Ɣöth 3:6 - RUAC KUƆTH IN RƐL RƆ

⁶ Kä cuɛ wee i̱, “Ɛ ɣän Kuoth guur, Kuoth A-bɛ-ram, Kuoth Ay-dhɛk, Kuoth Je-kɔb.” Cu Muthɛ nhiamdɛ ku kum kɛ ɣöö cɛ dual kɛ guecdɛ kɛ Kuoth.

Ɣöth 3:6 Iomraidhean Croise

Tuk Cäkä Ɣɔaa 12:1

Nɛ̈nɛ jɛ, täämɛ cu Kuoth Nhial Ab-ram ku jiök i̱, “Jiɛc rɔ ro̱o̱lu kɛnɛ watku kɛ thok duëël guur kä wër ro̱o̱l mi bä nyuɔ̱th ji̱.

Tuk Cäkä Ɣɔaa 12:7

Ɛ jɛn cu Kuoth Nhial rɔ cu nyuɔ̱th Ab-ram kä cuɛ jɛ jiök i̱, “Bä wec ɛmɛ ka̱m kuayku.” Inɔ cu Ab-ram Kuoth Nhial in ci rɔ nyuɔ̱th jɛ ta̱th yi̱k.

Tuk Cäkä Ɣɔaa 17:3

Mëë ci Ab-ram mɛmɛ liŋ, cuɛ wi̱cdɛ guɔ̱l piny guäth in wä Kuoth kɛ ruac kɛ jɛ, kä cu Kuoth ɛ jiök i̱,

Tuk Cäkä Ɣɔaa 24:12

Cuɛ pal i̱, “Aɣ Kuoth Nhial, ɛ ji̱n Kuoth kua̱rä ni A-bɛ-ram, ku ɣä mal luäk lätädä ɛn walɛ, kä rɔm nhökdu min thil pe̱k min te kamädu yɛnɛ kuäärä ni A-bɛ-ram.

Tuk Cäkä Ɣɔaa 26:24

Ni kɛ jɛn wäär ɛmɔ, cu Kuoth Nhial rɔ nyuɔ̱th jɛ kɛ la̱k wëë i̱, “Ɛ ɣän Kuoth guur ni A-bɛ-ram. /Cu dual, kɛ ɣöö ɣän ta̱a̱ kɛɛl kɛ ji̱. Ɣän bä ji̱ poth kä bä ji̱ moc kɛ gaat ti ŋuan kɛ kui̱ jäŋädä ni A-bɛ-ram.”

Tuk Cäkä Ɣɔaa 28:13

Kä cuɛ Kuoth Nhial nɛn tëë cuŋä wi̱i̱ ko̱o̱tdä, kä cu Kuoth ɛ jiök i̱, “Ɛ ɣän Kuoth Nhial in la Kuoth guur ni A-bɛ-ram kä Kuoth Ay-dhɛk bä. Ɣän bä mun ɛ ti̱i̱ tɔ̱ɔ̱cä thi̱n ɛ ka̱m ji̱ yɛnɛ kuayku.

Tuk Cäkä Ɣɔaa 28:17

Min ci dual ɛ käp, cuɛ wee i̱, “Kua gua̱a̱th mi jiɛth lo̱c nath ɛ di ɛnɛ. Jɛn /cɛ dëë a dɔ̱diɛn ɛni gua̱a̱th ciëŋä Kuɔth, kä bɛ dhil a jɛn duɔ̱ɔ̱p rööl nhial.”

Tuk Cäkä Ɣɔaa 31:42

Duŋ thil ni ɣöö ci Kuoth gua̱a̱r te kɛɛl kɛ ɣä, jɛn Kuoth A-bɛ-ram, Kuoth in luth Ay-dhɛk ni jɛ, ɛn täämɛ guɛcä jɛ de̱ri ɣä jak kä wä ni lɔrä a thil mi kämi ɣä. Kä min te ni jɛn thi̱n, ci Kuoth cuɔ̱cdä nɛn kɛnɛ la̱t in bum in cä la̱t, kä cɛ ji̱ cu luek thiaaŋ.”

Tuk Cäkä Ɣɔaa 32:9

Cuɛ cu pal wëë i̱, “Aɣ Kuoth Nhial, Kuoth gua̱a̱dɔɔŋ ni A-bɛ-ram, Kuoth gua̱a̱r ni Ay-dhɛk, ji̱n Kuoth ëë jio̱k ɣä i̱, ‘Locni ro̱o̱lu kɛnɛ watku kä bä nyinku diaal jak kä ro̱ŋ,’

1 Kua̱r 18:36

Kä kɛ gua̱a̱th mucä thiaŋ, cu gök ni E-li-yaa ben thiekä kä cuɛ wëë, “Aɣ Kuoth Nhial, Kuoth A-bɛ-ram, Kuoth Ay-dhɛk, Kuoth I-thɛ-rɛl, a jɛ ŋa̱ckɛ ɛn walɛ ɛn ɣöö ɛ ji̱n Kuoth kä I-thɛ-rɛl, kɛnɛ ɣöö ɛ ɣän kuanydu, kä la̱tdä ti diaal ti̱ti̱ kɛ ruacdu.

