Ɣöth 26:17 - RUAC KUƆTH IN RƐL RƆ

¹⁷ Bi jiath kɛl a tekɛ tuŋ mi ce̱tkɛ tuŋ ko̱r, bi kɛl te kui̱c in te piny, kä bi tuŋ kɛl te kui̱c in te nhial, kɛ ɣöö bikɛ rɔ̱ gɔn kɛɛl, ba kɛn diaal pa̱a̱r ɛyit kɛ ɣöö bikɛ röm ɛpot kɛnɛ jiath in dɔ̱ŋ. Bi cuɔ̱ɔ̱ŋ kɛmɛkä ro̱mä la̱t inɔ.

Ɣöth 26:17 Iomraidhean Croise

Ɣöth 26:16

Bi cuɔ̱ŋ kɛl kä jiɛn tɔ̱ cuɔ̱ɔ̱ŋɛ kɛmɛ tɔ̱ bärɛ a jua̱th te̱tni da̱ŋ wäl, kä bi jiath ɔ kä jiɛn tin te ri̱i̱wädɛ bärɛ a juäth tetdä kɛl kɛ nuth.

Ɣöth 26:18

Bi jiɛn la̱t kɛ kui̱ duëël, bi cuɔ̱ɔ̱ŋ jiɛn ti jiɛn da̱ŋ rɛw la̱t kui̱c targɛ̈w.

Ɣöth 26:19

Bi kääpni ciökni ti jiɛn da̱ŋ ŋuaan täth piny kɛ ciɛk in bo̱r, kä bi kɛ ta̱th thäri cuɔ̱ɔ̱ŋni jiɛn ti jiɛn rɛw. Bi kääpni da̱ŋ rɛw te thaar jiaath kɛl kɛ kui̱ ciöknikɛ da̱ŋ rɛw. Bi cio̱o̱k ɔ cuɔ̱ŋ wi̱i̱ kä kɛl, bi cio̱o̱k in dɔ̱ŋ cuɔ̱ŋ wi̱i̱ kä min dɔ̱diɛn, ba lɔathdiɛn diaal inɔ.

Ɣöth 36:22

Cuɔ̱ŋ kɛl kä kɛn diaal tëë kɛ ciök rɛw ti ca rɛk thaarɛ, kɛ kui̱ kä ɣöö bikɛ ro̱ŋ ɣo̱tni tin ca guaŋ piny. Cua nɔmɔ lät ni kɛn cuɔ̱ɔ̱ŋ duëël diaal.

Ɣöth 36:24

Kä cukɛ kääpni thariɛn tɛ̈t piny keŋni duëël diaal kɛ ciɛk in bo̱r. Thäri cuɔ̱ɔ̱ŋni ti jiɛn rɛw tëë kɛ kääpni thar da̱ŋ rɛw ti luɔtkɛ rɔ̱ kɛ cuɔ̱ŋ kɛl ciöknikɛ da̱ŋ rɛw tin ca rɔ̱ rɛk.