Ɣöth 2:16 - RUAC KUƆTH IN RƐL RƆ

¹⁶ Täämɛ tëë kɛ bo̱o̱th palä kä Mid-yan mi tekɛ nyi̱er da̱ŋ bärɔw. Nyi̱er tɔ̱tɔ̱ cukɛ ben jiɔam pi̱i̱ni wi̱i̱ jiɛw. Cukɛ pa̱ny ti ca tɛt thia̱ŋ kɛ pi̱ kɛ kui̱ bunä de̱e̱t gua̱ndiɛn.

Ɣöth 2:16 Iomraidhean Croise

Tuk Cäkä Ɣɔaa 14:18

Ɛn guäth ɛmɔ te wut mi la kuäär Ca-lɛm thi̱n mi cɔal i̱ Mal-ki-dhɛ-dɛk, kä ɛ jɛn bo̱o̱th palä Kuɔth in di̱t ni jɛn. Ɛn Mal-ki-dhɛ-dɛk ɛmɔ cuɛ kɛ nöŋ mi̱eth kɛnɛ kɔaŋ.

Tuk Cäkä Ɣɔaa 24:11

Mëë cɛ cop cuɛ thɔ̱a̱rɔa̱a̱li jak kä tɔ̱ɔ̱c gekä jiɛw mi te jɔk wec, kɛ gua̱a̱th mi ce̱tkɛ kɛ thiaŋ, jɛn thaak in la bëë kɛ män jiɔam pi̱i̱ni.

Tuk Cäkä Ɣɔaa 24:13

Ɣän bä cuɔ̱ŋ wi̱i̱ jiɛw ɛn wanɛ, guäth in la nyi̱er wec ɛmɔ a bëë jiɔam pi̱i̱ni thi̱n.

Tuk Cäkä Ɣɔaa 29:2

Cuɛ jiw mi te däärdɔaar nɛn. Cuɛ gua̱th bua̱a̱ni de̱e̱t da̱ŋ diɔ̱k nɛn wi̱i̱dɛ. Ɛ jɛn jiw in la ma̱a̱thkɛ det diaal thi̱n, kä ca thokdɛ kum kɛ päm mi di̱i̱t.

Tuk Cäkä Ɣɔaa 41:45

Mëë ci Pɛro Jo-thɛp jak kä kuäär wec, cuɛ jɛ moc ciöt kɛ thok rööl I-jëp a cuɛ jɛ cɔl i̱ Dhap-nath-pa-na. Kä cuɛ jɛ ka̱m nyam mi cɔal ciötdɛ i̱ A-thɛ-nath ala ciekdɛ. Kä nyam ɛmɔ ɛ nya Pɔ-ti-pɛ-rä, bo̱o̱th palä wec in cɔal i̱ Ɔn. Kä cu Jo-thɛp rɛy ro̱o̱l I-jëp wä jäk.

Ɣöth 18:1

Täämɛ gua̱nthu Muthɛ ni Yith-ro mi la bo̱o̱th palä kä Mid-yan, cuɛ tëë diaal tëë ci Kuoth kɛ lät kä Muthɛ kɛnɛ ji̱ I-thɛ-rɛl diaal liŋ, jɛn no̱o̱ŋ ëë ci Kuoth Nhial jɛ no̱o̱ŋ ni ji̱ I-thɛ-rɛl raar kä I-jëp.

Ɣöth 18:12

Ɛ jɛn, cu gua̱nthu Muthɛ ni Jɛ-thɛ-rö, luur in la wa̱ŋkɛ Kuoth kɛnɛ min la na̱kɛ jɛ, ka̱m Kuoth, kä cu Ä-ron kɛnɛ di̱t I-thɛ-rɛl diaal ben kɛ ɣöö bikɛ mi̱eth ben nyuak piny kɛ gua̱nthu Muthɛ kɛɛl nhiam Kuɔth.

Ɣöth 3:1

Täämɛ, guäth ëë yi̱en Muthɛ det gua̱nthudɛ ni Yith-ro min la bo̱o̱th palä kä Mid-yan, cuɛ kɛ no̱o̱ŋ kui̱c waŋ, guäth mi cɔal i̱ Thi-nay min mɔ päm Kuɔth in rɛl rɔ.

1 Tham 9:11

Min cikɛ ben dho̱nyä wäkɛ wi̱c, cukɛ röm kɛ la̱a̱t nyieet ti ci ben jiɔam kɛ pi̱, kä cukɛ kɛ thiec i̱, “Te ti̱et ɛn wa̱nɛ?”