1 Kua̱r 19:13

Kä min ci E-li-yaa jɛ liŋ, cuɛ wi̱cdɛ kum kɛ bi̱i̱dɛ kä cuɛ ben cuɔ̱ŋ thok kɔ̱kä. Kä nɛnɛ ɛn wa̱nɔ cu jɔw ben kä jɛ wëë i̱, “Ɛŋu lätdi ɛn wa̱nɛ mi ɔ E-li-yaa?”

Nɛ-ɣɛm-yaa 9:9

“Kä curi rik gua̱nikɔ nɛn kä I-jëp kä curi luliɛn liŋ rɛy Bar in Tith.

Ɛth-ter 3:4

Kä mëë la ruackɛ kɛ Mɔr-da-kay inɔ ni̱ni diaal, kä lo̱k Mɔr-da-kay ruacdiɛn, cukɛ jɛ la̱r Ɣa-man kɛ ɣöö bɛ jɛ guic mi bɛ ruac Mɔr-da-kay luäŋ kɛ ruɔ̱t, kɛ ɣöö cɛ la̱rkɛ ɛn ɣöö ɛ raan ji̱ Juudh.

Diit 132:2

Car ruac ëë cɛ la̱r lö Kuoth Nhial, kɛnɛ ya̱c ëë cɛ rɔ ya̱c ji̱, ji̱n Kuoth Je-kɔb in leny buɔ̱mdu ti diaal mëë wëë i̱,

Ɣöth 15:2

Kuoth Nhial ca jɛn lua̱ŋdä, kä ca jɛn pakdä, kä cɛ ŋɔa̱a̱ŋ ca jɛn ka̱ndä. Ɛ jɛn Kuothdä pa̱ny, ɣän bä puany ni jɛ. Ɛn Kuoth gua̱a̱r, ba liak.

Ɣöth 29:45

Ɣän ba̱a̱ cieŋä rɛy ji̱ I-thɛ-rɛl, kä ba̱a̱ Kuothdiɛn.

Ɣöth 3:16

Wër, rol di̱t I-thɛ-rɛl guäth kɛl, kä jio̱kni kɛ i̱, ‘Ci Kuoth Nhial Kuoth guuri, Kuoth A-bɛ-ram, Kuoth Ay-dhɛk, Kuoth Je-kɔb rɔɔdɛ nyuɔ̱th ɣä, wëë i̱, ɣän cä yɛ nɛn amäni kɛn tin la̱tkɛ kä yɛ ɛ ji̱ I-jëp.

Ɣöth 33:20

Kä cuɛ Muthɛ ku jiök i̱, “Ji̱n, /ci nhiamdä dëë guic kɛ ɣöö thilɛ ram mi dëë puɔ̱nydä nɛn a bɛ ŋot te̱e̱kä.”

Ɣöth 4:5

Cu Kuoth Nhial ɛ jiök i̱, “Nɛmɛ ɛ ɣöö ba cu ŋäth ɛ kɛn i̱ Kuoth Nhial Kuoth guuri, Kuoth Ay-dhɛk, Kuoth Je-kɔb cɛ rɔɔdɛ nyuɔ̱th ji̱.”

Bok Go̱kä ni Yir-mɛ-yaa 24:7

Kä bä kɛ jak kä ŋa̱c kɛ jɛ kɛ lo̱ckiɛn ɛn ɣöö ɛ ɣän Kuoth Nhial. Kä bi kɛn a nɛɛkä, kä bi ɣän a Kuothdiɛn, kɛ ɣöö bi kɛ luny kä ɣä kɛ lɔcdiɛn kɛɛliw.”

Bok Go̱kä ni Yir-mɛ-yaa 31:33

Duundɛ ɣöö ɛn ruac ɛ bä lat kɛ thok duëël I-thɛ-rɛl kɛ kɔr ni̱ni ti̱ti̱ mɔ ɣän bä ŋutkä la̱th rɛydiɛn kä bä kɛ gɔ̱a̱r ni rɛy lo̱cnikiɛn, kä bi ɣän a Kuothdiɛn kä bi kɛn a nɛɛkä.

Bok Go̱kä ni Yir-mɛ-yaa 32:38

Kä bi kɛn a nɛɛkä, kä bi ɣän a Kuothdiɛn.

