Ɣöth 3:1 - RUAC KUƆTH IN RƐL RƆ

¹ Täämɛ, guäth ëë yi̱en Muthɛ det gua̱nthudɛ ni Yith-ro min la bo̱o̱th palä kä Mid-yan, cuɛ kɛ no̱o̱ŋ kui̱c waŋ, guäth mi cɔal i̱ Thi-nay min mɔ päm Kuɔth in rɛl rɔ.

Ɣöth 3:1 Iomraidhean Croise

1 Kua̱r 19:19

Kä cu E-li-yaa jiɛn ɛn wa̱nɛ mɔ, kä cuɛ Ɛ-li-cä gat Ca-pat jek. Purɛ kɛ thääk wäl rɛw ti te gäk, kä ɛ jɛn cuac kɛn da̱ŋ wäl rɛw ɔ. Kä cu E-li-yaa wä kä jɛ kä cɛ bi̱i̱dɛ la̱th wi̱i̱dɛ.

1 Kua̱r 19:8

Kä cuɛ rɔ jiɛc, cuɛ mi̱th kä cuɛ maath, kä cuɛ wä ni kä Thi-nay pääm Kuɔth Nhial kɛ jɛn buɔ̱m mi̱eth ɛ mɔ kɛ ni̱n ti jiɛn ŋuaan.

Diit 106:19

Kä cukɛ ruath tha̱a̱k dääpä täth kä Thi-nay, kä cukɛ jɛ pal.

Ɣöth 17:6

Nɛn ɛ, ɣän bä cuɔ̱ŋ nhiamdun wi̱i̱ Pa̱a̱m Thi-nay, bi päm yɔ̱t, kä bi pi̱ wuɔ̱th thi̱n, bi naath kɛ math.” Kä cu Muthɛ ɛ la̱t inɔ nhiam bööthni I-thɛ-rɛl.

Ɣöth 18:12

Ɛ jɛn, cu gua̱nthu Muthɛ ni Jɛ-thɛ-rö, luur in la wa̱ŋkɛ Kuoth kɛnɛ min la na̱kɛ jɛ, ka̱m Kuoth, kä cu Ä-ron kɛnɛ di̱t I-thɛ-rɛl diaal ben kɛ ɣöö bikɛ mi̱eth ben nyuak piny kɛ gua̱nthu Muthɛ kɛɛl nhiam Kuɔth.

Ɣöth 19:11

Kɛ ɣöö imuɔlä ba kɛ je̱k cikɛ rɔ̱ rial ikä, kɛ ɣöö ɛn cäŋ ɛmɔ, ɣän Kuoth Nhial bä ben piny wi̱i̱ Pa̱a̱m Thi-nay nhiam nath diaal.

Ɣöth 19:3

Cu Muthɛ wä kä Kuoth wi̱i̱ pa̱a̱m. Cu Kuoth Nhial jɛ cɔl rɛy pa̱a̱m, cuɛ wee i̱, “Nɛmɛ ɛ jɛn mi la̱rä ji̱, biɛ wä la̱r gaat I-thɛ-rɛl tin la kuay Je-kɔb i̱,

Ɣöth 2:16

Täämɛ tëë kɛ bo̱o̱th palä kä Mid-yan mi tekɛ nyi̱er da̱ŋ bärɔw. Nyi̱er tɔ̱tɔ̱ cukɛ ben jiɔam pi̱i̱ni wi̱i̱ jiɛw. Cukɛ pa̱ny ti ca tɛt thia̱ŋ kɛ pi̱ kɛ kui̱ bunä de̱e̱t gua̱ndiɛn.

Ɣöth 2:18

Mëë wäkɛ luny cieŋ, cu gua̱ndiɛn ni Yith-ro kɛ thi̱ec, “Ɛŋu cia mal luny cieŋ wa̱lɛ mɔ?”

Ɣöth 2:21

Kä cu Muthɛ jɛ nhɔk i̱ wëë cieŋ kɛɛl kɛ Yith-ro, kä cuɛ Muthɛ ka̱m nyaadɛ ni Dhi-pö-ra.

Ɣöth 24:13

Cu Muthɛ kɛnɛ läätdɛ mi cɔal i̱ Jɔ-cua rɔ̱ jiɛc, cu Muthɛ wä wi̱i̱ pa̱a̱m Kuɔth.

Ɣöth 3:12

Cuɛ Muthɛ jiök i̱, “Bä dhil te kɛɛl kɛ ji̱, kä bi nɛmɛ a nyuuth kɛ kui̱du, mi biɛ nyoth i̱ jäk i̱ ɣän, kä ji̱n mi wi̱i̱ nɛy tɔ̱tɔ̱ wä böth raar kä I-jëp, yɛn bia Kuoth ben pal wi̱i̱ pa̱a̱m ɛmɛ.”

Ɣöth 3:5

Kä cu Kuoth jɛ ku jiök i̱, “/Cu rɔɔdu cak ti̱eec thiäkä kämni wa̱a̱riku raar kɛ Ɣöö ɛn gua̱a̱th ɛ cuŋi thi̱n ɛ, ɛ mun mi thɛ̈kɛ, mi rɛl gɔɔydɛ rɔɔdɛ.”

Ɣöth 33:6

Kɛ kui̱ ɛmɔ, cu ji̱ I-thɛ-rɛl yio̱w pua̱nynikiɛn woc. Niɛ mëë cikɛ kɛ woc thaar Pa̱a̱m Thi-nay /kenkɛ kɛ nyɔk kɛ kue̱ŋ amäni gua̱a̱th ëë wä kä wä nhiam.

