Ɣöth 3:12 - RUAC KUƆTH IN RƐL RƆ

¹² Cuɛ Muthɛ jiök i̱, “Bä dhil te kɛɛl kɛ ji̱, kä bi nɛmɛ a nyuuth kɛ kui̱du, mi biɛ nyoth i̱ jäk i̱ ɣän, kä ji̱n mi wi̱i̱ nɛy tɔ̱tɔ̱ wä böth raar kä I-jëp, yɛn bia Kuoth ben pal wi̱i̱ pa̱a̱m ɛmɛ.”

Ɣöth 3:12 Iomraidhean Croise

Tuk Cäkä Ɣɔaa 15:1

Kɛ kɔr kä ti̱ti̱ cu Kuoth Nhial rɔ nyuɔ̱th Ab-ram kɛ la̱k, kä cu Ab-ram jɔw liŋ mi wee i̱, “A lɔcdu bum, Ab-ram ɛ ɣän ko̱tdu. Kɛ pe̱k ŋäthädu, mucdu ɛ mi di̱i̱t ɛlɔ̱ŋ.”

Tuk Cäkä Ɣɔaa 15:8

Cu Ab-ram ɛ thi̱ec i̱, “Lö Kuäär ni Kuoth Nhial, bä jɛ ku lɛ ŋa̱c i̱di i̱?”

Tuk Cäkä Ɣɔaa 26:3

Bi li̱ep thi̱n kam ɔ lɛɛr ɔ, kä bä te kɛɛl kɛ ji̱, kä bi̱i̱ poth, kɛ ɣöö ɣän bä wi̱i̱ ti̱ti̱ diaal ka̱m ji̱ yɛnɛ kuayku, kä bä guk ëë cä la̱t guur ni A-bɛ-ram cu jak kä thuɔ̱k.

Tuk Cäkä Ɣɔaa 31:3

Ɛ jɛn, cu Kuoth Nhial Je-kɔb ku jiök i̱, “Wër, locni ro̱o̱l guurdɔɔŋni kɛnɛ watku, kä ɣän bä te kɛɛl kɛ ji̱.”

2 Kua̱r 19:29

“Kä nɛmɛ ba nyuuth kä ji̱. Ɛn waalɛ bi cam ni min ciɛk kä rɔa, kä kɛ ruɔ̱n in rɛwdɛ bia cam ni min ci duɔth thi̱n. Kä kɛ ruɔ̱n in diɔ̱ɔ̱kdiɛn bi pi̱eth, kä bi ŋɛɛr, kä pith dɛy wal kä cam dɛykiɛn.

1 Kuɛ̈n 9:20

Kä ni wal la Pi-nɛ-ɣath gat Ɛl-a-dhar ga̱a̱ŋ thuɔk luaak Kuɔth a guic thi̱n. Kä la Kuoth Nhial a te kɛɛl kɛ jɛ.

Diit 86:17

Mocä kɛ nyuuth gɔɔyädu, mi ba nɛn ɛ nɛy tin lökɛ ɣä bikɛ cu pöc, kɛ ɣöö ci ɣä luäk lö Kuoth Nhial, kä ci ɣä bum.

Ɣöth 18:5

Kä jɛn gua̱nthudɛ ni Jɛ-thɛ-rö, cuɛ ben kä jɛ kɛ gaat Muthɛ kɛɛl amäni mandiɛn rɛy dɔaar guäth ëë cɛ pua̱t thi̱n gekä pa̱a̱m Kuɔth.

Ɣöth 3:1

Täämɛ, guäth ëë yi̱en Muthɛ det gua̱nthudɛ ni Yith-ro min la bo̱o̱th palä kä Mid-yan, cuɛ kɛ no̱o̱ŋ kui̱c waŋ, guäth mi cɔal i̱ Thi-nay min mɔ päm Kuɔth in rɛl rɔ.

Ɣöth 3:13

Ɛn wa̱nɛ mɔ, cu Muthɛ Kuoth jiök i̱, “Mi wa̱a̱ wä kä ji̱ I-thɛ-rɛl, kä bä kɛ wä jiök i̱ Kuoth guuri cɛ ɣä jäk kä yɛ, kä mi kua ɣä lɛ wä thi̱ec ɛ kɛn i̱ cɔal jɛ i̱di, ɛŋu mi bä la̱r kɛ?”

