Ɣöth 3:9 - RUAC KUƆTH IN RƐL RƆ

⁹ Kä nɛn ɛ, ci lul ji̱ I-thɛ-rɛl cop ji̱thdä, kä ɣän cä mit in miɛtkɛ ni kɛ ɛ ji̱ I-jëp ni jiäk nɛn.

Ɣöth 3:9 Iomraidhean Croise

Tuk Cäkä Ɣɔaa 16:11

Täämɛ ji̱n rue̱tdi kɛ gat mi dho̱o̱l, kä bi ciötdɛ cɔl i̱ I-ca-mel (min lot ni ɣöö li̱ŋ Kuoth) kɛ ɣöö ci Kuoth Nhial lulu liŋ.

Tuk Cäkä Ɣɔaa 31:12

Cuɛ ɣä cu jiök i̱, ‘Guic ɛ, nɛɛni jɛ täämɛ ɛn ɣöö kɛn tut de̱e̱t tin buɔ̱pkɛ det kɛ ti cua̱ny kɛnɛ ti cuɔri kɛ ti kuac, kɛ ɣöö ɣän nɛ̈ɛ̈nä mɔ lät La-ban ɛ kä ji̱ mɔ.

2 Kua̱r 13:4

Kä cu Yɛ-ɣo-a-ɣadh Kuoth Nhial pal, kä cu Kuoth jɛ liŋ. Kɛ ɣöö cɛ riɛk I-thɛ-rɛl nɛn, min ca lät kä kɛ ɛ kuäär Thi-ri-ya.

2 Kua̱r 20:5

“Locni kä Ɣidh-ki-yaa bo̱o̱th nɛɛnikä jio̱kni jɛ ci Kuoth Nhial Kuoth guur ni Dee-bid wee. Ɣän cä Palu liŋ, kä cä merku nɛn. Nɛnɛ ɣän bä ji̱ jak kä gɔaa. Kä bi wä luaakdä kɛ diɔ̱ɔ̱k ni̱ni.

Nɛ-ɣɛm-yaa 9:9

“Kä curi rik gua̱nikɔ nɛn kä I-jëp kä curi luliɛn liŋ rɛy Bar in Tith.

Diit 12:5

Cu Kuoth Nhial ruac wëë i̱, “Kä kɛ kui̱ ciɛɛŋä mi jiääk kɛ nɛy tin thil lua̱ŋ, kɛnɛ lul cani, ɛn täämɛ, ɣän bä ben, bäkɛ ben gaŋ kä nɛy tin yakɛ kɛ.”

Diit 9:14

Kä bä puɔnyniku diaal nyɔk kɛ la̱t thukni käli Jɛ-ru-tha-lɛm, kä bi lɔcdä cu tɛɛth kɛ ɣöö ci ɣä kän.

Ɣöth 1:11

Kɛ kui̱ ɛmɔ, cu ji̱ I-jëp kɛ kue̱ny kua̱r lätni ti jiäk kɛ ɣöö bikɛ kɛ ciɛŋ kɛ ciaŋ mi bɛc bɛc kɛ muɔ̱cdiɛn la̱t mi thiɛk ɛlɔ̱ŋ, kä cu ji̱ I-thɛ-rɛl Pɛro ta̱th rɛ̈k tɔ̱wä ŋɔaani, rɛk mi cɔal i̱ Pi-thom kɛnɛ rɛk mi cɔal i̱ Ra-mɛ-theth.

Ɣöth 1:22

Cu pɛro nɛɛkɛ diaal cu gok, kä cuɛ kɛ jiök i̱, “Yɛn bia dho̱li dhɔɔli diaal tin ba di̱eth ɛ ji̱ Ɣi-bɛ-ru yuɔr kiir kä bia dho̱li nyieet diaal päl a tëk.”

Ɣöth 1:8

Täämɛ cu I-jëp lɛ tekɛ kuäär mi thil mi ŋäcɛ kɛ kui̱ Jo-thɛp,

Ɣöth 2:23

Kɛ gua̱a̱th mi bäär, cu kuäär I-jëp li̱w, cu ji̱ I-thɛ-rɛl lɔcdiɛn ŋot kɛ dɛ̈t kɛ yaakdiɛn, kä cukɛ wiee kɛ ɣöö baak kɛ luäk, kä cu wieediɛn cop nhiam Kuɔth.

Ɣöth 2:25

Cuɛ ji̱ I-thɛ-rɛl guic kɛ lɔc mi kɔ̱c, cuɛ ciaaŋdiɛn je̱k kɛ lɔcdɛ.

Ɣöth 3:7

Cu Kuoth Nhial ɛ jiök i̱, “Ɣän cä bɛ̈c bɛ̈ɛ̈c nɛɛnikä ŋäc kä gua̱a̱th kä I-jëp, cä lulliɛn in ci ränh kä ɣä kɛ kui̱ kua̱ri La̱tdiɛn liŋ, kä cä jiɛ̈th lɔaaydiɛn nɛn ɛpuc.

Ŋi̱i̱c 4:1

Kä min cä rɔ nyɔk kɛ guec, cua̱ ciaŋ yiöŋ in la̱tkɛ rɛy ɣɔaa nɛn. Kä cua̱ nɛy tin yiɔaŋkɛ nɛn wieekɛ kä thilɛ ram mi luäk kɛ! Kɛ ɣöö te buɔ̱m kui̱ nɛɛni tin yiɔaŋkɛ kɛ, kä thilɛ ram mi luäk kɛ.

Ŋi̱i̱c 5:8

/Cu ga̱a̱c mi wi̱i̱ can wä nɛn yɔaŋkɛ jɛ rɛy wec, mi wa thuɔ̱k kɛnɛ cuŋkɛ gak. Kɛ ɣöö gaŋ kɛ bo̱o̱th ɛ bo̱o̱th mi di̱t ni jɛn, kä ŋotdɛ te bööth ti di̱t ni kɛn wi̱i̱diɛn.

A-mɔth 4:1

“Liɛŋɛ riet ti̱ti̱, yɛn näc Ba-can, ti̱n te pääm Tha-mɛ-ria, ti̱n yɔaŋkɛ ga̱y, kä dɔanykɛ kɛ kä piny, ti̱n löŋkɛ cɔwkiɛn i̱, ‘Nöŋɛ kɔ kɔaŋ mi mathkɔ.’

Ŋuɔ̱t 26:7

Kä cua̱kɔ wiee nhiam Kuɔth Nhial Kuoth gua̱nikɔ, kä cuɛ jɔwda liŋ. Cuɛ canda kɛnɛ cuɔ̱cda nɛn.

1 Tham 9:16

“Iruun kɛ gua̱a̱th mi ce̱tkɛ gua̱a̱th ɛmɛ bä ji̱ jäk kä raan rööl Ben-ya-min, kä bi jɛ lɛy ala kuäär nɛɛnikä ni ji̱ I-thɛ-rɛl. Bɛ nɛɛkä kän te̱tni ji̱ Pi-li-thɛt. Kɛ ɣöö cä riɛk nɛɛnikä nɛn, kä cä jɔwdiɛn liŋ”