa makɛ kɛ, bi Kuoth Nhial te kɛɛl kɛ yɛ.”

Diit 12:5

Cu Kuoth Nhial ruac wëë i̱, “Kä kɛ kui̱ ciɛɛŋä mi jiääk kɛ nɛy tin thil lua̱ŋ, kɛnɛ lul cani, ɛn täämɛ, ɣän bä ben, bäkɛ ben gaŋ kä nɛy tin yakɛ kɛ.”

Diit 12:6

Ruac Kuɔth Nhial puɔthɛ, ce̱tdɛ nikɛ ciɛk in bo̱r mi ca thal nikä ti nyin ŋuan.

Diit 136:12

Cuɛ jɛ la̱t kɛ te̱t mi bum, kɛ ɣöö nhökdɛ min thil pek ɛ do̱raar.

Diit 89:13

Ti̱i̱kɛ buɔ̱m mi di̱i̱t, tetdu bumɛ, ɛn tet cuëëcdu.

Ɣöth 11:1

Täämɛ, cu Kuoth Nhial Muthɛ cu jiök i̱, “Ŋot riɛk kɛl mi bä nöŋ Pɛro kɛnɛ ji̱ I-jëp, kɛ kɔrɛ bɛ yɛ jak kä wä. Kä bɛ yɛ tuɔ̱k raar kä kɛɛl.

Ɣöth 12:31

Cuɛ Muthɛ kɛnɛ Ä-ron cɔl kɛ wäär, cuɛ kɛ ben jiök i̱, “Jiɛ̈cɛ rɔ̱, wiaa raar rɛy nɛɛnikä, yɛn kɛ ji̱ I-thɛ-rɛl, wiɛ̈ɛ̈ palɛ Kuoth Nhial ce̱tkɛ mëë cia lar.

Ɣöth 12:33

Kä cu ji̱ I-jëp pɛ̈th kɛɛl kɛ naath. Kä cukɛ naath thuɔl raar rɛy wec ɛ yuäl yuäl, kɛ ɣöö cikɛ jɛ lar i̱, kɛ ɣöö mi canɛ jɛ bi la̱t, banɛ li̱w kɔn diaal.

Ɣöth 12:39

Kä cukɛ jurayni ti pat paat ti thil thuɔp bul nuɔ̱p jurayni mëë no̱o̱ŋkɛ kä I-jëp, kɛ ɣöö /kenɛ rɔ kɔ̱p, kɛ mëë tuɔ̱kɛ kɛ raar kä I-jëp, cikɛ cu thil gua̱a̱th mi dëë liep kɛ kɛ, kä thilɛ mi̱th ja̱l ti ca rial ikä kɛ kui̱diɛn.

Ɣöth 13:14

Mi wä gua̱a̱th cop in ba thi̱ec ni yɛ ɛ gaatkun i̱, ‘Nɛmɛ luɔtdɛ ɛŋu?’ Bia kɛ dhil jiök i̱, ‘Mëëdan ci Kuoth Nhial kɔ no̱o̱ŋ raar kä I-jëp, kɛ buɔ̱m te̱tädɛ, guäth yie̱e̱nä mëë ca kɔ yiɛn thi̱n ala ja̱a̱ŋ.

Ɣöth 13:16

Bɛ ce̱tkɛ biɛl te̱tnikun kɛnɛ nhiamdun, kɛ ɣöö ci Kuoth Nhial kɔn ka̱m raar kä I-jëp kɛ tet mi bum.”

Ɣöth 13:3

Ɛn wan ɔ, cu Muthɛ naath ku jiök i̱, “Tiɛtdɛ cäŋ ëë be̱e̱ kɛ yɛ raar kä I-jëp ɛ, ala cäŋ ëë be̱e̱ kɛ yɛ raar rɛy yie̱e̱nä kɛ ɣöö ci Kuoth Nhial yɛ no̱o̱ŋ raar ɛn wanɛ kɛ tetdɛ min bum, a jɛ thil juray mi te thuɔp mi ba cam kɛ cäŋ ɛmɛ.