Ɣöth 4:18

Ɛ jɛn, cu Muthɛ ku loc kä gua̱nthudɛ ni Yith-ro, cuɛ jɛ wä jiök i̱, “Ɣän la̱a̱ŋä ni ji̱, a luɔcä kä watkä kä I-jëp, ba wä nɛn mi kɛ nɛy ti ŋot te̱e̱kä.” Cu Yith-ro Muthɛ jiök i̱, “Wër ni kɛ mal.”

Ɣöth 4:27

Ɛn kamä nɔmɔ, cu Kuoth Nhial Ä-ron jiök i̱, “Wër, ro̱mni kɛ Muthɛ dɔɔr.” Cuɛ cu wä, cuɛ wä röm kɛ jɛ pa̱a̱m Kuɔth, kä cuɛ jɛ cim.

A-mɔth 1:1

Ti̱ti̱ kɛ ruaacni A-mɔth, yie̱e̱n deet mi bëë rɛ̈ɛ̈k mi cɔali Tɛ-kowa tëë cɛ nɛn kɛ la̱k kɛ kui̱ I-thɛ-rɛl, runi da̱ŋ rɛw mëë /kenɛ piny ni lath. Kɛn ni̱ni tɔ̱tɔ̱ Ö-dhi-ya ɛ kuäär in di̱i̱t kä Juda, kä cu Ya-rɔ-baam a gat Yo-ac kuäär in di̱i̱t kä I-thɛ-rɛl.

Mɛ̈l 4:4

“Kä tiɛtdɛ ŋuɔ̱t jäŋädä ni Muthɛ, kɛ luëëk tëë cä la̱r jɛ wi̱i̱ Pa̱a̱m Thi-nay kɛ kui̱ ji̱ I-thɛ-rɛl diaal.

Kuen 10:29

Cu Muthɛ Ɣo-bab gat Rɛ-u-el raan Mid-yan gua̱nthudɛ jiök i̱, “Banɛ wä guäth in ci Kuoth Nhial ɛ lar i̱, ‘Bɛ ka̱m kɔn.’ Bër kɛɛl kɛ kɔ, ba kɔ ji̱ la̱t a gɔaa, kɛ ɣöö ci Kuoth Nhial mi gɔaa la̱r ji̱ I-thɛ-rɛl.”

Kuen 10:33

Inɔ cukɛ ɣöth kä Thi-nay päm Kuɔth Nhial jälkɛ kɛ ni̱n diɔ̱k, kä te thanduk matdä ruac Kuɔth Nhial nhiamdiɛn kɛ ni̱n diɔ̱k, kɛ ɣöö bɛ kɛ jëk gua̱a̱th lɔ̱ŋä.

Luk 2:8

Rɛy rööl ɛmɔ tëëkɛ tha̱a̱ŋ yiëën deet ti yiënkɛ detkiɛn rɛy dɔaar kɛ wäär.

Lät Jaakni Yecu 7:30

“Täämɛ mëë ci run ti jiɛn da̱ŋ ŋuan thuuk, cu jääk nhial päl kä Muthɛ däär dɔaar, Pääm Thi-nay kɛ bo̱l maac mi pɛt rɛy butbutdä.

Ŋuɔ̱t 1:2

Ɛ kam mi ja̱lkɛ kɛ ni̱n wäl kɛl kɛ jiɛɛndu kä Thi-nay kɛ duɔ̱p wi̱i̱ni rööl päämni Ɛ-dɔm wädu kä Ka-dɛc-bar-ni-ya.

Ŋuɔ̱t 1:6

“Ci Kuoth Nhial ni Kuoth kɔn jiök kä Thi-nay i̱, ‘Cia cieŋ ɛlɔ̱ŋ ɛn pääm ɛ mi.

Ŋuɔ̱t 4:10

Carɛ cäŋ ëë jiacɛ ni rɔ nhiam Kuoth Nhial Kuothdun kä Thi-nay. Cu Kuoth Nhial ɣä jiök i̱, ‘Cio̱li ɣä duɔl nath, kɛ ɣöö ba ruacdä ben liŋ, kä bikɛ ɣä luɔ̱th kɛ ni̱n diaal tin tëk kɛ kɛ wi̱i̱ muɔ̱ɔ̱n. Kä bikɛn kɛ ŋi̱i̱c gaatkiɛn.’

Ruëëc 4:11

Kä ci Ɣɛ-bɛr raan Kɛɛn kuɛ̈ɛ̈ Ɣo-bab gua̱nthu Muthɛ rɔ koc kä ji̱ Kɛɛn, cɛ wä pua̱t ni kä Dhä-nä-nim thaar jiaath in di̱i̱t thiekä Kɛ-dɛc.

1 Tham 16:11

Kä cu Tha-muɛl ɛ thiec i̱, “Kɛ kɛn gaatku diaal tëë wa̱nɛ ti?” Kä cuɛ loc i̱, “Ci duɔth ni gat in tɔtdiɛn jɔ̱ɔ̱r, ɛ jɛn guic det ɔ.” Kä cu Tha-muɛl wee i̱, “Jäk niɛ kä raan a jɛ bä. Kä canɛ bi nyuur amäni mi cɛ ben wa̱nɛ mi.”