Ɣöth 33:14

Kä cu Kuoth Nhial ɛ loc i̱, “Bi ti̱eepdä wä kɛ ji̱ kɛɛl, kä bä ji̱ moc kɛ lɔ̱ŋ.”

Ɣöth 4:12

Wër täämɛ, ɣän bä te thokdu, bä ji̱ nyuɔ̱th kɛ min bi lat.”

Ɣöth 4:15

Bi ruac kɛ jɛ, ku laat ti̱ti̱ cu la̱th thokdɛ. Ɣän bä te thokdu, kä bä te thokdɛ, bä ji̱ nyuɔ̱th kɛ mi bi la̱t.

Ɣöth 8:27

Kɔn bakɔ dhil wä dɔɔr kɛ ja̱l ni̱ni diɔ̱k kɛ ɣöö bakɔ Kuothda ni Kuoth Nhial wä kir kɛ pe̱k mi bɛ la̱r kɔ.”

I-ca-yaa 37:30

“Kä nɛmɛ ba nyuuth kä ji̱. Ɛn waalɛ bi cam ni min ciɛk kä rɔa, kä kɛ ruɔ̱n in rɛwdɛ bi cam ni min ci duɔth thi̱n. Kä kɛ ruɔ̱n in diɔ̱ɔ̱kdiɛn bi pi̱eth, kä bi ŋɛɛr, kä pith ka̱a̱k wal kɛ kui̱ kɔaŋ kä cam dɛykiɛn.

I-ca-yaa 41:10

/Cuarɛ dual, ta̱a̱ kɛɛl kɛ yɛ, kä /cuarɛ diɛɛr, kɛ ɣöö ɛ ɣän Kuothdun. Ɣän bä yɛ moc buɔ̱m kä bä yɛ luäk, ɣän bä yɛ käp kɛ tet cuëëcdä min bum.

I-ca-yaa 43:2

Mi wä yɛn pi̱w wä jiɛth, ɣän bä te kɛɛl kɛ yɛ, mi jiathɛ kiɛr /ci yɛn bi mua, kä mi ja̱lɛ rɛy maac /cɛ yɛ bi waŋ, /cɛ yɛ bi pɛt ɛn bo̱l maac.

I-ca-yaa 7:14

Kɛ kui̱c ɛmɔ Kuäär ni Kuoth puɔ̱nydɛ bɛ yɛ moc kɛ nyuuth. Nɛ̈nɛ jɛ, nyal bɛ ruët kä bɛ dap kɛ gat mi dho̱o̱l, kä bɛ ciötdɛ cɔli I-manu-el.

Bok Go̱kä ni Yir-mɛ-yaa 1:8

Kä /cu dual kɛ kɛ, kɛ ɣöö bä te kɛɛl kɛ ji̱, kä bä ji̱ gaŋ, ruac ni ɣän Kuoth Nhial.”

Kuen 16:28

Cu Muthɛ wee i̱, “Ŋa̱cɛ jɛ ɛn ɣöö jäk ɣä Kuoth Nhial kɛ ɣöö bä ti̱ti̱ ben la̱t, a /ci mɔ a ruacdä.

Kuen 23:21

Thilɛ duer mi cɛ nɛn kä Je-kɔb, kä thilɛ riɛk mi cɛ nɛn kä I-thɛ-rɛl. Te Kuoth Nhial Kuothdiɛn kɛɛl kɛ kɛ. Kä te ruac Kua̱r rɛydiɛn.

Mɛ̈t 28:20

kä ŋi̱eecɛ kɛ, kɛ ɣöö bikɛ ruaacni diaal tin ca la̱t yɛ luɔ̱th. Kä tiɛmɛ jɛ, ɣän a kɛɛl kɛ yɛ ni ciaŋ amäni guut ɣɔaa.”