Ɣöth 13:9

Kä ba biɛl te̱tnikun, kä ba ŋi̱eec nhiamdun mi timɛ ɣöö bia lueek Kuɔth Nhial ka̱p thokdun gua̱thni diaal. Kɛ ɣöö ci Kuoth Nhial yɛ ka̱m raar kä I-jëp kɛ tet mi bum.

Ɣöth 14:13

Cu Muthɛ naath jiök i̱, “/Cuarɛ dual, ka̱pɛ lo̱ckun piny, guɛcɛ ni ka̱n in bi Kuoth Nhial ɛ kään ni yɛ, mɔ bɛ la̱t ɔ wa̱lɛ kɛ kɛn ji̱ I-jëp ti guic yɛn kɛ ti, /cia kɛ bi me̱t nyɔk kɛ nën amäni cäŋ kɛl.

Ɣöth 15:6

Kuoth Nhial, ɛn tet cuëëcdu, gui̱th maandɛ bumä, kä thiäyɛ ji̱ tɛ̈ru ni dɔɔr.

Ɣöth 7:4

Kä /ci Pɛro ruacdun bi liŋ. Kä ɣän bä ji̱ I-jëp yi̱ek piny kɛ tetdä, ɣän bä bun nɛɛnikä ni ji̱ I-thɛ-rɛl no̱o̱ŋ raar muun I-jëp kɛ luk mi di̱i̱t.

Ɣöth 7:5

Bi ji̱ I-jëp ɛ ku lɛ ŋa̱c i̱ ɛ ɣän Kuoth Nhial mi wa̱a̱ tetdä riɛny kä kɛ, kä bä ji̱ I-thɛ-rɛl ka̱m raar rɛydiɛn.”

I-ca-yaa 63:12

mëë jäk buɔ̱mdɛ min di̱i̱t kä Muthɛ, jɛn mëë dääk pi̱w nhiamdiɛn, mëë moc rɔ kɛ kɛ̈k mi do̱raar,

Kuen 11:23

Kä cu Kuoth Nhial Muthɛ jiök i̱, “A ku buɔ̱mdä tekɛ pek? Kä nɛnɛ mi bi rietdä ben kä ji̱ ala thuɔ̱k kiɛ /cɛ bia̱ thuɔ̱k.”

Kuen 23:23

Kɛ ɣöö thilɛ ti̱et mi lo̱k Je-kɔb, kä thilɛ gua̱n kuthni mi lo̱k I-thɛ-rɛl. Kä ba la̱r Je-kɔb kɛnɛ I-thɛ-rɛl täämɛ i̱, ‘Ɛŋu ci Kuoth ɛ la̱t ɔ!’

Lät Jaakni Yecu 13:17

Kuoth döör I-thɛ-rɛl ɛmɛ, cɛ gua̱ndɔɔŋnikɔn mɛk, kä cuɛ do̱r jakä di̱t, kɛ gua̱a̱th ëë cieŋkɛ kɛ ro̱o̱l I-jëp, kä cuɛ kɛ nööŋ raar kɛ tet mi bum.

Ŋuɔ̱t 32:39

“ ‘Kä nɛnɛ ɣä täämɛ, ɛ jɛn ɣän ni kä rɔa thilɛ Kuoth mi dɔ̱ŋ ɛni ɣän. Ɣän na̱kä naath kä teekä kɛ. La̱thä buɔ̱t kä jak kä jɛ kä gɔaa. Kä thilɛ kɛl mi dëë jiɛɛn tetkädä.

Ŋuɔ̱t 4:34

Kua tëë kɛ kuoth mi ci jɛ ɣɔ̱n i̱ mocɛ rɔ kɛ dör nath rɛy döör i̱ dɔ̱ŋ. Kɛ ɣɔ̱ɔ̱ni kiɛ ti ga̱ykɛ naath kiɛ ko̱r, kiɛ kɛ tet mi bum kiɛ kɛ dual mi diit, ce̱tkɛ tëë diaal tëë ci Kuoth Nhial Kuothdun kɛ la̱t kä yɛ nhiamdun kä I-jëp?