Ɣöth 23:2 - RUAC KUƆTH IN RƐL RƆ

² /Cu thok mat kɛɛl kɛ buɔ̱n mi lät ni mi jiääk. /Cu cuɔ̱ɔ̱ŋ wony kɛ thok nɛɛni ti ca rɔ̱ rith, kä latkɛ ni duer, a ya̱rkɛ ni thuɔ̱k.

Ɣöth 23:2 Iomraidhean Croise

Tuk Cäkä Ɣɔaa 19:4

Kä mëë ŋotkɛ a /ke̱nkɛ ni wä tɔ̱a̱cni, cu wutni diaal kä Thɔ-dɔm cieŋ ben göl piny, cukɛ ben kɛn diaal a thil ruec, ni kä ŋuɛ̈tnikiɛn amäni dɔŋkiɛn bä.

Tuk Cäkä Ɣɔaa 6:12

Kä mëë ci Kuoth ɛ guic kä cɛ jɛ nɛn ɛ cɛ jiääk kɛ ɣöö ci nɛy diaal ciaaŋdiɛn ya̱r wi̱i̱ muɔ̱ɔ̱n,

Tuk Cäkä Ɣɔaa 7:1

Ɛ jɛn, cu Kuoth Nhial Nowa ku jiök i̱, “Wër rɛy ria̱a̱y, ji̱n yɛnɛ ji̱ gɔaalu diaal, kɛ ɣöö cä jɛ nɛn ɛn ɣöö ɛ ji̱n gua̱n cuŋni kärɔaadu rɛy ri̱cä mi mi.

1 Kua̱r 19:10

Kä cuɛ loc i̱, “Ɣän cä tekɛ tiɛɛl kɛ Kuoth Nhial, Kuoth in la Ruey Ɣɔaa. Kɛ ɣöö ci ji̱ I-thɛ-rɛl gukdɛ lo̱k, kä ca yi̱kdɛ däk, kä ca göökɛ näk kɛ thɛp. Kä ɛ ɣän kärɔa ci duɔth ɔ. Kä go̱r kɛn näkdä bä.”

I-yob 31:34

Kä ɣän cä met dual kɛ min latkɛ ɛ naath, kiɛ cɛ ɣä met lath kɛ yiöŋdiɛn a bä te duëël bitdä.

Diit 72:2

Dɔ̱ŋ bɛ nɛɛku luk kɛ cuŋ, kä bɛ canku luk kɛ thuɔ̱ɔ̱k.

Ruac Pɛli 1:15

Gatdä cu jäl kɛɛl kɛ kɛ, nɔ̱ɔ̱ni rɔɔdu kɛ duɔ̱ɔ̱pdiɛn.

Ruac Pɛli 18:5

/Cɛ gɔaa ɛn ɣöö ɣɔɔri gua̱n dui̱rä, kä bi gua̱n cuuŋä pën cuɔ̱ɔ̱ŋ.

Ruac Pɛli 4:14

/Cu duɔ̱ɔ̱p ji̱ dueeri guur, kä cu duɔ̱ɔ̱p ji̱ jiäkni guur.

Bok Go̱kä ni Yir-mɛ-yaa 37:15

Kä cu ruëëc ŋɛ̈ɛ̈ny kɛ Yir-mɛ-yaa cukɛ jɛ duäc, kä cukɛ jɛ yiɛn dhɔr Jo-na-than bulkamiin, kɛ ɣöö ca jɛ jakä gua̱a̱th yieenä.

Bok Go̱kä ni Yir-mɛ-yaa 37:21

Kä cu kuäär ni Dhid-ki-yaa ruac kɛ ɣöö ba Yir-mɛ-yaa nööŋ rɛy dhɔaar ga̱a̱ŋni. Kä cua jɛ cua̱ muɔckɛ juray thi̱n ni ciaŋ guäth buɔ̱l jurayni wec ɛmɔ, cu mäni mëë ci jurayni diaal thuuk. Kä cu Yir-mɛ-yaa te rɛy rɛ̈ɛ̈k dhɔaar ga̱a̱ŋni.

Bok Go̱kä ni Yir-mɛ-yaa 38:9

“Kuäärä, wutni ti̱ti̱ cikɛ mi jiääk la̱t kɛ yor go̱kä ni Yir-mɛ-yaa rɛy jiɛw kä jɛn bɛ li̱w thi̱n kɛ buɔth, kɛ ɣöö rɛy wec thilɛ mi̱eth mi ŋot thi̱n.”

Yɛdh 9:9

Kä cuɛ ɣä jiök i̱, “Dueer ji̱ dhɔaar I-thɛ-rɛl kɛnɛ Juda di̱tkɛ ɛlɔ̱ŋ. Kä mun cɛ thia̱ŋ kɛ riɛm, kä wec ɛ gua̱a̱th nyuɔɔni, kɛ ɣöö ruac kɛ i̱, ‘Ci Kuoth Nhial wec ba̱ny piny, kä jɛn Kuoth Nhial /cɛ nen.’