Yɛdh 11:20

kɛ ɣöö bikɛ luëëkä ku lɛ guɔ̱ɔ̱r kä bikɛ ŋuɔ̱tkä tit kä bakɛ cu luɔ̱th. Kä bikɛ cua̱ nɛɛkä, kä bi ɣän a Kuothdiɛn.

Dhɛk 8:8

Kä bäkɛ cu jak kä cieŋ kä Jɛ-ru-tha-lɛm. Kä bikɛ cua̱ nɛɛkä, bä cua̱ Kuothdiɛn kɛ rɛy ŋäthä kɛnɛ rɛy cuŋni.”

Mɛ̈t 17:6

Mëë ci ji̱ kɔaarɛ jɔw liŋ, cukɛ dual ɛlɔ̱ŋ, kä cukɛ rɔ̱ yuɔr piny buupä.

Mɛ̈t 22:32

‘Ɛ ɣän Kuoth A-bɛ-ram, Kuoth Ay-dhɛk, Kuoth Je-kɔb’? /Ciɛ Kuoth nɛɛni ti ci li̱w, ɛ Kuoth nɛɛni ti tëk.”

Mak 12:26

Kä kɛ kui̱ ruac jiecä nath li̱th, /ka̱nɛ ruac kuɛn rɛy warɛgakä Muthɛ, kä gua̱a̱th ëë waŋ butbut thi̱n, ɛn ɣöö ci Kuoth ɛ lar i̱, ‘Ɛ ɣän Kuoth A-bɛ-ram, kä ɛ ɣän Kuoth Ay-dhɛk, kä ɛ ɣän Kuoth Je-kɔb’?

Luk 20:37

Kä ci Muthɛ jɛ nyoth a jɔc, ɛn ɣöö jiɛc nɛy ti ci li̱w rɔ̱ li̱th. Cäät buɔ̱t buɔ̱ɔ̱t ëë waŋ, cɛ ruac thi̱n kɛ kui̱ Kua̱r ni Kuoth i̱, ‘Kuoth A-bɛ-ram, Kuoth Ay-dhɛk, Kuoth Je-kɔb.’

Luk 5:8

Mëë ci Thay-mɔn Pi-tɔr ɛ nɛn, cuɛ rɔ yuɔr piny ciökni Yecu, cuɛ jɛ jiök i̱, “Kuäärä, woc rɔɔdu kä ɣä, kɛ ɣöö ɛ ɣän ram mi gua̱n dueeri!”

Lät Jaakni Yecu 7:32

‘Ɛ ɣän Kuoth guuri, Kuoth A-bɛ-ram, kɛnɛ Ay-dhɛk, kɛ Je-kɔb.’ Kä cuɛ Muthɛ lath kɛ dual kɛ guecdɛ.

Lät Jaakni Yecu 7:34

Ɣän cä yaak nɛɛnikä tin te kä I-jëp nɛn ɛpuc, kä cä pa̱riɛn liŋ, kä cä ben piny kɛ ɣöö bäkɛ ben luäk. Bër täämɛ, bä ji̱ jäk kä I-jëp.’

Ŋuɔ̱t 6:3

Di̱elɛ kɛ lieŋ lö ji̱ I-thɛ-rɛl, kä tiɛtdɛ la̱tdiɛn. Dɔ̱ɔ̱ derɛ gɔaa kɛ yɛ, kä derɛ ŋuan muun ëë ci Kuoth Nhial Kuoth guurikun ɛ guɔ̱k yɛ mun caak kɛnɛ liɛɛth tuar.

Ji̱ Ɣi-bɛ-ru 11:16

Kä duundɛ ɣöö, görkɛ ni ro̱l dɔ̱diɛn mi gɔaa ni jɛn min la ciëŋ nhial. Kɛ kui̱ ɛmɔ /ci Kuoth po̱c ɛn ɣöö cɔal kɛ jɛ i̱ Kuothdiɛn, kɛ ɣöö cɛ wec rialikä kɛ kui̱diɛn.

Ji̱ Ɣi-bɛ-ru 12:21

Ɛpuc, ɛ dual mi di̱i̱t ɛn nëë ca nɛn a cu Muthɛ wee i̱, “Lathɛ ɣä kɛ dual.”

Nyuuth 1:17

Mëë cä jɛ nɛn, cua rɔ yuɔr piny ciöknikɛ ce̱tkɛ mi cä li̱w. Kä duundɛ ɣöö cuɛ tet cuëëcdɛ la̱th wi̱i̱dä, wëë i̱, “/Cu dual. Ɛ ɣän ram in jio̱l, kä ɛ ɣän ram min jɔak,

Ruëëc 13:22

Kä cu Ma-no-aa ciekdɛ ku jiök i̱, “Ɛ puc ban li̱w, kɛ ɣöö can Kuoth nɛn.”