Mak 16:20

Cukɛ jiɛɛn, kä cukɛ ruac Kuɔth wä lat gua̱thni diaal, kä lät Kuäär ni Kuoth kɛ kɛ kɛɛl, kä nyoothɛ jɛ ɛn ɣöö ruaacni ti̱ti̱ kɛ thuɔ̱ɔ̱k kɛ lätni kä ti ga̱ykɛ naath. Inɔnɔ.]

Lät Jaakni Yecu 11:21

Kä cu buɔ̱m Kua̱r ni Kuoth tekɛ kɛ kɛɛl, kä cu nɛy ti ŋuan ŋa̱th kä cua rɔ̱ riet Kuäär ni Yecu.

Lät Jaakni Yecu 7:7

Kä cu Kuoth wee i̱, ‘Ɣän bä do̱r in lätkɛ thi̱n ala kuaany luk. Kä kɛ kɔrɛ bikɛ ben raar kä bikɛ ɣä ben pal ɛn wanɛ mɛ.’

Ji̱ Röm 8:31

Banɛ ŋu kulɛ lar kɛ kui̱ ŋɔaani ti̱ti̱? Mi te Kuoth kɛɛl kɛ kɔn, ɛŋa te gɛ̈m kɛ kɔn ɔ?

Ŋuɔ̱t 31:23

Kä cu Kuoth Nhial ruac kɛ Jɔ-cua gat Nun jiökɛ jɛ i̱, “Bumni kä com rɔ. Kɛ ɣöö bi gaat I-thɛ-rɛl naŋ muun in cä yac i̱ bä ka̱m kɛ. Kä bä te kɛɛl kɛ ji̱.”

Ji̱ Ɣi-bɛ-ru 13:5

Gaŋɛ rɔ̱ kä nhök yio̱o̱ni, kä a lo̱ckun pek kä min tekɛ yɛ, kɛ ɣöö ci Kuoth wee i̱, “Ɣän /cä yɛ bi met ba̱ny piny.”

Jɔ-cua 1:5

Ji̱n Jɔ-cua, thilɛ gat ran mi bi ji̱ luäŋ kɛ gëw runi te̱e̱kädu diaal, kɛ ɣöö ce̱tnikɛ mëë ta̱a̱ kɛ Muthɛ kɛɛl, ɣän bä te kɛɛl kɛ ji̱ bä, /cä ji̱ bi me̱t bäny piny.

Ruëëc 6:12

Kä cu jääk Kuɔth Nhial ben kä jɛ, kä cuɛ jɛ jiök i̱, “Kuoth Nhial akɛ ji̱ kɛɛl, ji̱n wut ko̱o̱r mi bum.”

Ruëëc 6:16

Kä cu Kuoth Nhial ɛ jiök i̱, “Ɣän bä te kɛɛl kɛ ji̱, bi ji̱ Mid-yan duäc ce̱tnikɛ wut kɛl.”

Ruëëc 6:17

Kä cu Gi-don ɛ loc i̱, “Ɛn täämɛ mi ci ɣä nɛn i̱ ro̱ŋä waaŋdu, kä ku ɣä nyuɔ̱th nyuuth mi bä ŋäc ni jɛ ɛn ɣöö ɛ ji̱n ruac kɛ ɣä mɔ.

Ruëëc 6:21

Ɛ jɛn cu jääk Kuɔth Nhial ri̱ŋ kɛnɛ jurayni tin thil thuɔp nyɔt kɛ kɛɛt in te tetädɛ. Cu mac dɔap kä päm, kä cuɛ ri̱ŋ kɛnɛ jurayni pɛt. Kä cu jääk Kuɔth Nhial rɔ pär kɛ bath nhiamdɛ.

Ruëëc 7:11

Bi min lat kɛnɛ wä liŋ, kɛ kɔrɛ bi rɔ cu luäŋ kɛ mi mäk i̱ wec.” Kä cuɛ wä kɛɛl kɛnɛ kuanydɛ ni Pura peek rɛmni tin te wi̱c.

1 Tham 14:10

Kä mi wäkɛ wee i̱, ‘Bia kä nɛy,’ banɛ cu wä. Kɛ ɣöö ci Kuoth Nhial kɛ ka̱m kɔn. Ɛn nɔmɔ bɛ cua̱ nyuuth kä kɔn.”