Liib 19:15

“/Cuarɛ thuɔ̱k pen rɛy luɔ̱ɔ̱knikun. /Cuarɛ can mac kä /cuarɛ dual kɛ nɛy tin riäŋ, luk gua̱n thiekädu kɛ thuɔ̱k.

Bok Go̱kä ni Ɣa-gay 1:4

“Yɛn nɛɛkä, ɛ thuɔ̱k ɛn ɣöö dërɛ cieŋ duëli ti da̱pda̱a̱p guäth in te luaakdä riäpä!

Mak 15:15

Kɛ ɣöö go̱o̱r Pay-lɛt ɣöö bi buɔ̱n lɔcdɛ tɛɛth, cuɛ kɛ luɔ̱ny Bä-ra-bäth. Kä kɛ kɔr kä mëë cɛ Yecu duäc, cuɛ jɛ ka̱m kɛ, kɛ ɣöö ba jɛ wä pua̱t jiaath.

Luk 23:51

Jɛn /kenɛ ca̱a̱pkiɛn lätkiɛn nhɔk. Kä bëë wi̱c ji̱ Juudh mi cɔali A-ri-ma-thia kä liipɛ ni ben kuäärä Kuɔth.

Lät Jaakni Yecu 24:27

Kä kɛ kɔr kä mëë ci run da̱ŋ rɛw thuuk, cua gua̱a̱th Pi-lik guäl ɛ Por-ciäth Pɛth-täth. Kä cu Pi-lik Puɔl ba̱ny rɛy duëël yieenä kɛ ɣöö go̱o̱rɛ ɣöö ba jɛ nhɔk ɛ ji̱ Juudh.

Lät Jaakni Yecu 25:9

Kä Pɛth-täth go̱o̱rɛ ɣöö ba jɛ nhɔk ɛ ji̱ Juudh, cuɛ Puɔl thiec i̱, “Ji̱n go̱o̱ri wä kä Jɛ-ru-tha-lɛm, kä ɛn wi̱ni ba ji̱ wä luk kɛ go̱o̱nyni ti̱ti̱ nhiamdä?”

Ji̱ Röm 1:32

Ŋäc kɛn ŋut Kuɔth ɛn ɣöö bi nɛy ti la̱tkɛ ti jiäk ti ce̱tkɛ ti̱ti̱ li̱w. Kä /cikɛ lät ni ti̱ti̱ kä rɔ, kä nhɔakɛ nɛy tin la̱tkɛ ti̱ti̱ bä.

Ŋuɔ̱t 1:17

Cu guic ni ta̱a̱ nath rɛy luɔ̱k, liŋ ram mi tɔt kɛnɛ ram mi di̱i̱t a päär. Cu dual kɛ waŋ ran, kɛ ɣöö luk ni Kuoth. Kä luk mi wä ji̱ dhal nöŋ ni jɛ ɣä, bä ben liŋ.’

Ŋuɔ̱t 16:19

Cu luk gɔ̱ŋ. Kä cu guic ni wäŋ nath. Kä cu kök nhɔk, kɛ ɣöö kök la yärɛ naath la thuɔ̱k ɛ bathɛ.

Ŋuɔ̱t 24:17

“/Cuarɛ cuɔ̱ɔ̱ŋ päl kɛ kui̱ raam mi juɔ̱r kiɛ kɛ gat mi thil gua̱n, kä /cuarɛ bi̱i̱ ciek jɔkä kän kɛ ŋua̱l.

Jɔ-cua 24:15

Kä yɛn, mi /cia Kuoth Nhial bi lätikä, kuɛ̈ɛ̈ kuoth in bia lätkɛ käp mɛk ɛn wa̱lɛ, mi kɛ kɛn kuth tëë ci guurikun kɛ guɔ̱ɔ̱r mëë cieŋkɛ dhɔɔr in te kä Bɛ̈-bi-lɔn kiɛ kɛ kɛn kuth ji̱ Ɛ-mor ti ciaŋɛ ni mundiɛn ti. Kä lamä ɛ ɣän kɔnɛ thok duëëlä, kɔn bakɔ la̱t ni lät Kuɔth Nhial.”

1 Tham 15:24

Kä cu Thɔɔl Tha-muɛl jiök i̱, “Ɣän cä duer. Kɛ ɣöö cä ruac Kuɔth Nhial lo̱k kɛnɛ ruacdu, kɛ ɣöö cä dual kɛ naath a cä liŋ ni ruacdiɛn.

1 Tham 15:9

Duundɛ ɣöö /ken Thɔɔl Ä-gag näk, kɛnɛ det tin gɔw, kɛnɛ ɣɔ̱k, kɔa̱a̱l tin ci buuth kɛnɛ rueeth deet rɔɔmni, kɛ tin diaal tin gɔw /kenɛ kɛ näk. Kä cuɛ tin diaal tin thil luɔt näk.